بنتي كانت تكتب لين تتكسر يدينها من التعب شيء مرهق جد بس النتيجه رائعه ولله الحمد كانت المعلمه تقول ادري بتجون تشتكون مني بس بخليهم يكتبون لين تتعود يدينهم على الكتابه ومسكة القلم والاملاء عشان ماحد يدعي علي بعدين الله يوفقها ويسعدها وين ماكانت

مهما حاولتي ماراح تقدرين تلقنينها كما المعلمه بعدين لا يخوفك المنهج ترى يشمل قراءه واملاء وتعبير ويتدرج في صعوبته وكل وحده تقيس شيء بالعكس رائع جدا انا مجربه اهم شيء ركزي عالاملاء اذا عطوها لا تتكاسلين فيه مهما كان كثيف وطويل والله بنتي كانت تروح تبكي من كثر ماتكتب وكرهت المدرسه بعد عذبتني بس هالشيء لصالحها انتي ساعديها لا تتذمرين قدامها بالعكس ابدي اعجابك بالمنهج وخليك معها ترى تقلدك وتصير سلبيه اذا شافتك تنقدين في المنهج

عادي الدروس حلوه وممتازه بعد

وراح تتفاجئين عندما تجدين بنتك تقرا

الدروس فاشلة جدا،، تصلح للطفل الوحيد اللي اهله جايبين له مربيه و امه عندها طباخة و شغالة. لكن مثل حالتنا كل الواجبات تقول المعلمة خلوا امكم تعلمكم؟! خلوها تحل معكم في البيت!!
وش تسوي وش نخلي من شغل البيت و الاهتمام بالرضيع و الأطفال و الزوج و التنظيف و الطبخ حسبي الله و نعم الوكيل يعني ادرس المناهج ايضا؟
الاحظ ان المناهج الأخيرة جعلوها تعتمد على المعلمة و الوالدين في البيت ، و في السابق يجي الطفل حافظ و فاهم كل شيئ من المدرسة.
على بالهم مثل الاسر الاجنبية طفل واحد في البيت !!
لازم يراعون الاسر السعودية وهل هذه المناهج ملائمة لهم ام لا؟! ام ان الهدف هو ارهاق الوالدين حتى ما يكثرون نسل أمة محمد و يشيلون هم التعليم مع التربية؟! و تصير دور المدرسة التقييم و اصدار الشهادات المعتمدة فقط؟!!

الله يوفق الجميع
دور المدرسة والمعلمة لايكفي لابد من دور الاسرة والام بالتحديد
لابد للام ان تتعب مع أطفالها في البداية لكي ترتاح ويصبح التلميذ افضل في القراءه والكتابة