انصدمنا من بيت جارتي انا وشغالتي ..

السلام عليكم 
ما اعرف وش اقول او احكي يارب اغفر لي بس لازم التمس منكم النصايح والمساعده مثل ما انتو شايفين الموضوع جارتي الله يسامحها ويعينها على ما ابتلاها ..انا جاتني شغاله وبالموت لقيتها تعرفون الشغالات هاليومين منقرضات المهم يا حبايب انا جبتها فتره وراح استغني عنها جبتها فقط لظرف عندي المهم جارتي جاتني وعرفت ان عندي شغاله قالت لي وشرايك اخذها يومين تساعدني بالتنظيف بيجوني اهل زوجي ويجلسون كم اسبوع قلت طيب وانا راح اساعدك وليتني ما قلت رحت انا والشغاله يا ناااس انصدممت صدمة عمري ما شفت شي زي كذا المطبخ المطططططببببخ شي عجيب الزباله واصله للشارع مو حقت يومين لا حقت اسبوع شكلها مو معقول زوجها ما يطلعها مدري حتى الشغاله انصدمت والا المجلى ينقط مويييه عالارض والمواعين بكل مكان لها يومين او اكثر والدولايب تشكي من الزيوت الملصقه شي عجيييييب انصدمت اول شي جا ببالي كيف كنت اتضيف عندها واخذ منها اكل واكله غير الفرن ماله ملامح من الاكل المكبوب والزيوووت حالته حاله الارضيه تطلع صووووت تلللزق ياربي وش هذا بيت اوادم والا ايش جاني انهياااار وامسك الكلوركس والعملاق حتى جايبتهم من بيتي ما عندها منظفات لاحول ولاقوة الا بالله عصبت عليها قلت ارسلي ولدك يجيب منظفات وامسكي هالجزء من الدولابب والشغاله الفرن وانا جزء الثلاجه انصدمت فكيتها طلع ريحة عففففن مدري وشفيها المشكله الحرمه بصحتها وعندها ولد وبنت يعني ماعليها ضغط حزنت ع اطفالها كيف عايشين فالعفن حرااام والله حراام وتتشكى من زوجها انه فالاستراحات الله لا يلومه من اللي يشوفه ضعيف ااااه بس وش احكي خلصنا المطبخ ودعكناه دعك بالكلور والعملاق وطلعنا نرتاح وانصصصدددم من غرفة الجلووس وش ذااا المخدات بكل مكان شبس مفتت وشوكلاته بالجدران والريحه تصرع حفايظ مرميه جنب التلفزيون والطاوله مليااانه غبااار وقرابيع علب وعلك ووصخ انصدمت قلت يا فلانه ماني قاعده جيبي كيس كبير ولمي كل شي موجود هنا وطلعيه برااا وجيبي سطل وعبيه مويه وكلور وجبت لها داوني وطلعي الكنب برا وكبي السطل بكل مكان الجدران والارض ودعكس بالفرشه والحمد لله تلحلحت بمساعدة الشغاله وكملو عالحمام اللي كان منبع للنفايات والحفايظ والزبايل وانتو بكرامه حتى الغساله عليها شعر وخرايط وصخ مدري شجابه المهم قلت دامك كذا لا تلومين زوجك ورحت انا وشغالتي بعدها ما رحت لها اسبوع وعزمت نفسي ابي اشوف انعدلت واروح لها الاقي الموضوع اخس من اول مدري عاجبها الوضع والا ايش المهم انا صدع راسي وش الحل وش اقدر اقولها عشان تخاف الله في اطفالها وتنتبه لعمرها مو معقول اللي عي فيييه