انصحوني صارحوني انا صح ام خطأ لو قابلتو احد نفس جوي كيف حتكونوا معاه

بسم الله الرحمن الرحيم
السلام عليكم ورحمة الله وبركاته
اخواتي الفاضلات انا اعاني من شي و هو انو علاقاتي مع الناس ما تستمر بطريقة حلوة ابد .. سواءاً صحبات زوجات الاخوان قريبات
انا الان اتكلم و ممكن يكون احد منكم في نفس موقفي بس مو مستشعر انو هالشي مشكلة او مو مهم عنده او مو مركز فيه مرا فهمتو علي ..
اللي خلاني اتكلم انو هالشي اثر علي بخوف اخاف اخسر الشخص او يكرهني او او ...
طيب ! انا اللي في قلبي دائماً اقوله ما احب امسك في نفسي أرتاح لمًا اقول للشخص و اعاتبه على شي م عجبني فيه و احب رده يكون واضح وصريح ..
و ما احب الناس القريبه تخبي شي عني او تكونن رسميه معاي ف يوم من الأيام
و اتنرفززز بسرعة من الحركات المستفززه و دايماً انخدع بالناس اجلس افضفض و اكتشف انو مو صريح و واضح معاي فأنقهر
حذكر لكم كم موقف علشان تفهمو شوي المواقف
زي لما كنت بالجامعة وحدة من البنات كانت صاحبتي و معاي و حلوين و كللششش و صار بيننا مشروع .. انا شايله همه و قرب وقته و نبغى ننجز فيه و نخلص هيا الله يصلحها ويعافيها فيها ماشاء الله من البرود مبدعة و ذكية بس برود و انا حاره ف كنت اكلمها و تجلس جنبي بصوت اللبانه و انا مرا اتنرفزت و كذا ضجرت وضح في صوتي و هيا شافت فلما رجعنا للبيت كلمتها بالقوه ردت و قالت ها ايوه خلاص حنخلصووو ان شاء الله و...


بعد ما خلصناها البنت كنسلتني مرا ماصار بيننا إلا السلام فقط و صارت لوحدها و كونت لها علاقات عاد بعدين
فأنا على الرغم من انو لي فترة من تخرجت من الجامعة الا مواقف البنات م انساها يا كثر م اتضايق منهم يعني زي هذي ليش كذا قفلت الباب سلمنا المشروع زاح الهم ليش الامور لو صديقات صح كان استمرت ليش قفلت بابها .. شافت م الزمها ولا ايش يعني مرا حتى ما جات عاتبتني و قالت كذا وكذا م يعاتبك الا اللي مشتريك اصلاً ...
و غيرها كثيررر من هالقبيل م يجو يكلموني او شي على طول يسحبو على علاقتي .. و اوقات اكون ممله ف الحديث م اعرففف صراحه لكن الحمدلله ايام مرت بحلوها و بمرها اللهم لك الحمد
بنات الخالة قطعو علاقتهم معاي فجأه بسبت مواقف بايخه جداً جداً كأنو صار بيننا حواجز و مستحيل ترجع المياة لمجاريها
فعليا
مليييت و متضايقه من هالشي و مرات اقول الحمدلله ممكن خيره من ربي و اكيد انها خيره مو ممكن ...
بس اعترف انو انا انسانه اسألتي كثيره واحب التفاصيل و احب انا اتكلم بالتفاصيل كمان مو بس اخذ ولا اعطي
حتى الان بعلاقاتي احس اني غثيثه مرا اشعر دايماً اني ثقيله على قلوبهم لان من يوم وانا صغيره هالمواقف تصير معاي و شكلها اثرت علي .
ف اللي ابغاه كيف اكون شخصية جذابة غير ممله شخصية لها معارفها و صداقاتها و محبوبة
اسفة اطلت الكلام .. شكراً لكم بأنتظار ردودكم