انصحوني جزاكم الله خير

السلام عليكم
اخواتي انا عضوة جديدة حبيت احكيلكم مشكلتي واتمنى تنصحوني كل وحدة تحط حالها مكاني وبعدين ترد عليي وتشور ايش اسوي
انا متزوجة من ٦ سنين من رجل يكبرني بالعمر كثيرا ١٨ سنة اكبر مني ومطلق ولديه طفلين
ظروف اهلي كانت ومازالت صعبة فأبي يوم يشتغل ويوم لا مسكين الحمد لله وخلفته كلها بنات وانا اكبرهم
اتزوجت هذا الرجال ع بلد تاني قلت بريح اهلي وبطلع من هالظروف القاسية
المهم جيت وانصدمت انو اهلو بيعيشون كمان معنا بنفس البيت بحجة يخافون ع ولاده من مرت الاب حتى يشوفون معاملتي لهم كيف وبلشت المعاناة ممنوع اكلمهم ممنوع انصحهم او اوجهم او حتى افهمهم الصح من الغلط وابوه كبير ولسانه وسخ كل شوي وهو ماسح فيني الارض حتى بعد ولادتي قذفتي و قال هاد ولد حرام وزوجي لئيم ما يحن عليي حتى بمرضي مايوديني طبيب ويجيب الدوا يرميه خذي اشربي وام زوجي تزعل ع اتفه الاسباب وتسبببي مشاكل مع زوجي مشيت اموري طول ه الست سنين واتحملت كبروا اطفاله و صاروا متل جدهم يسبوني يقذفوني يضربوني وزوجي يهيني ماعاد اتحملت صرت احكي واشكي لزوجي بكفي يزيد اهانات قدام كل الناس يهيني ويسبني ويلعن اهلي
ماعاد فيني اتحمل عارف وضع اهلي الصعب رمى جوازي بوجهي وبقلي احكي لابوكي يحجزلك وانقلعي من بيتي و ازا ما حجزلك برميكي بالشارع ما يدي اشوفك هنا في البيت
عندي منه ولد وبنت صغار ياعمري ٣ سنين وسنة اعمارهم
شو اعمل يطردني هو واهله وضرب واهانات و اهلي ما يقدرون يحجزولي واولادي شو وضعهم قال خذيهم بألف داهية انتي وهم طيب وين اروح من وين اصرف اتزوجني صغيرة ما كملتدراستي
امانة قولي شو اعمل
الله لا يسامحني ازا ظلمت اهله او اولاده او ازا اسأت لحدا فيهم عاملتهم بمخافة الله وماجازوني غير الشر
حسبي الله شوروا عليي بالله عليكم
لا تقولوا روحي اتشكي يحبسني في البيت ويقفل الباب لان بشك فيني ويقلي ازا بفتح الباب بدخلي رجال ع البيت
ومامعي فلوس واساسا انا زيارة كل ما تخلص يجدد حتى اقامة ما معي
خايفة رغم كل هاد من الطلاق زعلانة ع اولادي احاول اهدي الوضع يسبوني يطردوني ووضع اهلي ما يساعد نهائي ياربي افرجها عليي يارب