السلام عليكم
بعد الله الذي لا اله الا هو ملجأي وكفيلي ..... جئت اطلب مشورتكم وان شاء الله ماتخذلوني
خواتي بطرح عليكم مشكلتي وان شاء الله الاقي حلول عندكم :44:
انا متزوجة من خمس سنوات ومتحملة كل مساويء حياتي والله ماشتكيت
لكن احس طفح كيلي مو قادرة ولا عارفة اتصرف
زوجي مدمن اباحيات لابعد درجة ...... ما بقول انه يكلم بنات ولا عنده اي اتصال مع النساء ولا باي شكل لكن هو مدمن هالاباحيات في النت و الصور والالعاب
واجهته ومافاد فيه هددته اني راح اغير معاملتي وتصرفاتي معاه ولكن فترة ورجع لما كان عليه ماادري شنو الحل وياه ؟؟؟
قبل ثلاث سنين حتى حالة نفسية صارت فيني ..... تعبت ولا اهتم ولا تاثر ابد
يحبني ومايحب ازعل لكن الشيء الي مااحبه يركض له ويدوره
يقولي اني مو مقصرة ولافيني نقص لكن هذي رغبة تعود عليها ومابالامكان يتركها
مااعرف كيف اتصرف معاه لفترة سنة وقفنا النت في البيت صار يجيب صور وبلاوي من الشغل وينزل في الكمبيوتر ..... تحملت لكن الحين رجعنا خط النت في البيت واول فترة مشت طبيعي لكن بعدين من شهرتقريبا ً صرت الاحظ الامور انا مافتشت لكن مرة دخلت الغرفة وشفت الصورة مفتوحة بالانعكاس حق مراية الدولاب ضاقت فيني الوسيعة بكيت وزعلت لكن ماقلتله ...... هو من حس فيني اني شفت البلا الي جالس عليه ثاني يوم لقيته منظف الكمبيوتر ولاتخزين ولا هيستوري ويب كلهم امسح كل شي
الحين اليوم بالذات لقيته منزل لعبة جنسية او اثنين ماعرف شنو اسوي شلون اتصرف ؟
مليت من المواجهات والزعل الي بلا فايدة هو متحكم فيني والله لا مصروف ولا طلعة ولا طلبات يلبيها
عندنا ثلاث بنات صغار مافيه اي اهتمام فيهم ....... ساكنة مع اهله في غرفة ومعي بناتي وسرايرهم بنتي الصغيرة مو قادرة اشتريلها سرير اكبر لان متحجج مامعه فلوس كل اول شهر يخلص الراتب من اول اسبوع ونبقى على اهله محتاجة حفاظات يارجال تصرف ميخالف خبري امي بتجيب
حليب البنت امي تجيب .... انا حامل بالطفل الرابع ودخلت شهري الرابع وبخلص وانا اطلب منه ياخذني اسجل في الرعاية مب طايع كل يوم يأجل حتى الشي الي مافيه مصاريف متمنن علي فيه
مع انه من يتوفر معاه الفلس مايقصر يشتري ويجيب لكن بدون تدبير يعني لو معاه الف بيخلص على اشياء تافهة
والله ماكلفت عليه بشيء احتاج اول زواجنا مبلغ والله بعت كل ذهبي وسد دينه كم مرة اطلب من اهلي مبالغ علشانه ويسدد ويكم شغله ويوعدني انه يرجعهم لهم وماشفت منه شيء
حتى مايكلف نفسه بشيء ........ مااعرف اذا انا مش مقصرة معاه وباعتراف منه متحملة الضيقة ومشاكله وديونه والله ماشتكيت لا لاهلي ولا حتى كدام اهله راضية قانعة بس حالت الادمان الي عنده ملوعه كبدي منه .... صرت مااطيق يقرب مني لان احس هو معبي راسه بالمناظر الزفت والقبح ويجي عندي شو بيتخيل ؟
بيشوفني ولا بتجي كدام عينه هالاشكال القبيحة ؟
الي تكدر تساعدني بحل معاه ... تفيدوني جزاكم الله خير
زوجي مش ملتزم ولا يصلي ولكن لو تكلم في الدين ماتكولين عنه مايدل القبلة وين .. استغرب من حالته مثقف وفاهم القران واذا حكى بشيء تحسينه فاهم شو يقول لكن عند موضوع ادمانه ابسط رد " انا مب امأثر عليكي في شي ليه معترضه ؟"
شو اقوله هذا .... يقولي مو احسن من غيري انا مكتفي بالنت وبس مو مثل غيري الي يدخلون حريم ولا يروحون مكانات مب زينة
ساعات اقول اسكت وابلعها احسن من انه يروح يسوي شي مع بنات حرام ويجيبلي امراض وبلاوي
مرات اقول انا مب ناقصة ومكفيني العيشة الي ربي عز و جل مصبرني عليها ليش اتحمل قبح فعايله
مرات من اواجهه اقوله عندك بنات لو بكره اراد ربك يتزوجون وتواجهم نفس هالحالة الي انت فيها ترضى ررجلها يقولها معقولة ابوكي كان ماعنده هالشي ؟ يقولي انا مليت من كثر ماسمعت هالعبارات خاف اختك يصير معاها نفس الشي ولا خاف بنتك يجيها نفس هالطبع في رجلها
هالعبارات ماتلزمني كل واحد وله طبعه اسكتيدام اني مب مأثر عليكي في شيء
هذي سالفتي بكل صراحه احطها بين ايدين كل حكيمة وفاهمة في عالم حواء تقدر تفيدني في حل
وان شاء الله مايخيب ظني والاقي منكم التجاوب والاقبال ومشكورين جزاكم الله خير :44:
مليت ورب العباد مليت فوضت امري لله وهو كفيلي وحسبي الله ونعم الوكيل :44:
ام النونوات @am_alnonoat_1
عضوة جديدة
يلزم عليك تسجيل الدخول أولًا لكتابة تعليق.
بنت الـــــــــعرب
•
العهد الذي بيننا وبينهم الصلاه ومن تركها قد كفر وهذا قول الرسول صلى الله الله عليه وسلم
حبيبتي انتي هو مايصلي ابدا ولا لو الجمعة يصليها
لكن المصروف من حقك اول مايطلع راتبه اشرطي عليه يعطيك 500 ووفري منها كل شهر لو 100 ريال
لكن المصروف من حقك اول مايطلع راتبه اشرطي عليه يعطيك 500 ووفري منها كل شهر لو 100 ريال
جزاك الله خير عني
تنصحيني اتركه ؟؟ بس تركه معناه ياخذ بناتي وانا معاه مغتربة واهلي بعاد عني ...... بينا مسافة دول
مب سهل افكر اتركه واترك اطفالي وهم بحاجتي .... واذا فكرت اتركه وهالحل ماغاب عن بالي من شهور لكن كيف اطلع من هالبيت واخذ اطفالي معاي ماراح يتركني
كلهم سليطين لسان وانا اهلي امي لسى ماشفت من جرح علية القلب المفتوح وابوي رجال كبير وناله من تعب الحياة ماناله:44:
اخوي الاصغر مني توه بدى الحياة وماعارف دواخلها زين والباقين صغار يدرسون اعدادي :44:
تنصحيني اتركه ؟؟ بس تركه معناه ياخذ بناتي وانا معاه مغتربة واهلي بعاد عني ...... بينا مسافة دول
مب سهل افكر اتركه واترك اطفالي وهم بحاجتي .... واذا فكرت اتركه وهالحل ماغاب عن بالي من شهور لكن كيف اطلع من هالبيت واخذ اطفالي معاي ماراح يتركني
كلهم سليطين لسان وانا اهلي امي لسى ماشفت من جرح علية القلب المفتوح وابوي رجال كبير وناله من تعب الحياة ماناله:44:
اخوي الاصغر مني توه بدى الحياة وماعارف دواخلها زين والباقين صغار يدرسون اعدادي :44:
حبيبتي انتي هو مايصلي ابدا ولا لو الجمعة يصليها لكن المصروف من حقك اول مايطلع راتبه اشرطي عليه يعطيك 500 ووفري منها كل شهر لو 100 ريالحبيبتي انتي هو مايصلي ابدا ولا لو الجمعة يصليها لكن المصروف من حقك اول مايطلع راتبه اشرطي عليه...
مشكورة اختي على الرد
بشرط عليه من الشهر الجاي ان الله اراد
لو تعرفين الحالة الي انا فيها والله صرت حتى مااطلع اي شي بداخلي له مااطلب الا حاجات الطفلة وبس حتى البنات الاكبر منها مااطلبلهم شي ابد ابد
اكتفي بجدتهم امه هي بس الي مو مقصرة معاهم لا من لبس ولا من طلعة ولا من حلويات وبقالة
وانا لي الله هذا ثالث حمل لي لا لبس حوامل ولا تجهيز طفل ولا شي بنتي الصغيرة ولدت وانا مامجهزتلها اي شي
الله يصبرني بس مااقول غير شي :(
بشرط عليه من الشهر الجاي ان الله اراد
لو تعرفين الحالة الي انا فيها والله صرت حتى مااطلع اي شي بداخلي له مااطلب الا حاجات الطفلة وبس حتى البنات الاكبر منها مااطلبلهم شي ابد ابد
اكتفي بجدتهم امه هي بس الي مو مقصرة معاهم لا من لبس ولا من طلعة ولا من حلويات وبقالة
وانا لي الله هذا ثالث حمل لي لا لبس حوامل ولا تجهيز طفل ولا شي بنتي الصغيرة ولدت وانا مامجهزتلها اي شي
الله يصبرني بس مااقول غير شي :(
الصفحة الأخيرة