نصيحه تقدمينها لغيرك حتى لا يقع بما وقعتي فيه ..
المجال مفتوح نصايح بكل شي ..
ابدأ :35:
في يوم قرأت موضوع وكان فيه حديث ،،
قال الرسول عليه الصلاة والسلام : (لا يدخل الجنة قاطع رحم)
صحيح مسلم ..
يالله من جد حسيت اني بورطه ،، انحرم من الجنه عشان زياره او مكالمه او سوء تفاهم :icon33:
للاسف كنت خلال السنوات الماضيه اسحب نفسي شوي شوي ،، نادر احضر اجتماعات ،،
والمناسبات مااحضرها ،، ومع الايام والسنوات حسيت الموضوع صار شي ثابت ولا عاد اقدر اغير طبعي ..
طبعا فيه مناسبات مااحضرها غصب عني :09:
وزوجي كان له يد بالمشكله بس انا استسلمت وتعودت ..
الان بصراع شديد مع نفسي ،، بس الصدق خلاص حاسه صلة الرحم من اصعب الامور :icon33:
وهذا حديث بعد :44: قال صلى الله عليه وسلم :
( كان ابن مسعود رضي الله عنه جالسا بعد الصبح في حلقة فقال :
أنشد الله قاطع رحم لما قام عنا فإنا نريد أن ندعو ربنا وإن أبواب
السماء مرتجة مغلقة دون قاطع رحم )
اسناده صحيح ..
من جد مشكله قطع الرحم .. حتى الدعاء لا يستجاب ..
فنصيحه لاتطاوعين نفسك اذا كنت بيتوتيه :)
وحاولي تجتمعين وتكوني وسط لا افراط ولا تفريط ..
واذا بينك وبين خالتك عمتك او خالك اخوك او ...مشكله او زعل
حاولي تبدأين بالسلام ،، حتى لو هم الغلطانين عشان الجنه وعشان دعائك
يستجاب ..حاولي لايصعبها الشيطان عليك ..
الشي الثاني ..
كنت حساسه وبسرعه ازعل ويراضوني ،،، طبعا هذا الدلع عند اهلي،،
بس تزوجت ولقيت هذه صفه شينه وتعبت منها ،، حساسيتي هذي
بتتعبني وبتضايق غيري وبيصيرون يتحاشوني ،، اهلي غير والناس غير ،،
كنت لو غلط علي احد افكر فهذي الغلطه لين تكبر بنفسي ،،؟؟
طبعا بفضل من الله تركت العاده السيئه وارتحت داخليا وصرت ماازعل بسرعه ؛؛
وحتى اللي يغلط علي بسرعه انسى الموقف ويروح من بالي ..
لاني مافكر كثير ...
غالياتي لازم نحذر من تحليل اخطاء الغير و التدقيق على اي كلمه وحركه تصدر منهم
لانه هو الي يخلينا نسوء الظن بالناس ؟؟
يتبع
فرناز @frnaz
عضوة شرف في عالم حواء
يلزم عليك تسجيل الدخول أولًا لكتابة تعليق.
فرناز
•
يااااااارب الفرج القريب سبحانك اللهم وبحمدكيااااااارب الفرج القريب سبحانك اللهم وبحمدك
فرج الله همك وكربك ورزقك سعادة القلب ..
الصفحة الأخيرة
و هذي نصيحه للي ماتزوجت او للامهات اللي عندهم بنات..
للاسف قبل اتزوج كنت مااعرف اسوي شي كله امي والشغاله ،، كنت القعده وامي خلتني على كيفي
صح ماقصرت دايم تنصحني بالكلام عن المسؤليه والطبخ و نظافة المنزل ووو بس ما كنت اسوي شي عملي ..
يوم انخطبت بدأت اشعر بالمشكله والورطه اللي انا فيها ،، مااعرف لا قهوه ولا شاهي ولا شي :icon33:
عاد شريت دفتر كبير وقسمته شي للحلا وشي للمعجنات وقسم لطريقة غسل الملابس :22: من جد فشيله
:icon29: اقول تراني الحين ست بيت ماهره بس هذا الكلام اول ...
المهم قبل اتزوج سويت مره رز ابيض وادام و صار حالة استنفار الكل دخل يساعدني اختي ومرة اخوي والشغاله :44:
عاد الصدق تزوجت على عماي بس عندي الدفتر واسجل ،،
الحمد الله ربي اعاني وكان طبخي زين حتى اخوان زوجي اثنوا علي ،، وزوجي مو مصدق اني ماكنت اعرف شي..
بس وش المشكله اللي واجهتها ،، عدم الثقه بطبخي ،، الناس تمدح واقول يجاملون ؟؟
اذا بيجي أحد يووووه هم اخاف مايضبط الاكل ،، والا زوجي المسكين يكون بالمجلس وادق عليه واذا جاء يلاقي
معي ملعقه ابيه يتأكد من الملح والطعم :35: بالبدايه جاملني ،، بس تالي خلاص قال طبخك زين
وخايفه من ايش ؟؟ وصار مايذوق وانا :icon33: والله تأزمت لان ماعندي احد يذوق ..
مره دقيت على مرة اخوي واقولها بكل ثقه تكفين بسوي الغدى كيف طريقة السليق :rotaeye: جلست تضحك
وتقول الطريقه :mad:
صرت دايم انصح بنات اخواني وخواتي عشان يتحركون ويدخلون المطبخ مو لازم كرف بس مايمنع يكون كل خميس
مره تسوين الغداء ومره تسوين حلا وكل مره شي عشان اذا تزوجتي يكون عندك ثقه بنفسك .. فنصيحه لا تتورطون مثلي ..
الان اعطي دروس بشغل البيت والطبخ :2thmup:.