ابي اكتب لكم قصتي مع ابوعيالي
ادري اني انا الغلطانه من البدايه ولكن ابي نصح منكم وليس عتاب لاني انا اعرف اني تهورت وغلطت والوم نفسي كل يوم انا كنت في 19 من عمري بديت ادخل النت وطحت في مواقع الزواج فجاءه وكتبت فيها من باب الضحك والعب ليس الا ولكن فترة مراهقه وطيش وطبعا انا الكبيره في البيت وتجي رسايل كثيره وكنت اضحك معقوله صادقين وفجاءة تعرفت على شخص واضفته عندي طبعا هو الوحيد اللي تكلمت معه مسن وقال انا ابي الحلال وقلت له انا بعد وكل كلامي كان مجرد تسليه ليس الا بعدها طلب يكلمني رفضت وخفت وقلت عطني رقم عملك وانا اتصل وفعلا يومين اتصلت عليه لاني كنت خايفه عشان الرقم ووفعلا دقايق وقفلت ويمكن كلمته اربع مرات وقال ابي اشوفك وانا وقتها كنت مسافره قلت فرصه وماراح يصير شي من بعيد لبعيد ادري غلط بس طيش ومغامره طبعا هو يكبرني با ست سنوات وشافني وشفته طبعا في الشقق اللي كنا ساكنين فيها هو سكن وبعدها قال ابي اخطبك و كلمتني اخته وبعدها اخذوا رقم اخوي وكلموه وحدد موعد معه في اقل من شهر وتقدم لخطبتي ولما شافت اختي كمان خطبوها لا خوهم الثاني وسال الاهل عنهم ناس تمدح وناس تسب واستخار الوالد ووافق طبعا القرابه سوو مشاكل مالها اول وتالي طبعا حنا ساكنين في بيت كبير ومعنا عمتي مطلقه واجدادي وجنبنا عمي وعندها بنت مطلقه وبدا الكلام وقاطعونا انه على اساس جايين يخطبون عمي وبنت عمتي لزواج وحنا اخذناهم طبعا قاطعونا وكل ماحدد موعد الزواج اما حادث او فاة تصير اخر موعد كمان صار وفاه الموعد الثالث قالوا خلاص لازم يتم نخاف يموت احد اما العروس او المعرس طبعا تم الزواج انا واختي بليله وحده وسافرت كل منا لديرتها طبعا مكان عملهم وبيتهم واهلهم بديره ثانيه طبعا بعد 10 ايام اكتشفت انه يتعاطى حبوب ورميتها وحصل لي ضرب مو طبيعي تخيلوا عروس وقلت بروح لا اهلي قالوا اهلي عيب وصعبه على طول انتظري وجلست وتغير بس ظل ياكل ووعدني يتركها وعشت شهر مو حلو حليل خصوصا ان خواته جوا عندي واخوانه وما اطلع الا يطلعون معي اخجل اخليهم واطلع وكانوا زي العسل ماعملتهم لي وحملت من اول شهر ورجعت لا اهلي عشان دراستي وصرت بالاجازه اروح له وطبعا من اصل على طول نسافر لا اهله وتعرفون يجلس مع اخوانه وسهر الين الظهر وينام واكون انا صاحيه اجلس مع اهله وظلينا على هالحال 3 سنوات وكان معي طفلين بعدها وكنا ام عند اهله او بعد نسافر نتمشى مع اهله ما اشوفه الا ساعه او ساعتين بس كانوا فعلا مثل اخواتي بعدها صار خلاف بيني وبينه بخصوص الحبوب ووعده لي خصوصا انه صار فيه اطفال لانه انسان مهمل بصلاته وبنظافته وحتى مافيه كلام حلو منه بس كنت صابره حتى االنفقه ماكان يعطيني اللي اشري فيه لي ولا اولادي واذا بغيت السوق مايحبه واذا طلبته قال اشري منك الطلعه بفلوس واجلسي طبعا اذا زادت 200 ريال فكنت اسكت واعرف انه اذا رفضت ماراح يوديني واسكت بعدها جتني اخته للبيت مع زوجها وانقلب حالي مايبي يطالع لوجهي ولا يتكلم معي ولا حتى ياكل عندي ويقول انا اكلم وحده و وبتزوجها واسمها فلانه انا قلت من الحبوب اثرت عليه لاني ماكنت اطلع ولا اروح بالبيت ضربني وسافرت لا اهلي وجلست 6 شهور وعرفت انه خطب صديقة اخته اللي كانت عندي وانجنيت لاني ماقصرت معها بشي بيتي كله مفتوح لها وحدد موعد الزواج وطلبته ياخره لبعد زواج اخوي لانه حدد بنفس اليوم وفعلا غيره وبعد الزواج اخذت عيالي ورجعت له وفاجاته عند الباب يوم فتح نزلني اخوي ورجع وجلست تقريبا سنه عنده طبعا كل فتره يحدد موعد لزواج وياجله مايقدر يروح علشاني وقدرت له هالشي واهله من بداية رجعتي وهم سب في الجوال وخطيبته طبعا اهله تغيروا علي بشكل مو طبيعي وعلى اختي وصاروا اما سب وكلام جارح وحتى بشرفنا حطوا وقاطعونا هو انكر وجودي بالبدايه بس بعدين اعترف وقال زوجتي وابيها اذا تبين انتي عارفه انه عندي زوجه وعيال استمرينا على الحال ذي سنه وكل موعد مايروح له وانا ماكنت انام الليل بس استفغار وصلاة وادعي ربي بالفرج والحمدلله صار هالشي بعدها بسنه والمفروض يصير زواجه
جاء نقل له مفاجي في قريه نائيه مافيه حتى سكن وانا رجعت لا اهلي وهو كان يتالم مايبنا نمشي من عنده بس قدرت ربي وبنفس الوقت مافيه حل ورجعت وظلت الحرمه الثانيه سنه ثانيه على ذمته بس مادخل فيها وكثرت المشاكل بينهم ماهي راضيه تقتنع انه فعلا نقل ومافيه سكن هناك على اساس انه تركها سنه يوم كنت عنده وانا رحت لا اهلي وعرفت انه خلاص لازم يتم هالزواج وكلت امري لربي وقلت له ابي اتوظف والحمد لله توظفت في قريه بعيده عن اهلي طبعا بموافقته وقررت اشغل نفسي عنه بالشغل طبعا وقتها كانت ظروفه الماديه صعبه ولا يرسل لي شي ابد واعتمدت على نفسي واخذت لي شقه صغيره وتحملت نفقتي انا وعيالي
وصار كل اجازه يعطونها اياه احس بالم انه راح يتزوج واتفاجا بوجوده عندي واحمد ربي لاني احبه بجنون مع انه ماعشت مثل غيري من الحريم بس قلب صار ملك له طبعا في اجازتي وافقت اجازته وسافرنا يخلص اوراق يطالب بنقله وفاجأني بورقتها
واستمرينا سنتين على الحال وطبعا رحت لا اهله ومارحبوا فيني ابد ولاكلام ولا غيره حاقريني بس كانت العيشه معه صعبه مالي أي حقوق بس اسم زوجه
بعدها طلبني اترك الشغل واقنعته انه انت وضعك صعب حتى الاكل بالقوه خليني بوظيفتي وانت رتب امورك لانه حتى بيت مافيه في شقق مفروشه وزادت حالته سوء صار يتعاطى بالهبل أي ريال معه على طول يشتري فيه وانا مايفكر فيني ولا بعياله كرهت العيشه معه لا كلام ولا نوم ولا حتى مصروف وفوق هذا بدا يمد يده على وعلى عياله قررت اتركه ورجعت لا اهلي ولا حتى سال بعدها توفت امي وبنفس اليوم جاء وقال امشي معي قلت المفروض انت بعد هالفتره هذي كله وخصوصا بموقف كذا تخليني خصوصا انه اخواني واخواتي صغار بالابيتدائي ورفض وقوم مشاكل معي ومع اهلي في اسبوع وفاة امي وبنفس الوقت زوجوا ولدهم على اختي بنفس الشهر طبعا وقتها حسيت اني كنت بغبوبه في عيشتي معه وخصوصا انه كان يتلفظ ويغلط على امي وامي شايفه اني كنت اموت فيه وكنت ازعل من زعلها واحترق بينهم فكانت تقول ماعليكي مني ارجعي مع انها احيانا تقول يابنتي عمرك يروح مع انسان مايستاهل وهذا ماراح يتغير ابد فكرت بكلام امي وتصرفتها بعد وفاتها وتصرفات اهله مع اختي وقررت اني ما ارجع له ابدا
ورفعت قضيه عليه واستمرينا لمدة 3 شهور بالمحكمه لاني بالفتره هذي كل شوي يتصل ويقول انتي طالق وغير الطلقتين اللي كنت وقته معه وانكر طلاقه لي وحكم الشيخ بصالحه .
وقام وتزوج مره ثانيه ودخل وانا معلقني مو راضي يجي نتفاهم او حتى يطلق او يصرف على اولاده وانا لي الان على الحال هذا سنتين طبعا زوجته في البدايه كانت ساكته وقت اتصالي عليه وبعد ما تاكدت من حملها قامت ترد وتقفل وتسب
والحين كل وقت يقول ابي اجي فيه تكون جنبه ويغير رائيه ومايجي على موعده ولا حتى شاف اولاده من سنتين طبعا سجلت ولدي المدرسه والثاني هالسنه
كل انسان يخطيء وخير الخطائون التوابون
مدري قولوا لي ايش اسوي معاه هل ارفع قضيه او ايش الحل وادعوا لي ربي يفرجها لي
يارب تيسرها @yarb_tysrha
عضوة جديدة
يلزم عليك تسجيل الدخول أولًا لكتابة تعليق.
آمين وعلى كل مسلم جزاك الله خيرآمين وعلى كل مسلم جزاك الله خير
الله يكون بعونك مالك إلا الدعاء أسأل الله أن يفرجها لك..دمتي بود.
لاحول ولا قوه الا بالله >< .. الصدق الدنيا ما فيها امان .. >_< ..
آه ياربي والله مب عارفه شقوولج .. بس لا تيئسين وحاولي ترفعين عليه قضيه او تمي مصره على الطلاق
ولا تحرقين اعصابج عليه انتي سويتي اللي عليج واكثر وصبرتي عليه وااااااايد وهو ما بين فعينه اي شي .. وما كان قد كلمته
اتقربي لربج اكثر وادعيه انه يفرجهااا .. ولا تلومين نفسج على غلطتج مافي انسان معصوم من الغلط والانسان يستفيد من اغلاطه ..
واهتمي فعيالج وعيشيهم احسن عيشة ... ربي يفرج همج وييســر امورج ياارب
آه ياربي والله مب عارفه شقوولج .. بس لا تيئسين وحاولي ترفعين عليه قضيه او تمي مصره على الطلاق
ولا تحرقين اعصابج عليه انتي سويتي اللي عليج واكثر وصبرتي عليه وااااااايد وهو ما بين فعينه اي شي .. وما كان قد كلمته
اتقربي لربج اكثر وادعيه انه يفرجهااا .. ولا تلومين نفسج على غلطتج مافي انسان معصوم من الغلط والانسان يستفيد من اغلاطه ..
واهتمي فعيالج وعيشيهم احسن عيشة ... ربي يفرج همج وييســر امورج ياارب
الصفحة الأخيرة
الله يفرجها عليك