انصحوني كيف أتصرف

السلام عليكم و رحمة الله و بركاته

و كل عام و انتم بألف خير بمناسبة عيد الاضحى المبارك
مثل ما حكيت بالموضوع اللي قبل
الوضع ببلدي سيء للغاية و كورونا منتشرة بكل مكان
و المنظومة الصحية انهارت ناس مو لاقية اكسيجين
و اماكن بالمستشفيات شباب بعمر الزهور توفوا جراء
الاصابة بكورونا و بلدان اغلقت حدودها البرية و الجوية
معنا و كل ذلك جراء الساسة الفاشلين
حسبنا الله و نعم الوكيل
المهم أنا طول الوقت جالسة بالبيت و محافظة على ابني
و حتى إبن زوجي ما اخليه يقرب منه لأنه يطلع و يخالط
الناس و لا يلبس حى كمامة يعني عايش عادي
اخذت قرار ما يقرب من ابني و ما اتدخل بطلعاته
و زوجي متفهم الحمد لله
المشكل حاليا جاي العيد و زوجي أخذ الذبيحة لبيت أهله
و ببيت أهله يحضروا اخوانه و زوجاتهم و كل له ذبيحة
هم متعودين هيك و أنا مو عندي مشكل بذلك
على العكس لكن الوضع حاليا وباء عالمي
و العدوى منتشرة كتير بين كل الناس لدرجة الدكاترة
ما عاد في نزلات البرد اي نزلة برد هي كورونا
و أنا حابة احافظ على ابني و حتى لبيت أهلي قررت
ما أروح حتى احافظ على ابني لأن اخوتي يطلعوا
و يخالطوا الناس المهم قررت لا اروح لبيت أهل زوجي
و لا اروح لبيت أهلي و أمي خبرتها و زعلت
و أهل زوجي ايضا راح يزعلوا و حتى زوجي أعرف
ما راح يتراجع و راح يروح لبيت أهله لحاله
و يعيد مع أهله و يذبح الذبيحة هناك
و أنا كل هذا ما يهمني كل اللي يهمني أحافظ على ابني
حتى تقل العدوى و ينتهي الخوف وقتها ما في مشكلة
أروح بيت أهل زوجي أو بيت أهلي
بعد شهر أو شهرين قررت أصبر ببيتي و احافظ على
طفلي و للعلم لأنه السلالة المنتشرة هي كورونا الهندية
و مستهدفة الرضع للأسف مو مثل الكورونا العادية
هل أنا تفكيري صح؟و هل عادي تزعل أمي
لانها مشتاقة كتير لابني و والدي توفى قبل عيد الفطر
بيومين جراء كورونا و هي تقول كيف والدك متوفي و ما
تجينا بالعيد
شو الصح و كيف أتصرف؟