انصحوني قبل الساعه 2 الظهر تجي .. يارب فرج همي

السلام عليكم ورحمة اللهو بركاته

بدخل بالموضوع دغري .. بنات انا زوجي موضف واموري يعني زينه
كل شهر تقريبا اخذ 300 ريال لأني اصلا انا من النوع اللي ما اصرف
واراعي ضروفه لأنه حاليا عليه ديون واقصاد وحاله حاله
المهم ياطويلات العمر مالكم بالطويله جتني وضيفه دوامها شفتات 8 ساعات
راتبها الفين وشوي .. انا قلت خلاص فرصة العمر وكلن قام يقولي غبيه لو تخلينها
وانتي الان على شركه بكره تترسمين ويوصل راتبك 4000 ومن هالكلام اللي شد من عزيمتي
المهم داومت تخيلو جدولي وحياتي مع الوضيفه لمدة اسبوع لحد الان كيف صاير :icon33:
الجمعه دوامي من 10 بالليل لحد 6 الصباح والسبت يقالنه راحه بس الصبح الاحد اداوم من 6 الى 2 الظهر
والاثنين من 6 الصباح ل2 الظهر برضوووو
والثلاثاء والاربعا والخميس تخيلو معاي من 2 الظهر الى 10 بالليل ؟؟؟؟؟؟؟؟؟؟؟؟؟؟؟؟؟؟؟
يابنات بالعيد مافيه اجازات نهااااائي نهاااائي وهذا كلامهم .. يقولون عيد اجازه وعيد لا ؟؟؟؟
طول عمري كذا ولي بالسنه 28 يوم اجازه بس .. لكن انا توني جديده ما اقدر استلم رصيدي من الاجازات
الا بعد ثلاث شهور دوام تجربه
بنات اليوم الخميس احس خلاااااص روحي بتطلع زوجي ماشوفه يسلم من دوامه استلم انا دوامي
اهلي عطله خواتي مجتمعات ماشوفهم الا اذا طلعت 10 بالليل واصير دايخه رايحه وطي
قبل امس وصلت حدي قلت خلاص انا مقدر اعيش كذا عايشه بالدوام لابيت ولاحتى نطبخ ببيتنا ولانشوف بعض
ولاحتى اشوف بنتي اللي قاطتها عند أمي مسكييينه بنتي اول ماتشوفني تضمني وتحببني من كل مكان
وتعضعض اصابيعها حسيت بهم مايعلمه الا الله
اهلي يهوشوني ان خليتيها غبيه الواحد مايدري عن الزمن والضروف
بس انا بشر ابي اعيش .. انا مو رجال اقدر اتحمل كل هالضغط ابي بيتي ابي اروح واجي مع زوجي ابي اشوف العالم
حتى ان نفسيتي صارت زفت ادخل نتهاوش انا وزوجي واروح انام يعني الله لايوريكم
تكفون شورو علي انا اليوم قررت خلاص ببطل وضيفه والله يعوضني خير مابي هالهم
عندي دوام الساعه 2 الظهر قولولي تكفون قبل اتخذ قراري اروح والا ابطل مع اني حاسه من جواي خلاااص ان داومت اليوم بكره ماراح اداوم .. حطو نفسكم مكاني وطبقو جدول العمل عليكم :44:
لاتقولون حاولي تغيرين الجدول حتى لو غيرته نفسه نفسه طول عمري مقيده ب8 ساعات بدون اجازات ان ماصارت هال8 ساعات صباح بتكون مساء والا ليل نفس الشي

ملاحظه وضيفتي نسائيه بحت مافيها اختلاط بالرجال ابدا ابدا ولاهو مستشفى بس اعتذر عن الافصاح <<<< امش يالوزيره عاد

ملاحضه ثانيه << ياكثر ماعدلت بهالموضوع .. زوجي رأيه انه يبيني ابقى فيها يقول عشان نتساعد مع بعض وبكره نشتري بيت ملك ومدري وشو
بس حسيت انها بتخربه الوضيفه تصدقون من اول يوم توضفت يتكلم عن بعدين ياخذ قرض باسمي ويطلع سياره ضاق صدري مرررره بس الصراحه هو ماقصر علي بشي ومقدر اقوله لا
تبون الصدق قسم بالله الرجال مالهم امانه وانا ضايق صدري من الحين افكر بالمستقبل بس هالوضيفه ماتنفعلي بتجنني تخليني معزوله عن العالم وعن بنتي واهلي
انا من ثالث يوم دوام حسيت بضيقة صدر وقلت مابيها وجلست ابكي .. قال زوجي انتي طلبتي وضيفه وتبينها وانا توسطت لك عند الرجال والحين ماتبينها .. بعدين يوم شاف اني مره خلاص
واصله حدي قال كيفك انتي اللي طلبتيها انا ماجبرتك عليها بس هي زينه لمستقبلنا يقول
ولو تبين تخلينها خلاص امسكي بيتك ولاتطلبين وضايف غيرها مافيه