انصحوني قبل ما ادمر حياتي واشتت عيالي

احتاج نصيحتكم يابنات بخصوص هذي المشكله
انا متزوجه وعندي اطفال جبتهم ورى بعض
زوجي انسان صعب العشره معاه عصبي يصارخ سلبي جداً وتربيته لأولاده غلط في غلط يشجعهم على الغلط بس عشان يغيضني واذا قلتله لا تعلمهم كذا يعاند مواقف كثيره حصلت ومنها ان ولدنا عمره 10 سنوات يطلع الشارع ويروح بيت اهلي وينام عند عيال اخواله وعند ولد جده ويروح لو قبل الفجر او الساعه 2 الليل وابوه مايعاقبه اجلس اخاصم الولد وابوه يقول خليه رجال شاطر ويجلس يمدح فيه لاشياء ثانيه ماهي فيه اصلا بس عشان يغيضني وتارك الولد ماهمه وانا خايفه عليه احد يخطفه او يصير له شيء يقول عني موسوسه عادي لو يطلع مع ولد عمته في الثانوي بحكم انهم ياخذون لفه ويرجعون ويجلسون بالساعات وابوه باااارد وانا بس اللي يغلي دمي واعاقب ولدي بعيد عن ابوه عشان مايتدخل لانه مهمل جداً في تربيتهم
بنتي عمرها 11 وداخله 12 الحين قلت بلبسها عبايه عشان تتعود ماتكمل ال12 الا وهي لابسه على طول وماعد البسها قصير وعريان واغلب لبسها فساتين ناعمه وتنانير وبجايم في البيت وماحرمتها البناطيل بس احرص تكون واسعه عليها ظهرت عليها بعض علامات البلوغ وهذا سبب حرصي وابوها شايف اني معقده وظالمه البنت مع انها هي نفسها فرحانه ومتشجعه ومبسوطه انها خلاص كبرت بالعكس تفضل تلبس محتشم عن العريان هي بنفسها ترفض تلقائياً وهو مو عاجبه وبس يرمي كلام
بنتي الثالثه عنيده ولسانها طويل وترادد وتتأفف اذا ناديتها ونمامه تمشي وتتكلم وتطلع اسرار البيت ثرثاره واذا عاقبتها او قلت شيء اطلع غلطانه وقاسيه عليها
طبعاً غير الباقين ماذكرتهم وهو لو جاء من برا زعلان يضربهم على اتفه شيء ويصارخ ويقلب البيت جحيم ويقول تربيتك ماتعرفين تربين فيك ومايخطيك وتبدا الحرب بينا كم يوم انا اطنشه وهو يعزل نفسه
زوجي من النوع اللي اذا صرف فلوس معها كان المبلغ يتنرفز ويعصب ويقلب حياتي جحيم اذا طلبت شيء لعياله يجيبه ويجلس معصب مني فتره وكأنه يتمنن بالصرفيه
انا مايعطيني شيء جوالي له حول السنه خربان ماصلحه ملابسي كلها من عند امي واختي هم يجيبون لي وهو اخر مره جابلي يوم زواج اخوه قبل ثلاث سنين وبعدها قبل عيد الفطر اللي فات وعلى كذا شايفها كثيره في حقي العطور يجيب عطر كل كم شهر ويخلص واجلس شهور بدون عطر عادي عنده الكريمات يجيب بعد الزن والطلب الكثير يعتبر النفقه اكل وشرب بس شباصه ارفع فيها شعري يجيب لي مره في السنه واذا زاد مرتين ويشوفها كثيره مقاضي المطبخ يجيب نص ونص يسحب عليه بحكم ماهو ضروري مع انه ماعنده سياره معاه سيارة اخوي لانه روح السياره في حادث وماقدر يغيرها واخوي اعطاه السياره يقضي مشاوريري فيها وعلى كذا مايطلعني الا ناااااادر مره او مرتين كل شهر وساعتين ثلاث ونرجع ويجلس يمن فيها فتره
وضعه في الايام العاديه يروح يداوم الصباح يرجع الظهر يقفل على نفسه المجلس او يطلع لحد مايجي وقت نومه يطلع عندنا وقت الوجبات بس وبعد ماينادونه عياله مرتين وثلاث
اذا انا مرضت مستحيل يقدر تعبي يشوفه دلع حالياً حامل وعندي انيميا الدم عندي 6 وادوخ واتعب بسرعه يشوفه دلع ويتشرط على الوجبات سوي وسوي واذا ماعجبه الاكل قال خليه لك ماينوكل هذا
واذا تعبت من عياله ومن مسؤليتهم يزعل ويتنرفز ويشوفني غلطانه ومالي حق واذا قلت انت ماتساعد وبس تزيد تعبي يقول وش اسوي ويقلب السالفه ضدي
اكثر من مره تصير مشكله بسبب عزله لنفسه في المجلس واذا قلتله ايش تسوي قال جالس على اليوتيوب اتفرج وهو كذاب يشوف مقاطع اباحيه وكشفته اكثر من مره ويقول جواله كان مع صاحبه ويجحد انها له من كم شهر ارسلتله من حساب جديد على السناب على اساس بنت وكان شوي ويموت عندها من كثر ماتخرفن واذا طولت مارديت يجلس يرسل ويعتذر ويتأسف اذا قال شيء زعلها بدون قصد وكان شوي ويحول لها فلوس عشان تقابله لاكن ماعد تحملت وقطعت التواصل فيه وقفلت على الموضوع من الصدمه وامس حصلت مشكله بينا بسبب اني قلتله امسك بنتك عمرها سنتين بسوي فطور والكهربه مقطوعه قال تمنين علي في بنتي اذا ماعجبك الوضع انقلعي بيت اهلك قلتله طيب بس يعدي العيد عشان خاطر عيالي وعشان اهلي ما اقلقهم معي وقت العيد قلتله بكره يصير خير انا تحملتك وصبرت عليك وانت لا اخلاق ولا احترام ولا تعطيني حقوقي زي اي متزوجه في الدنيا وارسلتله صور المحادثات اللي كنت ارسله في السناب على اساس بنت وهو طار فيها قال ياغبيه وماعد كلمني بعدها اخر الليل جاء يمسكني غصب يدور لحقه قال تجين والا اكسر عظامك وانا حامل في اخر الشهور ماقدرت ادافع عن نفسي اخذ حقه ونام ولا كأن صار شيء اليوم رحت اعيد عند اهلي وعياله خربو اغراضي وكسرو العطر اللي جابه لي بطلوع الروح اتصلت عليه قلتله يرجعنا البيت على المغرب جمعت اغراضي وقلتله رجعني بيت اهلي وخل عيالك عندك انا ماعد استحمل قال والله ان رحتي معد ترجعين قلت مابروح لهم عشان ارجع طفح الكيل خلاص منك ومن عيالك جلس يسأل اخر كلام عندك قلت انت وش اخر كلام عندك مو انت طردني امس مو انت اللي تعاملني اسوء معامله مو انت اللي ماخذني شغاله ومربيه بدون حقوق جلس يحاول فيني ويتأفف قال اجلسي مكانك بخلص شغل عندي وارجع نتفاهم وطلع وللحين مارجع انا تراجعت عشان بنتي الصغيره جلست تبكي عندي عشان اخذها معي وانا قلت بروح لحالي كسرت خاطري عمرها سنتين ادري محد بيهتم فيها لو رحت وتركتها بجلس اتقطع عليها
والله اني عجزت في حياتي عجزت من هذا الرجال المشكله ماكان كذا تغير من قبل 6 سنوات راح على الحد وتركنا خمس سنين وتعود على حياة العزابيه والأهمال اخذنا معاه لنا كم شهر تبهذلنا وانقلبت حياتنا محد فينا طايق الثاني انصحوني ايش اسوي استمر على رأيي واروح بيت اهلي او احاول معاه لحل مع اني عارفه انه مستحيل يتعدل يمكن يتغير يومين ويرجع اه ياقهري من هذي العيشه كارهه اشتت عيالي وكارهه العيشه كذا