انصدمت من زوجي ماتوقعت

سلام عليكم

انا توني متزوجه لي كذا شهر
وزوجي ما شاء الله كريم وطيب وحنون معي مره
ويلبي رغباتي
بعد ما اثثت بيتي ع ذوقي كل شي واعجب بيتي الكل والكل يثني عليه
صرت كل شهر اسوي حاجه فالبيت عشان ما اضغط عليه رغم انه مقتدر ماديا
لكن الاحظ بنفس اللحظة يقولي ابششري بكره اجيب العامل يسوي اللي تبينه
ويطلع ويرجع رايه متغير ورافض ومنفس شوي
وتكرر الموضوع كذا مره
مره بسوي غرفة ملابس افصل دواليب لان عندي غرفة زايده وقال ابشري وقتي الجوال بكره الصباح نروح نفصله وجاء اخر الليل مأجل يقولي بعدين وليش غرفةملابس والدولاب مكفينا قلت انا احب البيت مرتب واحب التنظيم بكل شي
وكل ماقلت له نروح نفصل يأجل الفكره ويماطل
وغير كذا حملت وصار يسال اخته عن كل شي يخص الحمل ويحس اني ما افهم رغم اني فاهمه وعارفه اخر اخت لي خلفت قبل ٨ شهور وخبره مره واعرف للحمل وايش اخذ واعرف لكل شي

واول ماعرفت بحملي قلت له جيب لي حبوب حامض الفوليك قال لا لازم نسال الدكتوره قلت ياعمري مايحتاج هذي حبوب لازم الحوامل ياخذوها عشان تمنع تشوهات الجنين
المهم طلع ورجع وقالي خلاص بجيب لك الحبوب قلت غريبه مو تقول لازم دكتوره قال لا اختي قالت اي لازم الحامل تاخذها

احس اني تضايقت انا الحمدلله فاهمه ومثقفه لكن زوجي احس فيه احد ياخذ رايه بكل صغيره وكبيره بحياتنا
ف بمره طلع ونسى جواله بالبيت وقلت فرصه افتشه بس للاسف ماعرفت الرمز لانه يغيره كل فتره وراقبته فتره وعرفت الرمز ودخلت جواله ع محادثة اقرب وحده من اخواته له

وانصصصصدمت

كل صغيره وكبيره بحياتي يقولها عليه ويستشيرها ورايها ياخذ فيه سواء صح او غلط

لدرجة حتى تفاصيل حملي يقولها عليه
وهي اخته معروف حياتها خاصه محد يدري عن حياتها وساكنه بالرياض


تضايقت مره وقفلت الجوال ولي الان ٣ اسابيع مو عارفه كيف اتصرف ؟

على العلم انا كويسه مع اهله واهله كويسين معاي مافيه مشاكل بينا ابدا 



ابي راي وحده حكيمه تدلني لاني انصدمت فعلا