انصدمت بالقيصريه... بس ولدت الحمدلله

السلام عليكم ورحمه الله


بنات باركولي انا ولدت وجبت بنوته حلوة بس صغيروووووووونه وايد :)


لكن والله اعلم بحالي انا كان عندي موعد بتاريخ 16/11 حق الطلق الصناعي وليله قبلها حسيت بثقل ببطني وتعب احس انني ما اقدر اتحرك

والصبح كان المفروض اروح الساعه 7 بس اخذتها نومه وقمت ساعه 10 ما اشوف الا الماي نازل علي ..سائل اصفر دافيء

عاد خفت وعرفت انها علامه الولادة واتصلت بسرعه بزوجي وامي وخذوني المستشفى


الصدمه ؟؟؟؟؟؟؟؟؟؟؟؟؟؟؟؟


الدكتورة قالت لي الجنين بيجيني من ريوله :06::06::06:

والله انني انصدمت انا افتكرتها تمزح لاني كل ما اجي حق الموعد يقولون لي الجنين راسه تحت وكل شيء تمام

بس طوفت موعد الولاده اللي كان 9/11


انتظرت ساعات ونزل الماي كله مني وانا مو مصدقه وزوجي مو راضي يسوون لي عمليه

وانا شبه مغمى علي من الصدمه ....الله لا يراويكم


الحمدلله على كل حال سووا لي العمليه بس مت من العوار بعد العمليه وللحين

انا كملت 10 ايام وبعدني احس انني مو طبيعيه وما اقدر اسوي شيء بس ارضع بنيتي وايد




للي جربوا العمليه القيصريه

سوالي متى باحس انني طبيعيه وبتروح علامات العمليه والمها؟؟؟؟؟


متى اقدر احمل مرة ثانيه واذا حملت بعد شهور بياثر علي ولا اقدر اولد ولادة طبيعيه؟؟؟



والله انني قاعده اكتب لكم وانا تعبانه والالم يقتلني :44::44: