انصدمت صدمه عمري تكفون ادعوا لي بالفرحه والسعاده

جيت افضفض لكم وابي ارتاح مره مقهوره بالحيل وجالسه ابكي وبقلبي حرقه من اقرب صديقه لي صديقتي اللي الروح بالروح طول الوقت يابنات مع بعض مايفرقنا الا النوم او دوامها بس شكوانا لبعض وكل شي مع بعض اللي ماقدر اقوله او اشكيه لخواتي اشكيه لها كل صغيره وكبيره مع بعض من كثر ثقتنا لبعض وتعاهدنا انه مايفرقنا الا الموت كنت انخطب كثير وكنت احاول قد ماقدر اني ماابين لها فرحتي واتحاشى اني اتكلم عن خطوباتي عندها عشان مااضايقها او احسسها اني بتفقدني وتتفركش خطوباتي كلها والحين هي انخطبت مااخفي عليكم تضايقت بنفسي وزعلت انها بتروح وتخليني لانه المعروف الوحده اذا تزوجت خلاص تنشغل بكل شي ووين تتذكر احد بس بينت لها اني فرحانه لها وادعيلها والله والله ادعيلها بالتوفيق وبتسهيل امورها واهاوشها اقولها استخيري عشان ربي يريحك او اذا شر ربي يبعده عنك ورافضه تقول لا اقولها اتكلي ع ربك بالاستخاره تقول لا بعد الشوفه افكر وهذا كله اللي اقوله لها وربي عشان مصلحتها وربي شاهد علي صارت مكالماتنا كلها عن خطيبها وبينت لها كم مره انه خلاص دوري سالفه ثانيه وتسولف وترجع لنفس السالفه وانا كنت اتحاشى اضايقها اذا انخطبت وكانت تدعي علي اني ماتزوج قبلها وانها تتزوج قبلي وكنت عادي ماقولها شي اضحك واسكت وربي يشهد علي ومن يوم انخطبت ماصارت تغيرت بس كنت اقول عادي يمكن من فرحتها وماصارت تحسب اي حساب تدق تسولف وتضحك عادي ولا كانه لي قيمه عندها والحين قبل شوي كلمتني وتهاوشنا وقامت تقولي اني انكد عليها بااي طريقه عشان ماتفرح بخطوبتها انصدمت منها مره وبكيت من قلبي اقرب صديقه لي واللي اعتبرتها اكثر من اخت لي سوت فيني كذا اخ ياقهر قلبي مره مقهووره منها رغم ان انا عمري 28 وهي 24 بس اعتبرتها اختي الصغيره وادلها ع كل شي واوجهها كثير بس ماقول غير ربي ياخذ حقي ويعطيني ع قد نيتي تكفون ادعو لي ربي ييسر اموري ويعجل فيها وافرح وتدخل الفرحه قلبي موقف صديقتي مره صدمني