انصحوني يابنات

يابنات تعبت تعبت من العالم وصلت لمرحله متقدمه من التعب النفسي حسبي الله ونعم الوكيل حنا وش نبي من الناس الا الكلمه الزينه يارب لك الحمد كلن مغتني عن الثاني الله لايطر احد لاحد
مالكم بالطويله انا يابنات عندي اخت وعندها عيال وبنات كبار ومتزوجين وكانت زينه معنا بس يوم تفتح قلبها لنا تشتكي من اشياء عاديه كلنا نشوف هي المغلطه وفيها حسد مو طبيعي الشي تطور فيها وصارت ماتعاملنا ياخواتها زين وتستفزنا والله يابنات زوجه واحد من عيالها وانا اراقصها قدام الحضور ودها تقولي انقلعي وتكشرلي بشكل مو طبيعي وبناتها صارن مايطيقني لا انا ولاخواتي الثانيات وشايفات نفسهن صارن علينا حتى امي ملاحظه تصرفاتها تستفزنا بشكل تخيلو تجيب قهوتها معاها وتبين انها ماتبينا نشرب منها يعني بس لامي وتلم ثلاجتها وحلاها يمها وتقول اللي يبي يجي ياخذ لاتحطين لهم يايمه من غير اشياء كثيره كم مره يتعبون عيالي ولاتسئل فيهم وتبين لي انها داريه
يابنات وربي محتاره هذي اختي كيف اتصرف معها ومع بناتها اختي من صلت الرحم مقدر اقطعها واسلوبها معاد اقدر استحمله لا هي ولابناتها تعبت منهن من غير اشياء كثيره مقدر اوضحها اخاف يكونن معنا ويعرفن 😥