انصحوووووني

السلام عليكم ورحمة الله وبركاته
طبعا اشكر خالتي لان هذا المعرف لها وقلت بأخذه أستشيركم
انا والله مدري من وين ابد بس اني تعبانه مره من التفكير لي سنتين متزوجه بدون أطفال طبعا انا فالبدايه ماكنت موافقه لاني ماكنت مقتنعه بالزوج مره وجو أهلي واقنعوني وكلمه من هينا وكلمه كذا ووافقت جلست شهور بعدها تزوجت طبعا زوجي فالبدايه قهرني وصدمني كنت احسبه بيروح معي عالاقل الايام الاولى وننبسط وما بقولها امدح نفسي بس بشهادة الجميع اني حلوة وتعرفون الناس كلهم قالو بيطير معك والله ولادرى عني عادي جداً قلت يمكن الرجال ثقيل شوي وطول ع هالحاله سكت وقلت عادي بعدين زاروني أهلي في البيت وكان فيه فلوس له عالطاوله قال شيليها لاحد ياخذها قلت أهلي شايفين خير ترى وسكت شوي ولا علق ولا قال حتى امزح مره صار بيننا موقف وزعلت طبعا اول مره أزعل توقعت بيركض يراضيني ولاقرب عندي رضيت من نفسي وقعد يسولف قال انا ماني مراضيك علشان لاتتعودين والى وقتكم اذا زعلت يتركني عادي بعد يوم او يومين يراضيني ولا يهتم أقوله تعبانه واذا رحت للمستشفى انا ادفع لنفسي الفلوس ما عمري شفت نظرة الخوف من عيونه واذا أعطاني شي او جاب لي أغراض وكان عندي ناس يجئ اليوم الثاني يقول عطيني انا دايم اقول لا انت الرجال وملزوم فيني والبيت مع انه يعطي إخوانه بدون حساب حتى المتزوجين انا مؤ مؤظفه بس اي فلوس تجئني من احد أجمعها وفي علاقتنا الزوجيه احيانا ياخذ بالأسبوع ولا يلمسني ولايقرب مني اعذروني على الكلام بس مقهوره والله اني مدلعته اخر دلع والبس له واتكشخ بس :44::44::44:مدري وش فيه عاد المشكله الحين انا خلاص مؤ طايقته ابد حتى صوته صار ينرفزني وشكله وصارت فكرة الطلاق في بالي ودي اتطلق
علاقتي مع أهله عاديه بس امه ماتحبني ابد وتبين لي صرت انا ابادلها نفس الشعور
اناظر خواتي وخالتي وبناتهم وبنات عمي ماشاءالله واضح من عيونهم الوناسه
انصحوني ماني عارفه أش اشوي بس تكفون بدون تجرررريح :44: