بنات بكتبلكم قصتي من البداية للنهايه واحكمو علي واتمني تدعولي لانه مالي غيركم
انا و ريلي مالجين من 7 شهور و كان مسافر يدرس برع عساس من يخلص دراسه نعرس على طول قبل مايسافر كان وايد يهتم فيني ويسال عني ويوم سافر نفس الشي بس عقب ماسافر ب 3 شهور تقريبا هاملني اهمال مب طبيعي موول مايسال عني ولايتصل فيني
الا اذا انا اتصلت فيه كله يقولي مشغوول وعنده دراسه وانا مالوومه لانه يطرشلي كتبه ومواضيعه
يصيبني خوف يوم اشوفهن بس مب لدرجه يهملني انا ادري انه هو يحبني ومايصبر عني حتا يقولي
خليني اخلص الكورس وبرد اكلمج شرات قبل بس انا مااصبر ابا شي يلهيني ويشغلني عنه واتخيلو
هوموجود وياي عالبلاك بيري بس موول مايكلمني الا اذا انا كلمته وانا ماعرف يمر يوم ومااكلمه
وربيعتي تقولي طنشيه بس انا ماقدر ومره طرشتله مسج اقوله اني متوله عليك ورد علي وقالي حتا انا وعقب
قالي برايج بكمل دراستي انقهرت منه وطرشتله اني بمسح رقمك وبمسحك من البلاك بيري اتخيلو رد علي
وقالي انتي موووصاحيه ابد وتبين تمسحيني مسحيني مومجبوره اتمين وياي وانا عقب فكرت ومامسحته وخليته كنت اجك انه عنده حد غيري بسبة اهماله لي
وطرشتله مسج عقب فتره حتا يرد عليه رد طرشلي أنا حالف مارد عليج واترجيته يرد معاند اتخيلو شيقولي انتي معقده وانا كرهتج ولوتميتي تتصلين وايد بتصرف وياج تصرف ثاني انا من شفت المسج ماصدقت انه هالشخص اللي كاتب المسج ورديت طرشتله انا مب وحده غريبه عشان تكلمني بهالاسلوب كلمني ع التيلفون بتفاهم وياك ومارضا قالي شبتقولين يعني في التيلفون مابتقولين شي يديد وعقب محاولات رضا وتم يجادلني بالكلام احسه شخص ثاني موريلي اللي اعرفه وقالي أنا بتصل متا مابا وبسكر متا ماابا مالج حاية فيني وتم يقولي انتي شوكبرج وعقلج عقل ياهل كله تزعلين وكله تشكين فيني وانا مايسوا علي قتله اني بمسحك وقتله من العصبيه طلعت مني بس اخر شي قالي خلاص سكري ولاتتصلين وسالته تحبني اول شي قالي لا عقب قالي هي احبج وخلاص سكري لاتتصلين وتميت من عقبها فتره 3 اسابيع ماسمعت صوته بس طرشتله مسج يوم اليمعه عباره عن دعاء ورجع طرشلي مسج وقالي وينج قلتله في الجمعيه مع الوالده واتصل علي وحسيته مشتاقلي وقالي انه خلص امتحانات ورمس الوالده يسلم عليها وعقب رد يكلمني عادي ولاكنه صار شي وتم يسولف ولاأنا فاتحته بشي وعقب قالي بروح أصلي قلتله الله يحفظك وعقب قالي أحبج وقلتله وانا بعد قالي ليش ماتقوليلي حبيبي صخيت وعقب رديت عليه الله يحفظك حبيبي ومع السلامه وخلاص مارديت أكلمه من عقبها
وعقب فتره ريلي رجع من السفر اتخيلووو حتا الوو ماشي بس أنا طرشتله مسج في نفس اليوم وقالي انه وصل واليوم الثاني ياني البيت بس خمس دقايق وروح عنده أشغال ومن رجع ماكلمني غير مره ويوم أقوله ليش ماتتصل وليش ماتسأل اونه تعودت أقعد بروحي أنا تعبت من كثر ماتصل فيه وأطرشله مسجات بس هوو مول مايفتكر فيني يقولي أنا احبج بس ماعرف شوفيني
وعقب فتره كلمته وتفاهمت معاه يمكن قعدت أكلمه ساعتين مب عارفه اشفيه بنات يقولي انا مسحور يستهزأ فيني وعقب قالي أحبج واموت فيج بس ماأريد أكلمج وايد شوقصده ماعرف ويوم أقوله ليش ماتكلمني يقولي أنا مشغول وايد من رديت من السفر ويوم رمسته وخبرته انته ليش ماتكلمني شرات قبل قالي ماقدر أرد شرات قبل نفسيتي تعبت وايد شعري طاح وايد والدوره تمت شهرين مايتني وريلي مايحس فيني شرات أول
واتخيلو انفصلنا تقريبا من 6 شهور الحين وبين فتره وفتره يتصل يسلم ويطرش مسجات قلت في خاطري يمكن حن ويبا يرجعلي بس اللي صدمني اني سمعت انه تزوج بالسر وخذ وحده مو من مواخذيهم وماخذنها من 6 شهور والحين البنت حامل في السادس واعلن عن زواجه من فتره قصيره بس المشكله انه ماقالي ابد انه تزوج انا مصدووومه ومخنووقه من خاطري ليش جي سوا فيني وانا اللي كنت احبه واعشقه ليش وهووو عباله اني انا لين الحين مادري بخبر زواجه يعني عباله انا وحده غبيه وقاعد يقص علي شسوي بنات والله مخنوووقه في داخلي وماقوووول غير حسبي الله وتعم الوكيل يس ابيكم تدعوووولي
علاقتكم مررره مو كأنها مخطوبين
كأنها علاقة تعارف
لكن انتي ليه مره ملهوفه عليه وناشبه بحلقه
انتي خلك ثقيله ترى انتي البنت يعني المفروض لو قعد عنك سنه ماكلمك لاتكلمينه انتي
خليه هو يبدأ
ع العموم
هذا واحد مايستاهل
انتي الحين ليه مزعله نفسك؟
خلاص راح تزوج بالطقااااااق
انسيه والله بيعوضك احسن منه ان شاءالله