انصحوني .. شو أعمل مع أهل زوجي ؟؟

عنجد يا بناات .. انصحوني .. أو على الأقل قولولي شو أعمل مع طبع أهل زوجي ...

القصة بدأت من أول يوووم اجو يخطبوني فيه ... مشكلتهم هي انهم ( كثيرين الانتقاد ) - طبعا الغير هادف .. ) ..

بحاول بكل الطرق انو ما أخلي ولا شي يحتاج الانتقاد .. بس من تحت الأرض بيطلعو ...

الحق يقال .. هم ناس كويسيين .. و بحبوني .. و بحبوا أهلي ... بس لازم ينتقدو ..

مثلاً ..

( طريقة حياتنا !! - لازم يعلقوا )
( طريقة نقاش أبي بالمواضيع .!! - يعني شو أعمل ..؟؟ ليش النقد الي ما يقدم ولا يأخر .. بس بيوجع البطن !! )

( عادات أهلي فالأكل - والدي عندو كوليسترول .. ما بياكل اللحمة او أي شي بس يكتفي بالخضار .. لما عزمونا على الفطور -- علقوا انو والدي ما أكل من كل الأصنااف الي مسوينها .. بس زوجي فهمهم انو محافظ على نوع معين للأكل .... و لما نحنا عزمناهم ... الوالدة كانت مش مقصره أبدا .. و أكلها كاان لذييذ .. ف والدي أكل من كل شي ( و هاي تعتبر من المرات القليلة في السنة الي بيكسر فيها القاعدة ) .. كل شي كااان تماام و على أكمل وجه ... طبعا مالقوا شي يعلقو علييه غيير انو لييش والدي أكل بنفس اليوم .. و عندهم لاء .. ( الله أكبر !! حتي على الأكل بيعلقوا ) ....

بصراحة كل شي بيعلقوا علييه تافه .. بس هييك عالفاضي و الملياان .. طبعا انا ما بيهوون علي أسمع هييك ( ملاحظة . ما بيقولوا هالكلام لي بالوجه .. بيقولوه لزوجي .. و انا طبعا باخذ التقرير منو عن كل شي أهله حكوه ... وهو مسكيين ماااا بيخبي شي بالمرة ...!!! )

الصراحة .. العلاقة الاجتماعية بين أهلي و أهل زوجي مش 100 % اوكي ، كلها مجاملات .. و من جهةاهل زوجي زوجي (هي عبارة عن بحث عن شي يحكو فيه ) و انا ما بطيق هييك ...

انا بعرف انو أهلي و أهل زوجي مفروضين على بعض بالمناسبات ( مشان علاقة المصاهرة بس ) ... بس ياربي .. دلوني كييف أخلي المراات القليلة الي بيجتمعو فيها يكوونو مرتاحيين .. و مابيحسو انها فرض وواجب علييهم ... !!! :(


-- معقول لأنو كان فيه شوية خلاف و توتر مشان المهر و عقد القران -- و النتيجة كان متل ما كان بده الوالد صار -- معقول مشان هييك عم بيعملوا ولا هدا طبع فيهم و انا لازم أتعود ...

المشكلة اني صايرة اتزاعل مع زوجي لأنو ما بيهوون علي يحكو هييك .. و هو بيحلف 100 يمين و عظيم انو كلامهم بس حكي فاضي و ما بيفكروا فيه .. بس انا بيضل هالحكي بيحز بنفسي .. و دايما مدافعة عن أهلي ..

دلوني كيف ممكن أكسب اهل زوجي و أخليهم يحبو اهلي .. اي سياسة أتبع ..؟؟


مشاان الله .. لا تخلوني هيييك .... ساعدوني ..

( على فكرة .. كل الي سبق أهلي و خصوصا ماما ما بيعرفو شي عنو .. لأني ما بدي ياخدو موقف سلبي من اهل زوجي اذا عرفو .. يعني انا الخسرانه في النهاية و الوضع مش ناقص يصير أسوأ !!! ... ف مافي حدا أشكيلو و ينصحني ... )



ناتاليا ... :06: