الله يصبرك صبرا جميلا و يرحم والدتك و يسكنها فسيح جناته
أطلبي الصبر من رب العالمين

عظم الله اجركم..ورحم ميتكم
والمسأله يبيلها وقت ومع الأيام راح تنسين

فعلا الام عزيزه على القلب
بس الحمدلله عندك زوجك وعيالك
بس شو بتقولين اللي هي عنست فوق الثلاثين ولاعرست وتوفت عنها امها وابوها ويالسه ابيت لحالها شو بتقولين عنهم

والله ما ادري شو اسوي بعد امي الله يطول بعمرها يارب العالمين

عظم الله أجركم والله يعوضكم في مصيبتكم بصلاح قلوبكم ..

الله يرحمها ويغفر لها ويسكنها الفردوس ويجمع شملكم في الجنة ..

ما أدري وش أقول لك .. هذي ام .. ومن أغلى من الام ..

وطبيعي حزنك يأثر على شهيتك وعلى نومك وعلى نظرتك للحياة حولك .. ما تنلامين والله .
خصوصا ان امك توها بس من اسبوع توفت الله يسكنها الجنة ويجمعك بها ..

ومافيه أحد ينسى امه حبيبته .. بتذكرينها في كل وقت وحين ..
والله يلهمك الصبر ويبرد نار الشوق لها في قلبك ..

ماراح أقول لا تحزنين أو لا تبيكن ..

إلا ابكي .. وابكي .. وابكي .. هذي الغالية ومالك ام غيرها ..

لكن فيه شيء مهم لازم ما تنسينه .. لا تسمحين للشيطان يدخل عليك من باب الحزن على امك الله يرحمها ..
وينسيك الدعاء لها .

كل ما تذكرتيها ابكي و ارفعي يدك لله عز وجل وادعي لها بالرحمة ..
كل ما تخيلتي جلستها أو بتسامتها ودمعت عينك لا تنسين الدعاء لها ..
كل ما تذكرتي كلامها أو مواقفكم معها و خنقتك العبرة .. ابكي وادعي لها ..

امك غالية عليك ما فيه شك ..
ولو بيدينا .. فدينا امهاتنا بأنفسنا وزدناهن من أعمارنا ..
لكن إرادة الله فوق كل شيء ..

هذي دنيا وما فيها خلود وبقاء لأحد .. كلنا على هالطريق وكلنا بنفارق هالدنيا ..
ووالله .. ما يهون علينا هالفراق إلا أملنا بلقاء من نحب في الآخرة ..

حبيبتي الوالدة راحت و الله يبدلها دار خير من دارها .

مالك غير برها بعد موتها .. كل ما طرت على بالك ادعي لها ..
و بعد كل صلاة ادعي لها .. وفي كل وقت تتحرين فيه الاجابة ادعي لها ..
تصدقي عنها بين كل فترة والثانية .. ولو بريال واحد ..
صديقاتها واللي تعزهن اوصليهن بإتصال أو زيارة ..

صدقيني برك بها ودعائك لها بيهون عليك فراقها .. و بتحسين انها عايشة معك .
وكل هذا بيوصل لها في قبرها وهي الآن أشد حاجة لهالشيء ..

اذا تقدرين خذي لك من ملابس امك شيء فيها ريحتها واربطي عليه زين في كيس ..

لأنه بتمر عليك أوقات بيعصر فيها الشوق قلبك عصر ..
بتشتاقين لبسمتها وصوتها وحضنها وريحتها ..
وقتها افتحي الكيس وشمي ريحتها .. و بتحسين كأنك في حضن الوالدة الله يرحمها ..
أكيد بتبكين .. لكن مثل ما قلت لا تنسين الدعاء للغالية ..

ودايم ادعي الله انك تشوفينها في منامك على أحسن صوره ..


كل شيء يبدأ صغير ويكبر إلا الحزن .. يبدأ كبير ويصغر ..
يوم عن يوم بيخف حزنك ..
وبيبقى دعائك لها الله يغفر لها ولامي ولجميع موتى المسلمين .

وهذا اللي هي تبيه .. الدعاء .. أما الحزن ..
فالوالدة لو تقدر .. قالت لك .. لا تحزنين ولا تهتمين .. وتمنت لك السعادة في حياتك .

الله يجعل امي وامك في الجنة ويجمعنا بهن .
ورحم الله موتانا وجميع موتى المسلمين .

امي الله يغفر لها .. توفت في رمضان اللي فات .. ونفسيتي كل يوم أحسن عن اللي قبله ..
المهم مثل ما قلت لك .. الدعاء لها بكثرررره .. و وصل من تعزهن .. وهذا كثير يخفف عليك .
غير ان اجتماعي بأخواتي يخفف علي كثير .

الله يجربك يا اختي
ما الومك لكن يمكن ربي رفعها خير لها
الله يجمعنا بهم في العلا من الجنة