انصحوني بنات مره محتاره ولا ادري ايش الصح .. لا اله الا الله

بنات انا من كذا شهر زعلت وخذلت صديقتي المقربه الي هي تؤام روحي واعتذرت منها بس هي بالمختصر ماهي متقبلتني
بالنهايه قالت لي نكون صديقات بس مثل اول يوم كنتي مثل روحي صعبه
ولاني احبها واعزهاوافقت .
الشاهد
اننا الحين ماكاننا صديقات ولانتعامل زي الصديقات مثل ماقالت
اذا راسلتها كلام مختصر وينتهي
واذا التقيت فيها تجلس معاي نسولف والاغلب انها تجاملني وكثير وبعدين ماتطول وتقوم واشوفهل تكون مبسوطه اكثر ما تكون مع غيري انا مو جايه الومها هي تتضايق وهاذا الي واضح ومالومها دامها ماتتقبلني ليه نكون صديقات اجل هاذا الي قاهرني


احيان احس اني افرض نفسي عليها وانقهر واسحب عليها واقل خلاص كفايه ماسبيت لها من ضيق بس تجي تسال عن صحتي وذا واحس انهل تحبني وتغليني وبمجرد ماافرح واشكرها واحيان من الفرحه ارسلها رساله عن الصديقه الوفيه ومدح فيها


بعد كم يوم تكتب بحالتها عن الخذلان والانكسار وفراق الاصدقاء
زي انها تصدني
وغير لما الاقيها احيان ماتطول معي شوي بس وتقوم من عندي والله احس اني اذل نفسي كذا


يختي خلاص اذا مو متقبلتني كلن يروح بحاله ليه كل هاذا
احيان اقول تشفق علي لانه مرضانه واذا سحبت عليها تجي تسال واذا فرحت وذا ع طول تتهرب مني وكانها ماتبغا مني كلمه


المهم اني للحين مافهمت ايش تصرفاتها بس الواضح انها تتضايق مني وحيل


ومره وصلت فيها تحذف رقمي عرفت لما رسلت جماعي وكنت اشوفهل متصله ولاتوصلها الرساله..
وبعد فتره تجيني تقل وينك مختفيه عن الواتس ولا ارد بس سؤال عن الحال وخلاص


اذا سحبت نفسي تجي وراي واذا تكلمت وراسلت تتضايق وتصدني ماعرف وش اسوي صراحه
اش رايكم بتصرفاتها ؟ و تنصحوني انهي العلاقه لان احس هاذا افضل لها ولي..
وخاصه اني خلاص ماعد ابغا اكون سبب في ضيقهل او زعلها


ابغا اكفيهل خيري وشري


كل ماسحبت نفسي وجت تسال عني افرح وتصد وانقهر واقول خلاص انا ماياست البنت ماعد تطيقني لازم ابعد
وابعد وهكذا من يوم اعتذرت للحين


انصحوني بليز انصحوني معد ادري وش اسوي والله
والله لايجلعني سبب في مضايقتها
انا لو قررت اني ابعد عنها ببعد لاني احبها ولا عد ابغا اسبب لهل ضيق او اذى ...نهائي
الله يسعدكم انصحوني..وشاكره