السلام عليكم ورحمة الله وبركاته
بعد شهر بننقل بيتنا الجديد الله يتمم علينا يارب
اليوم رحت اوكسترا بشوف الادوات الكهربائيه عشان ابدا اخذ فكره واشوف كم بيطلع علينا
قررت اخذ ثلاث مكيفات اسبليت ماركة جنرال الكتريك
للصاله 30 الف وحده حار وبارد طبعا لان الصاله كبيره ومفتوحه ولقيت سعره ب 6535
اثنين لغرف النوم كمان جنرال الكتريك بس 18 الف وحده لان غرف النوم مو كبيره مره وكمان حار وبارد وسعر الواحد ب3950
تنصحوني اخذ جنرال الكتريك لقيت ال جي بس من تدويري في المنتدى الاغلبيه يسبه
وقلت له قال اللي تجميع سعودي ردي بس الكوري تجميع كوري زين
ورحنا نشوف البلازما حصلت شاشة بلازما ال سي دي سامسونج 42 بوصه ب 2250 يقول عليها عرض باخذ ثنتين انا وش رايكم زينه سامسونج وعندهم ال جي وسوني وعليها عروض
طيب نجي لغسالة الملابس والمجفف الحراري قررت اخذها منفصله
الغساله من ميتاج 10ك بدون عامود ب 2300وتصدقون احسها ضيقه عندي وحده 10 ك اكبر منها من جوه
ها تنصحوني بهالشركه ولا لا حصلت غساله ال جي ويمدحه بس مارتحت لها
المجفف الحراري كمان ميتاج وكمان 10ك ب 1720
فيه مجفف جنرال الكتريك وفيه ادميرال جنرال اغلا شي
طيب نجي للثلاجه كنت ابغا توشيبا 32 قدم بس ماحصلت الا 21 قدم
حصلت ال جي 32 قدم وسيعه ولونها ابيض ب 4000 وش رايكم بنات في ثلاجات ال جي زينه ولا لا
ماتنقط مع الوقت ولا تثلج انصحوني تكفون
هذي يابنات المشتروات اللي نبغاها وزي منتم شايفين كثيره يعني حول 30 الف ريال بتكلفنا عشان كذا مابغا استعجل وماراح اشتري شي قبل ماخذ مشورتكم واخذ نصايحكم من واقع تجاربكم
جزاكم الله كلللللللل خير يارب:26::26:
وبارك على محمد وعلى ال محمد كما باركت على ابراهيم وعلى ال ابراهيم
انك حميد مجيد