السلام عليكم ورحمة الله وبركاتة
:26:
انا متابعة علاج مع الدكتورة مها القيسي في مستوصف الذكير بعد تجاربي الفاشلة مع المستشفيات الثانيه مثل سمير عباس وغيره من المتخصصين
حالتي الصحية هي : خمول الغده الدرقية – ارتفاع هرمون الحليب – ضعف التبويض – تكيس – عدم انتظام الدورة الشهرية
خطة العلاج المتبعة مع الدكتورة مها كانت : تنظيم الغده الدرقية والحمد لله انتظمت كان اخر تحليل لها 14 من 5 مرتفع مره وعطتني عليه جرعه 100 وخلال شهر نزل لين 1,45 يعني طبيعي الحمد لله ومازلت مستمرة على نفس الجرعه للآن – هرمون الحليب كان مرتفع تقريبا 59 من 20 وخذيت عليه الدونتكس لمدة 3 شهور وانا الان في الشهر الاخير من العلاج – طبعا حمض الفوليك مستمره عليه من قبل زواجي ب3 شهور ... بعد تنظيم الهرمونات انتقلنا لمرحلة التنشيط وكانت حاطة لي خطة التنشيط لـ3 شهور وابتديت فيه من الدورة اللي راحت كانت بتاريخ 6-10-2009 م كلوميد بمعدل حبتين باليوم من اليوم الثاني للدورة وآخر يوم بالدورة عملت كاسات الهواء (الحجامة الجافة ) على الرحم والمبايض وعلى الظهر وحطيت لزقة الظهر لمدة يوم وليلة وانا اساسا مستمره على القسط الهندي من شهر وبعد الدورة على طول كملت اخذ القسط الهندي ملعقة بالصباح وملعقة بالمساء – اول يوم بالدورة لين 3 يوم بالدورة اخذ يوميا فنجال قهوة عليها حبة بركة ومره وعنزروت ومحلب فنجال واحد باليوم .
يعني اللي استخدمته هالشهر هو :
1- كلوميد ( حبتين باليوم ) ثاني يوم بالدورة .
2- خلطة ( عنزروت – مرة – محلب – حبة بركة ) فنجال قهوة واحد باليوم من اول يوم الدورة 3 ايام فقط .
3- حجامة جافة على الظهر والمبايض – لزقة جونسون ليوم وليلة فقط .
4- القسط الهندي مستمره عليه تقريبا شهرين ( ملعقة صباحا وملعقة مساء) ماعدا وقت الدورة.
المصيبة اللي صدمتني جلست تقريبا 4 ساعات مصدومة ولا ابي اتكلم من احد
رحت موعدي للدكتورة لمتابعة التبويض ( اليوم 12 من الدورة ) عملت لي سونار وقالت
مافية تبويــــــــــــــــــــــــــــــــــــــــــــــــــــــــــــــــــــــــض يارب لك الحمد والشكر
كيف مافيه تبويض ؟؟؟؟
انا سبق واخذت كلوميد وكنت استجيب له بطريقة حلوه المره الاولى حبتين باليوم وطلعت لي بويضتين والمره الثانية اخذت اربع حبات باليوم وطلعت لي اربع بويضات وحجمهم ممتاز !!!!
كيف هالمره ما طلع لي شي
قلت للدكتورة انا من قبل طلع لي في تجارب سابقة قالت طيب ليه ما حملتي ؟؟؟؟ قلت لها من الله لانها قالتها باستهتار زي اللي تكذبين علي
الحمد لله رضيت بكتبة الله وبستمر معاها بالخطه العلاجية اللي قالتها لي بس ابي اعرف وش السبب ؟؟؟
وش تتوقعون ابي اسمع توقعاتكم ؟؟ :(
اللي مجنني اني احس بآلام التبويض بقوة لدرجة اني افتح زرار البنطلون احسه يضغط بطني يوجعني الم قوي بالمبايض مثل لما كنت اخذ الابر وتطلع لي بويضات معقولة يكون فيه تبويض ولا شافت ؟؟؟
وطلبتها تعطيني الدبرجون بعد الدونتكس عشان مايرجع يرتفع هرمون الحليب مره ثانية قالت لا ما تحتاجين !!!!
:26:
المصممة ندى @almsmm_nd
محررة
يلزم عليك تسجيل الدخول أولًا لكتابة تعليق.
سديم999
•
الله يعينك والله حاجة تقهر انا اقول ليش ماتروحي مستشفى ثاني يمكن يقولولك شي تاني لان اختي حامل وراحت لدكتور وقالها الطفل وضعه بالمقعدة يعني مو طبيعي راحت لمستشفى تاني وقالولها مين قالك وشافت الجنين وضعه تمام
تــــوت
•
مدام انتي ماخذه كلوميد راح يكون التبويض مقدم يعني من اليوم 9 او العاشر ويوم جيتيها شكل البويضه منفجره وقاضيه
وانا سمعت ان المره مثل المضاد تبطل مفعول اي حبه تاكلينها
وانا سمعت ان المره مثل المضاد تبطل مفعول اي حبه تاكلينها
سديم999 :
الله يعينك والله حاجة تقهر انا اقول ليش ماتروحي مستشفى ثاني يمكن يقولولك شي تاني لان اختي حامل وراحت لدكتور وقالها الطفل وضعه بالمقعدة يعني مو طبيعي راحت لمستشفى تاني وقالولها مين قالك وشافت الجنين وضعه تمامالله يعينك والله حاجة تقهر انا اقول ليش ماتروحي مستشفى ثاني يمكن يقولولك شي تاني لان اختي حامل...
تعبت من التنقل من مستشفى لثاني حتى زوجي قال لي تكفين لا نغير هالدكتورة خلينا لو مره وحده نستمر مع احد وغير كذا خطتها العلاجية مقنعتني شوي احسها منطقية الله يرزقنا يارب ويشفينا
فديت قلبك حبوبة على مرورك
فديت قلبك حبوبة على مرورك
تــــوت :
مدام انتي ماخذه كلوميد راح يكون التبويض مقدم يعني من اليوم 9 او العاشر ويوم جيتيها شكل البويضه منفجره وقاضيه وانا سمعت ان المره مثل المضاد تبطل مفعول اي حبه تاكلينهامدام انتي ماخذه كلوميد راح يكون التبويض مقدم يعني من اليوم 9 او العاشر ويوم جيتيها شكل البويضه...
كلامك حلو ومنطقي بس سبق واخذت كلوميد وكان بنفس هاليوم يبين التبويض معقوله تكون منفجره وقاضية ؟؟؟؟
المره انا بعد اتوقع انها تبطل المفعول
شكرا على ردك حبيتبي الله يفرج همك يارب
المره انا بعد اتوقع انها تبطل المفعول
شكرا على ردك حبيتبي الله يفرج همك يارب
الصفحة الأخيرة