انصدمت من نفسي .. على هالموقف 😖

رحنا نودي بنتي للمدرسه ... ويوم وصلنا زوجي صفط مستعجل ...واخذ جنطة بنتي وراح يوصلها للصف... والشارع علق ّ وصارت السيارات طوابير ويدقون هرن ...واطالع تلفونه موجوده ماخذاه .معاه .... وعبود يتابع الاحداث معاي ... الا واحد مصري فتح باب السايق وقال السلام عليكم معليش ...وانا ساكته....شوي المصري يفتح الباب مره ثانيه ويقولي معليش هطلّع السياره بعد اذنك .... تخيلو شسويت اخذت شنطتي ونزلت 😩... وتركت ولدي وتلفون زوجي وبكل برود رحت وقفت ع الرصيد .... مدري شكنت احس فيه ...وعبود طلع راسه من الجام وعيونه تبي تنفقع يمه يمه ...والمصري حرك السياره وخلى السيد يمشي وصفطها عدل ونزل ...ورديت انا بكل هدوء وركبت بمكاني 😩😩.... بعد دقيقتين حسيت بفداحة خطاي تخيلت لو المصري هج بولدي ي قرادتي .. يمه ي خبلني كني مغيبه 😖..خاصه الشهرين هذول انتشر عندنا سرقة السيارات بشكل مرعب ...وسيارة زوجي انسرقت فتحها واحد ونفشها نفش ومكبب الاوراق والاثباتات ومعفس ميلاديات عيالي ويوم لقى فلوس خذاهم وتركها مفتوحه ...😞😞 المهم اكمل موقفي لاني شطحت ...يوم جاء زوجي وعلمه ولدي وانا اسولف الموضوع بكل هدوء... وولدي يتكلم وهو منصدم وزوجي يطالع لاتشوفونه ويقول اكيد تمزحين ☺️☺️..... وانا سكتت .ومرت السالفه ...... مدري شنو كنت احس وقتها ...بس حسيت كني ما احس بشي ....😩😩...


عجيب غريب موقفي ...😩...