انصحوني ياخواتي

بنات الله يخليكم انا اللي قلتلكم انو بنتي عند خالتي وهيا وأبوها يخوضونها ويكرهونها فيني وهو مسافر


ابوها رجع من السفر لمدة شهر جا يسلم على بنته واهله ويسافر تاني ( هو ولد خالتي لزم)
الحين من السبت بنتي عنده ومررا وحشتني
قلت لماما اكلم خالتي يجيبوها لي قالت حرام لها سنة مو شايفة ابوها ومررا تحبه هيا كمان ومو من حقنا نقولهم جيبو البنت عالاقل أسبوع عنده وبعدين أجيبها لكي بنتك
انا بصراااحة مرررا متعلقة فيها ومو قادرة اصبر أسبوع
انتو اش رأيكم اصبر أسبوع واجيبها لأنو حرام ابوها له ٣ ايّام جايي واكيد تكون مشتاقتله ولا خلاص اروح أجيبها بكرا
وحاجة تانية انا في نفسي قلت أني أكلمه واجس نبضه هل له نيه يرجعني وهل ليا مكانة بقلبه ولا لا
واكلمه يوعدني انه مايتكلم ويجيب سيرة لاحد انه يكلمني ولا مااكلمه أخليه
انا هو طول فترة سفره مايكلم اهلي ولا امي اللي هيا خالته يتصل ويسلم عليها حتى بنته لما يبغا يسلم عليها لما تروح عند جدتها ام أمه يتصلها هناك
هل تصرفاتي صحيحة ولا خاطئة
تأيدوني أكلمه ولا أخليه بالطقاق
انا والله مرا أقول خلاص أضحي بنفسي وارجعلك واعيش معاه في الغربة عالحلوة والمرة عشان بنتي بكرا لما يصير عمرها ٧ مايقول اخدها
ومرا أقول خلاص مع نفسه ماارجعله ايش ماكان
مرررا محتارة اش اسوي قولولي انتم خواتي ومالي غيركم بعد الله