انصحوني يابنات وش اسوي زعلت زوجي

بنات انا متزوجة الحمدالله من اكثر من ١٢ سنه وعندي ٣ اطفال وأحب زوجي ويحبني الحمدالله
وتصير بيننا مشاكل ونتزاعل ونتصالح عادي زي مايصير في كل بيت
بس من فتره صرت مره موسوسه وشكاكة لأبعد حد
مع أني اثق بزوجي ولا قد لاحظت عليه شي خلال فترة زواجنا
بس مره وحدة صار موقف بمطعم ومن بعده خلاص
تزعزعت ثقتي بزوجي
الموقف انه كنّا بمطعم تعشينا وخلصنا وجينا خارجين وكان فيه ٣ بنات اللي وحدة منهم كاشفه وحاطه فل ميك اب وبدون طرحة كمان فاله الشعر وومجعدته زي مريام فارس
الزبده واحنا خارجين انا شفتها تطالع بزوجي مره ماشالت عينها تبغاه يشوفها والله اعلم وجالسة تسولف مع اللي جنبها وتضحك وعينها على زوجي
الحمدالله زوجي ماشافها والا انتبه لها وهيه تطالعه كان يسولف مع عياله
قالي خذي مفاتيح السياره واسبقيني انتي والبزوره
بغسل واحاسب واجي قلت طيب
بس عطيت المفتاح ولدي وراحو السياره وانا مارحت
جلست على جنب قلت براقبها ذي البنت خفت تكلم زوجي او تتحرش فيه
المهم زوجي وهو نازل شافها
انا كنت ورآه وهو مايدري أني وراه
اللي فقع قلبي ان زوجي وهو ماشي جالس يطالع فيهم بس هي ماشافته كانت مشغولة
باللي جنبها تسولف
انا هنا ولعت وانقهرت هي تقريبا كم ثانيه كانت النظره بس انه التفت لهم يعني
وإني خلال ذي السنين على قد مانروح نتمشى ونروح مولات ماقد لاحظت عليه شي
بعدين تفاجأ أني وراه ولمن ركبت السياره قلت وش فيك تطالع عجبتك مره
قال لا والله بس مستغرب بنات وحدهم ومامعاهم حد
رجال يعني
زعلت عليه وخاصمته
وخلاص ابدا معاي الشكة من بعدها
صرت ادقق بكل شي تعبت تعبت
جواله من زمان عليه رقم سري بس عادي لمن ابغى أكلم منه او شي يفتحه لي ويعطيني إياه
وغالبا يفتحة للأولاد يلعبون فيه وهو يروح ينام ويخليه معاهم
وانا أفتش فيه واقلب
حتى الاسماء اللي شاكة فيها اسجلها عندي واشوف في النبر بوك ويطلعون رجال
هو دائماً يطول على الجوال ويجلس على تويتر
بساعات حتى احيانا انام وهو لسى على الجوال
اجيه واجلس جنبه مافي شي
وكل اللي يتابعهم ناس محترمين وشيوخ حتى مافيه حريم
بس امس تخاصمت معاه انه ليه على الجوال طول الوقت وش عندك فيه
اكيد مخبي شي
قام زعل وقالي انت وحده موسوسه وشكاكه لو ابغى اسوي شي مابسوي قدامك بيكون معاي جوال ثاني
وعصب مره ومسح تويتر والواتس وقالي ها شوقي مسحت تويتر عشان ترتاحين
قلت لا ياحبيبي علي احذف الحساب كله
زعل مره وعصب وجلس قال بكسر الجوال كله عشان ترتاحين ورماه على الجدار بقوه ولقطه ورماه اكثر من مره
لحد ماتكسر الجوال
انا الحين مره زعلانه من نفسي وكارهه نفسي
شور علي وش اسوي
هو زعلان احسه ويادوب يكلمني
للمعلومه هو طفران مره وماعنده حق جوال
وانا كمان ماعندي فلوس اشتري له
انصحوني بالله
والله اخاف زوجي يكرهني ويضيع
من