انصدمت من زوجي ماتوقعته كذا

بنات بدخل بالموضوع دووووووغري
لما تزوجت كنت دوبي متخرجه ومع العشره لاحظت زوجي كريم ومايبخل علي بشي الا من بعض الامور اللي تكون غاليه في نظره يعني لو ابغى تيور قيمته 300 القاه متردد ماوده يشريه لي مع ان الحمد لله راتبه زين وانا ماضغط عليه اخليه وامشي واذا جاء للبيت قال والله صرفنا وصرفنا لين احس ان مالي نفس للي شريته
والله انقهر اذا جلست مع حريم اخواني ثم قالت الوحدة والله شريت هذا بكذا وبكذا اقول لو زوجي ماشراه
وهم اقل منا ماده وعندهم ديون
حتى الاشياء اللي ابيها لبيتي او للمطبخ مثلا جهاز اجمع لين اصل المبلغ واشريه اغلب الاجهزه شاريتها انا من عندي
كان نفسي في خلاط ست البيت وكانت قيمته 600 والله جمعت لين شريته وهو والله مقتدر وكان نفسي في مايكرويف وبعت من ذهبي وشريته وهو والله قيمته 300 بس
مو هنا المشكله المشكله لما جاني بدل معلمه كان دايم يتكلم عن مال الحرمه وانه مستحيل ينزل نفسه لمال الحركه وكنت مصدقته لما جاني اول راتب وشوفو بدل يعني الراتب راح ينقطع ماحط لي ولا ريال لا انا ولا لبنته كنت اشري لي ملابس واغراض واشري لبنتي واذا قلت ليش ماتشري لبنتك قال انت تخربطين مع ان قبل اتوظف كان مايتعدى شهرين الا وحنا شاريين لبنتنا لو مالها حاجه
ومره رحت للسوق وشريتلي كم لبسه للصيف وشريت لبنتي وكانت محتاجه لبس صيفي وطلعت ب300 ريال خليته هو يدفع ولما طلعنا قال يالله ادفعي كنت احسبه يمزح قلت لبس لبنتك وانا كم قطعه مع ان له 4 شهور ماشرى لبنته لو شراب قلت ادفع اللي انا شريته لنفسي وبنتك عليك قال لا تدفعينها كلهل ومع ذاللك كنت احسبه يمزح وطلع ميتين وعطيته اخذها والله مافكر يرجعها سكت وكانت الصدمه الاولى
ومر رحنا سوبر ماركت قلت ابي اشري كم غرض بسيط نزل معي وصار يتقضى للبيت من اكل وعصير وغيره ولما جيت عند المحاسب قال حاسبي طلعت وتركته دفع هو
ولما ركب قال والله لاخذها منك قلت انت متقضي للبيت وش دخلني ولما جاء من بكره قال انا عبيت مويه ومامعي صرف عندك فلوس قلت ايه عى باللي بيرجع الفلوس اخذ ميه عبا بخمسين واخذ الباقي قلت وين الباقي قال انا اطلبك الفلوس اللي امس توقعت يرجها والله ماشفتها انا صراحه ماهمتني الفلوس ولا علي منها بس اللي يقهر تارك كل شي علي حتى اي شي اطلبه يجيبه لو عشرين ريال قال هاتي فلوس اعطيه مثلا ميه مايرجع ولا ريالكله في مخباته
وانا الحين خلص عقدي ومعي فلوس بالبنك شي بسيط ودي اخبيهن وقت العازه بس الظاهر ماراح يرتاح لين تخلص اللي عندي وانا وراي زواج خالي واختي واخته هو بعد ويقول ماراح ادفع ولا ريال وش رايكم وين احطها لان مازال معي فلوس ماراححتى يشريلي بلوزة وانا والله ماودي اخربطها انصحوني الله يجزاكم خير