انصحوني كيف اتعامل معهم ،،،، جزاكم الله خير

السلام عليكم ورحمة الله وبركاته
بادخل بالموضوع على طول
ابيكم يا بنات تنصحوني كيف ارد على اللي يجرحون بكلامهم وهم ما يدرون عن وضعي
انا الحمد لله بيتي على قد ظروفي انا وزوجي وصابره من يوم تزوجت لكن كثر علي الكلام والتجريح من الأهل وغيرهم
والسبب إن بيتي بسسسسسييييييييييط جدا جدا
بيتي عباره عن صاله ومطبخ وغرفة نوم ومجلس رجال وغرفه فاضيه وحمامين الله يكرمكم (( المشكله أثاثي عاااااادي جداً تقريبا شبه فاضي يعني المشكله مو في عدد غرف البيت أو ضيقه))
طبعا ما عندي مجلس للحريم استقبل كل من يجيني بالصاله اللي هي مكان جلوسنا واكلنا وفيها التلفزيون يعني طوول الوقت محيوسه ولما يجيني احد ينهد حيلي وانا اكرف فيها والكل يقولي ما عندك مجلس للحريم والا يقولون بيتك كنه بيت عجوز واللي تجيني اول مره تقول ما توقعت بيتك كذا لكن وش اسوي العين بصيره واليد قصيره واحس زاد علي الكلام وكتمت لين طفح بي الكيل وكتبت لكم من باب الفضفضه وعسى وحده منكم تنصحني وتشور علي وش ارد على هالعالم اللي اكلوني بألسنتهم وكيف اقنع نفسي وارضى لأن كل ما أزور وحده بيتها أحلى من الثانيه وبدل ما أستانس أجي متضايقه مو حسد والله لكن أحس دايم إني أقل من غيري مع إن بعضهم نفس وظيفة زوجي ويمكن أقل وزوجي الله يهديه لما أٌوله بأسوي لي مجلس للحريم يقول خليه ببيت الملك وبيت الملك شكله مطووووووووووول
انتظر ردودكم ودعواتكم الطيبه
وجزاكم الله خير الجزاء