انصفوني بالقصه... لو كنتي مكاني اي موقف تااخذي؟؟

سلام بنات ابغا اقولكم قصتي اليوم واتمنى انكم تكونو صادقين بردودكم
مشكلتي مشكله استغفر الله ولي فتره يعني مو من دحين
من لما تزوجت بس رجعت من شهر العسل عرفت ان اخت زوجي جاها سرطان بالصدر قبل زواجي بشهر بس وسوولها عمليه ولا احد قال لي عشاني العروسه وماقالولي الا بعد مارجعت من شهر العسل،،، المهم
اول ماعرفت رحت بسرعه شريت لها عطر،، وهي بدأت تاخذ كيماوي
انا وهي نعيش بنفس البلد بعيد عن اهلنا،،،،
اول مارحت بيتي كل يوم كانت تكلمني وتعزمني عالغدا او الشاهي او القهوه.. ولان ماكان عندي شي كننت ارووح
وكانت مررره باين انها تحبني .،، كان يجي شهر وانا كل يوم اشوفها هي وبناتها وكأني عايشه معاهم والعلاقه تمام
بعد ما مرت سنه زواج ،،، نقلت من بيتي الي كان مرررره صغير لبيت مررره كبير يعني يكفي عائله عندها مثلا ٥ او ٦ اطفال،،، وكنت انا وزوجي لحالنا لكن الحمدلله ربي كتب لنا هالبيت،،،
وفي نفس الشهر طلعت حامل الحمدلله ربي رزقنا من وااااسع فضله،،
ومن هذاك الشهر الحرمه حسيتها بدأت تتغير،،، وللحين وهي متغيره
يعني لو اقولكم ايش سوت حركااات ماتصدقووو
اقلها... تتريق على ساعه عندي!! تقول لي ساعتك غبيه وتضحك تخيلو وبعدها باقل من شهررر الاقيها مشتريه نفس فكرتها ومقلده كمان!! بس ماقدرت اقول شي ماعرفت احرجها كفايه انها اكبر مني بالضبط ب ١٠ سنوات...
مره كانو عندي اهل زوجي وعددهم مو قليل ،،، وكانت هي موجوده معانا مع عيالها،، وبرضو عددهم هي واولادها والشغاله وزوجها ٨ اشخاص يعني عدد مو قليل،،، وجيت اسوي الغدا وررررربي يابنات ٨ او ١٠ مرات تدخل علي المطبخ تقول لا تحسبينا وتحفلني تقول انها بتتغدا في بيتهم... وانا اقولها لا خليكي عندنا،،،،
وفي النهايه ماحسبتها في الاكل ويجي زوجها يقول لا راح نتغدا هنا!!!!!!!!!! مخيلين كيف طلع شكلي والاكل كأنه ماقدرت اطبخ كثير وماقدرت اكل الا ملعقه رز لان ٨ اشخاص ماقدرو يشبعو من الاكل الي سويتو .. في النهايه طلع شكلي وحش من موقفها
كل هذا حطيته على جنب،، البنت ماصارت تدق،، انا ادق عليها ووترد عادي بس باين انه مجااامله،،واذا مادقيت ماااترد
ومرت السنه عااادي،،،
وبعدها بسنه كمان حملت الحمدلله ،،، وشافتني وكانت تدري ولا باركت ولا شي،،، وطنشت الموضوع
لما صرت في الخامس،، نقلت على بيت جديد.. طبعا مو بكيفي غصبا عني ظروف شغل زوجي...تخيلو انا حااااامل بالخامس وموظفه وفي غربه يعني ماعندي اهلي بنفس البلد بس اخته وخالته،،، وعندي ولدي صغير،،،
ولا دقت ولا قالت اذا تبين مساعده او اي شي،،،، خالته ماقصرت ودقت وكانت ترسل لي بعض الايام غدا وترسل لي بنتها تساعدني ،،، اما اخته ولا شي يابنات،،، مو لاني زوجة اخوها بس وين راحت الايام الي كانت علاقتنا مرره كويسه في بعض!! انا مادري ايش قلبها راس على عقب

خالته بعد مانقلت كلمتني قالت باجي ازورك انا وفلانه (الي هي اخته ) وقلت حياكم
وجوني ،،، خالته لما دخلت جابت لي هديه تبارك لي عالبيت
اخته دخلت وهي مكشره وتقول ترى ماجبت هديه لاني كنت مستعجله.. ( مين قال اني انتظر شي)
ماقالت حتى كيف حالك ولا مبروك البيت ولا الحمل ولا شي!! تخيلو جايه بيتي عشان تتكلم مع خالته !! وتاركتني على الرف،، بيت اخوكي معليش بس مو لهدرجه التطنيش وفي بيتي،،،،، طبعا انا طنشت ماعرف ادقق بالكلام ابدا :( ولا قلت شي
بنات انا ادري انها تعبانه بس مو لهدرجه التصرفااات

شفتها وانا حامل في السابع في بيت خالة زوجي ... سارت تعزم بالحريم كلهم عشان تخرج بنتها ولا قالت لي!! وكأنه قاصده تعزم الي على يميني وعلى يساري وانا ماتقول لي حتى كيف حالك ؟؟؟!!!!!!!!!!!

ولادتي في الاخير تعسرررررررت ... جاتني جلططططه في الرجل وبعدها ولدت قيصري متخيلين،،، يعني قمة العذاااااااب،،، الحمدلله بس
ولا دقت ولا ارسلت مسج تبارك لي عالولاده!!!!!!!
حتى اهلي استغربو يعني حتى الغربا دقو عالولاده ودقو عشان الجلطه وهي لا حس ولا خبرررر....
بعد ١٠ ايام من ولادتي دقت على ( امي) ملاحظين .. وقالت معليش ماكملت اول كان عندي عمال!!!!!!!!!!!!
انتظرت تدق علي مادقت،، طنشت وقررت اقول لزوجي...
ودق علي زوجي ابغا اقول له،،، الا لقيته يسبقني بالكلام يقول: اختي ماباركت لك تقول ماحبت تزعجك وانتي تعبانه!!!!!!!!!!! المسج مثلا راح تزعجني؟؟؟؟!!!!
حسيتها قالت له عشان ماقدر افتح فمي ويصير هو في صف اخته:angry: ولا قدرت افتح فمي الا بعد بفتره وقلت له ماهو عذر الازعاج تراها ماقدرتني ،،،

بنات وربي ماني حاقده عليها ،، كل ماقلت لزوجي يقول فكري ايش سويتي غلط!!! والله مره قعدت اسبوع افكر وتعبت لاني مالقيت شي غير سبب واحد،،،،، من بعد ما صرت اقعد ببيتي الي نقلت عليه بعد حملي الاول حسيتها تغيرت،،، يمكن هي من النوع الي تبغاني دايما اكون في بيتها بس انا مع الحمل وبدأت عندي حياه جديده صعبه اكون زي اول،،،


قبل يومين شفت خالة زوجي بالصدفه في المول وقاعده تتكلم على نيتها وفجأه تحكيني عن عزيمه سوتها اخت زوجي لكل العايله الموجوده بنفس البلد!!!!!!!!! وانا ما كأني منهم مثلا؟؟ وبرضو طنشت ولا قلت لزوجي...

زوجي مستخيل يوقف لصفي لسبب،،، انها اخته!! وقال لها لي مره لا تحكيني تراك زوجي وهي اختي يعني ماراح اقدر احكم...

طيب ميت الي يقدر يحكم؟؟؟؟

المشكله يابنات انها يالطيف اكتشفو فيها ورم ثاني وبيسوو لها عمليه بعد اسبووع،،،
الحين بيجي دوري ممكن اطنشها زي ماطنشتي وقت تعبي،، ووممكن اروح لها واحمد لها بالسلامه اوقف معاها بمحنتها،،،

بنات انا مو حقوووده والله بس مانسيت الي صار وصعبه انسااه ،،، ومع كدا لما افكر اقول خليني اخذ اجر وانوي الخير وازورها وادق عليها عشان صحتها،،،،،،،،،،، بس ماني قادره،،،،

اكيد انتو حتقولو ايوا زوريها وخليك احسن منها،، بس ترى هالكلمه مو سهله تتطبق،، بس سهله تنقال،،،
انا لي حول السنه مالي علاقه فيها وكل ماشفتها تقعد تطنشني واذا ماطنشت تدقني في الكلام،،، وانا عمري مارديت لاني ماتعودت ارد،، وياريتي اعرف ارد كان بردت الحره الي في قلبي،،،

لو كنتو مكاني ايش تسوو؟؟ تنسو كل الي صار؟؟ ولا تطنشوها وتطنشو كل شي....
متردده والله وحاسه اني مقهوره لانها كانت مقصره معايا

اتمنى الاقي رد منكم وشكررا
:39: