بسم الله الرحمن الرحيم
ربي اني مسني الضر وانت ارحم الراحمين :icon33: اخواتي العزيزات انا حبيت اقص لكم قصتي لعلي اجد عندكم ما يخفف من معاناتي وانا بعد لجوئي الى الله حبيت آخذ بنصيحتكم واجعل مما حصل لي عضة وعبرة لكل ام زوجت ابنها ولا زالت تتدخل في حياته والى كل البنات المقبلات على الزواج حتى يعاملو اهل الزوج بطريقة مناسبة
انا بداءت معاناتي من اول يوم لزواجي:09: لا وقبلها بعد طبعا خطبوني ناس ووافقت وشفته وشافني ومن يوم خطبني وانا اسأل عن اشياء بس الام ماهي راضية تعلمنا لا ورافضة اني احط زواج بحجة انها تعبانة وما تحب الزحمه (النصابه مافيه زواج ماتحضره):angry2: طبعا وافقت وحطيت زواجي ببيت اهلي للاقارب بس ويوم زواجي الام شكلها مو طبيعي وقالت لي عمتي الله يرحمها ويغفر لها ولجميع موتى المسلمين ان ام الولد بس تفرك يدينها وتقول الله يستر الله يستر
طبعا دخل زوجي وتصورنا وهي بس عيونها طايره المهم هو عند اخوات ثنتين جالسين معانا يوم جيت طالعه للسيارة انا وياه لحقوني واخذو مسكتي انا قلت معليش عادي
المهم عدت اول ليلة علخير تتوقعون من بكرى سوو لي عزيمة او حتى قدروني بفنجال قهوة لالالالالالالا
صار العكس طبت علي هي وبناتها ببيتي وكانوا معزومين على زواج وجو البجيحات يلبسون عندي و وحدة منهم تبي اسوي لها ميك اب عارفه اني ماخذه دورة ميك اب وداخلة على طمع الاخت:icon33:
قلنا ماشي سافرت ورجعت لا عزيمة ولا شي صار لي مع ولدهم سنتين وماشفنا اي شي
المهم كنت اعطيهم وجه زيادة عن اللزوم ان انت اكرمت الكريم ملكته وان انت اكرمت اللئيم تمردا
دخلتهم بيتي حتى غرفة نومي دخلوها وملابسي شافوها وكلشي يبونه اعطيهم اياه خالتي و عادتها مثل امي كل ما تصلت على امي اكام خالتي عقبها واسلم عليها بيتهم ما ادخلة وايدي فاضية لاحظت ان خالت (ام زوجي) تتدخل بكل حاجة وتسأل عن كل شي قلت عادي توها ماتعودت فرقا ولدها لحد ما بديت اطفش
صارت تناديني عندهم لمصلحة بناتها هذي عندها بحث وتبي اسويه والثانية عندها اعمال واساعدها
واحيانا عيالها مشتهين حلى قد جبته وتدخلني مطبخهم اسوي احيانا 3 انواع حلى :angry: وما تكلف نفسها تاخذ الطريق وتخلي بناتها يسوونه على يدينهم نقش الحنا :(
احيانا نطلع مع بعض سوبر ماركت مثلا يكون زوجي معطيني مبلغ معين اقضي فيه للبيت وانا ادف العربية القى خالتي تحط حاجة شوي بناهتها يجون يحطون لهم حلويات وخرابيط واذا جاء الحساب ييقولون حاسبي ونعطيك بعدين....... كثروا منها وبس انا ادفع وهم مبسوطين يحسبون عندي كنز علي بابا
وحملت بأول حفيد لهم طبعا خالي طار من الفرحة لانه يبي نسميه على اسمه المهم مرت التسع شهور سريعة ولدت والحمدلله بعملية قيصرية وانا بالمستشفى دخلو على كلهم مافي يديهم ولا حاجة فشلوني عند اهلي بصراحة مايعرفون الواجب قلت يمكن اليوم مامداهم بكرى يجبون حاجة ولا حياة لمن تنادي مر نفاسي وهم يدخلون ويطلعون ويدينهم فاضية
الامر من كذا ان خالتي استغلت نفاسي وغيابي عن بيتي ودخلت يقالها تبي ترتب وعفست البيت غيرت ترتيب الصالة والمجلس وياعالم دخلت غرفة نومي او لا؟ وفتشت كل شي وخلتني عارية بلا خصوصيات حسبي الله عليها
المهم بعد ما رجعت من النفاس صارت تعلق على شكلي شافت صبغت شعري قالت : هاللون مو مناسبك مسمرك! تحسبني بغيره لعيونها؟
تقول لي لا تلبسين هاللبس يطلعك شييييييييينة!
تقول سوي تقويم اسنانك طالعه !!! شوفي بناتي كاهم مسوين؟؟
لا وكل هذا الكلام قدام زوجي؟؟
غير الكلام اللي ينقال من وراي اتوقع اكيد ان زوجي تأثر بكلام امة لان كثر الدق يفك اللحام
المهم ان طفح فيني الكيل بناتها تمردو علي يتطنزون وهي تضحك لهم وتتطنز هي وينبسطون ليها
مع العلم ان اهلي مو بالرياض هذا بدال مايعاملوني زين
جاء اليوم اللي قررت فية اني ما اسمحلهم بعد ايش احيانا الطيبه غباااااااااااااااااااء
رحنا معرض الكتاب واشترينا كتب طبعا انا اللي حاسبت واخذت الكتب لبيتي قلت متى مابغوها يدفعون و اعطيهم ارسلت لي اخت زوجي الصغيرة انها تبي الكتب السبت وكان يوم خميس قلت لها مابعد قريتهم قالت اقرية وجيبية السبت ولا تدخلين بيتنا بدون الكتاب
انا انقهرت وصارت سالفة وليومكم مايكلموني وخلتي رفعت صوتها علي وتكلمت على اهلي وسبتني
وصار لي اربع شهور مادخلت بيتهم وياليتهم فكونا من شرهم لالالالا
ولدي يمرون ياخذونه غصب عني ويأكلونه اشياء ماتناسب عمره ويسمعونه اغاني ويعودونه على طبايعهم الشينه
وزوجي يطلع من عندي مبسوط يرجع لي معصب وطفشان ويحط حرته فيني لانهم يشيشونه علي
وآخر شي قاعده تخطط له تحرضه يتزوج علي وانا ما صار لي معه سنتين حسبي الله عليها الله لا يحللها وتذوقه في بناتها وتتحسر عليهم وتموت بحسرتها عليم يارب
وش اسوي غلطتي ماتعاملت معاهل زوجي برسمية والمفروض ما ينعطون وجه
انا ما اعمم بس كثير الشين واللي فيهم خير قليل خافوا الله في بنات الناس انا تعبت علموني بحل؟؟؟
قرادة حظ @krad_hth
محررة
يلزم عليك تسجيل الدخول أولًا لكتابة تعليق.
قرادة حظ
•
تكفون اللي تدخل تدعي لي وان شاء الله مايصيبكم ما صابني ولا بناتكم ولا من يعز عليكم ادعو ان الله يسخر لي زوجي ويبعد عننا كل من فية شر
الصفحة الأخيرة