ام المحال:
ياقلبي انتي سوت تحاليل وفحوصات
وكل شي سليم هي وزوجها واستعملوا الرقيه الشرعيه
وجربت طفل الانابيب بس الى الآن رب العالمين ماآراد لهم الحمل

الورده الصفراء:
الله يجزاك الجنه كثار قالوا لها عن الاستغفار وربي كريم سبحانه

زمان يافن:
الله يوفقك يارب ويرزقك من حيث لا تحتسبين
وانا ماحطيت الموضوع هنا الا ابي
اشوف رايكم انتم اللي عندكم تجربه انتم اكثر ناس يقدرون يفيدوني
بهالموضوع والله وانا اختك ماادري وش اسوي
يعني البنت نفسيتها عدم مع ان زوجها ماشاء الله
مؤمن باللي الله كاتبه وراضي تمام الرضا
ونفسيته تمام ماشاء الله ينكت ويضحك وعايش من ابدع مايكون
بس هي ياقلبي عليها والله صايره وحده ثانيه
اول كنت اشوفها كل اسبوع هالحين احيانا اجلس شهر ولا شهرين
مااشوفها انتي ياعمري تقولين خلك جنبها وهوني عليها
اصلا انا اتجنب وبقوه الدخول بمواضيع الحمل والاطفال وابعد عنها مره
وهي ماتحب تخالط احد صار لها مده تجي لاهل زوجي وحنا متجمعين
تسلم وتعشى وتطلع

انجليتا:
الله يسلمك ياعمري والله حتى انا قلت ممكن يجي في بالها اني ارسلت الولد
علشان رحمتها لما فضفضت لي بس قلت اجي للبنات هنا واطرح الموضوع
واشوف ردة فعلكم وهل هذا التصرف ممكن يخفف عليها وينسيها شوي
ولا اجتهادي خاطئ ومن ناحية تتسلى هي مدرسه يعني عندها وظيفه تسليها
بس مشكلتها معيشه نفسها بجو كآبه غير عادي الله يلوم اللي يلومها
بس والله العظيم ان قلبي يتفطر عليها وهي جارتي الباب بالباب
اجلس احيانا شهرين مااشوفها حاولت نتبادل الزيارات واسوي المغرب
قهوه وحلى واتصل اناديها تجيي تتقهوى ابعد تمام البعد عن موضوع العيال
كل الكلام اخليه عن الحركات الرومانسيه مع الزوج ولا طبخات ولاتجارب وحلول منزليه
بس سوينها كم مره وبعدها صرت احسها تتهرب مره تقول تعبانه من الدوام
مره تقول عندي شغل بالعربي تتهرب وهذا اللي مضيق صدري انها تتهرب
وتجلس ببيتها وتنعزل وتبدأالهواجيس والوساويس

الله يساعدها .....

وجزاك الله خير حبيبتي انك اهتميتي فيها ....

الله يعطيك على قد نيتك ....

انا مثل البنات اقول خليها هى تطلب منك انك تخلى ولدك عندها يمكن زوجها مايرضى يمكن يتضايق ويمكن تقلبين عليها المواجع وصعب الواحد يتعلق فى شخص وبعدين يتركه انا اختى عندها ولد العام كانت تروح السوق اومكه اوالحج وتخليه عندى بس اتصلت على وقالت اذا فاضيه ومستعدة اخليه وانا بينى وبينكم ماصدقت احبه مرة والله يابنات كانت احلى ايام يوم يكون عندى تحسين انه فيه شىء تهتمين فيه تضيعين وقتك فيه سعادة مابعدها سعادة الله لايحرم احد منها ويرزقنا وخاصه ايام الحج جلس تقريبا خمسه ايام مابقيتها تخلص واليوم الاماهو فيه كئيب وحزينه والله مدرى ايش اقول تصدقون جلست ابكى تذكرتها ونفسي يكون عندى ولد او بنت يارب تؤم وارتاح من الهم والحزن ياكريم

مدام عبد الغني:
الله يجزاك الجنه انا عندي شغاله وهي تدري اني مااخذه معي
وهي عمرها ماطلبت اني ارسله لها بس ادري انها تحبه مره

طيف المحبه :
الله يرزقك الذريه الصالحه عاجلا غير آجل
ومايجي العيد الا هالقسم مسكر برحمة ارحم الراحمين