انضربت وانا في شهر العسل ورفعت قضية خلع وأحبه ومنهارة

السلام عليكم ورحمة الله وبركاته ...

انا بكتب وانا منهارة انا اتزوجت وزوجي عصبي جدا ومتوتر جدا على طول

وتاني اسبوع جاتني الدورة وكنت كثير تعبانة واصلا الواحد بتكون اعصابه

تلفانة وعصبي زيادة وكمان حياة جديدة وماني متقبلة تصرفات زوجي

المهم فلتت اعصابي واتخانقت معاه راح ضربني ضرب فظيع فظيع

عمري ما احد في العيلة عندنا انضرب من رجال ولا ابويا مد يده عليه في

يوم من الايام المهم طبعا حالتي النفسية كانت في الحضيض وسكت

ماشتكيت لأهلي حفاظا على بيتي ولأني للأسف أحبه

بعدها بأسبوع اتخانقنا تاني وضربني ضرب فظيع اه اه ياربي

مع ان في الحالتين الحق كان معايا فكانت صدمتي اكبر اكبر لأنه تعهدلي

ماحيمد يده عليه وحلف على المصحف واتعاهدنا في مكة على كدة

راح كررها مرة تانية ومو اي ضرب ضرب مبرح يعني يعلم على الجسم

اه ياربي صبرني وكان يضربني ويحضني ويضرب وبحضني الين ماصرت

ادعي عليه واقوله حسبي الله ونعم الوكيل فيك اللهم ارني فيه عجائب

قدرته هنا انتبه لنفسه وبطل يضرب وحاول يعتذر لكن انا كنت منهارة

ويادوب اوقف على حيلي المهم قالي نروح مكة نعمل عمرة عشان نهدأ

رفضت وصممت اروح لأهلي

المهم طبعا انا خفت خلاص بعد الحلفانات وبعد ما سامحته اول مرة يمد

يده تاني ولأسباب تافهة وانا المحقوقة ...

المهم رحت بيت اهلي واتجننوا لما عرفوا الموضوع وصمموا على الخلع

لأنهم عارفين ما حيطلق ...

المهم المشكلة لما حاول يصالح كان مكابر وماهو راضي يعترف بغلطه

ويرمي الغلط كله عليه وكان يتكلم بطريقة شبه غير محترمة مع ابويا

فطبعا زاد الموضوع شعللة بدل ما يكون نادم لا برضو يكابر ...

ورحت المحكمة ورفعت قضية خلع ووصلته من يومين فثارت ثورته

واتصل على بابا وقال كلام ما هو كويس ما كان متوقع ابدا نسوي كذا

( لأنه شكله مستهون باللي سواه ) ( الظاهر ابوه كان يضرب امه عشان

كدة حاسس الموضوع ايزي )

اللي حيجنني اني مشتاااااقة ليه كثيييييييييير ونفسي الأمور تنحل

اصلا كان ما بينا مشاكل كثيرة من قبل الزفاف يعني ايام الملكة وقلنا يمكن
تخف بعد الزواج وكله يهون الا الضرب ولما سكت في المرة الأولى راح

ضربني تاني
هذا اللي مرددني في موضوع الرجعة اخاف ينتقم مني ويحبسني

او يسوي فيه اي شي عشان قضية الخلع

واهلي يقولوا الرجال اللي يمد يده على حرمته يفضل طول عمره يضربها

وانت اذا رجعتيله حيقول قبلت بيه وانا بضربها

وماحنقدر ندافع عنك بعد كذا

لأنك قبلتي بالإهانة

وهوه كان بيرسلي انه يحبني وحيعوضني ....الخ

انا بين نارين اخاف اكسر اهلي وخصوصا انه كلم بابا باسلوب بايخ

واكتشفت ان كان فيه التزامات كان لازم يعملها ( اتفاقات بينه وبين بابا


) لكن ماوفى فيها

وانا كمان كان واعدني بأشياء ماوفى فيها

وكمان فيه نقطة مهمة انه ماحسه متدين يعني عنده فراغ ديني

فظيع وهذا اللي مضيعه

يعني ما يصلي جماعة مع ان المسجد قدام البيت ويأخر الصلاة عن

وقتها

يعني المختصر المفيد اني انا تحملت اشياء كثيرة معتمدة فيها على

ثقتي بربي انه بيستجيب لدعائي في هدايته واصلاحه

ومااقدر انكر انه في اشياء كثيرة اتعدلت فيه او على الأقل شايفة انه

بيحاول يعدل فيها

هوه مشكلته انه جدا عنيد وفي نفس الوقت

عنده مشاكل نفسية كثيرة وحاسس بعقدة النقص لأن احنا عيلة الحمد

لله مترابطة ومستواها اعلى منه

ودايما احس في كثير من تصرفاته بهذه العقدة وبحاول بقدر الإمكان ان

ماحسسه فيها وماحسسه اني حاسة ان العقدة هذه فيه بالعكس


وربي يعلم قد ايش بحاول امتص غضبه وادلعه واقوله كلام حلو

وانا البنت بشحت منه الكلام الحلو شحاته

مشكلته انه كمان همجي ما يعرف يتعامل مع حريم

المختصر المفيد انه في الحقيقة سلبياته اكثر من ايجابياته

وعن مدى حبه ليه يقول انه يحبني ومايقدر يستغنى عني

لكن انا اشك من تصرفاته انه يحبني وفي بعض الأحيان احس انه يحبني

بس برضو يحب يسيطر عليه ويطلع عقده عليه

انا تعبااااااانة وماني عارفة اركز مشكلتي احبه احبه احبه بالرغم من
دا
كله

نفسي يحصل شيء يخليني ارجعله قبل موعد قضية الخلع

نفسي يحسن من تصرفاته

نفسي يعتذر ويندم ويبين هذا الشيء لأهلي

نفسي تحصل معجزة تنجيني من الخنقة اللي انا فيها

انا لسه عروسة ماتميت 3 اسابيع

والله الحمد لله راضية بقضاء الله وقدره

بس يارب يهديه يارب يرجع لربه يارب يندم واذا ما فيه خير يارب ربي

ينزعه من قلبي ويعوضني خير

انا لله وانا اليه راجعون اللهم اجرني في مصيبتي واخلفني خيرا منها

ادعوليييي منهارة

محتاجة أراءكم بدون عاطفة