وينك طمنينا عليك ونصيحتي لاتردين عليه خليه يحس انه مايدري وش امخبيه له بس بنتك ابعديها عن المشاكل اللي بينكم وخليه يجي يشوفها ولبسيا وكشخيها عشان يحس انه ماعليك قاصر بيت اهلك ياليت اللي يكتبون مشاكلهم ونساعدهم بحلول يقول بعد كذا كيف حلت مشكلتها عشان مثل مافدناهم نستفيد معهم.

بصراحة اختي انا اشوف انك لعبتي دور كبير في إشعال هذه المشكلة نعم زوجك غلط لما مد يده عليك بس ما غلط لما طلب منك تبطلين عادة الصراخ.... معلومة مهمه لازم تعرفينها وكل وحده تعرفها إن الرجال (جميعاً) يكرهون المرأة التي تصرخ كثيراً وترفع صوتها في وجوده إذا بتسأليني ليه؟ اقول لك لإننا احنا كمان ما نحب الرجال اللي يرفع صوته!
انا ما راح احلل المشكلة واقول لك بالضبط كيف المفروض يكون ردة فعلك لان هالمشكلة اصبحت من الماضي بس اللي اقدر اسويه هو نصحك بما يجب ان تقومي به الآن لمستقبل ناجح مع زوجك وهو التالي:-
1- الرد عليه عند إتصاله بك بس انتي لا تدقي عليه ابد!
2- إذا طلب منك الرجوع إلى بيتك وافقي ولكن بشروط وانصحك لا تشترطي انه ما يضربك مره ثانيه لان هذا مو شرط هذا حق بس اقول لك خليه يجيب لك (رضاوة) يعني يغير غرفة النوم او يشتري لك حاجات لك ولبنتك.
3- إذا طلب منك رؤية بنته لا تحرمينه لانها ببساطه بنته ومن حقه يشوفها وياخذها وين ما كان واذا كان ما يحب تهاوشين بنته انتي وانتي امها اكيييييييييييد ما حيخلي الناس الثانيه تذيها او تضربها وما اشوف خوف عليها معاه!
4- إذا طلب منك الأعتذار عن الصراخ ورفع الصوت والعناد اعترفي له ان هالاشياء غلط والمفروض ما تسوينها واعتذري ما فيها شي اذا اعتذرتي بالعكس والله الزوجة لما تعتذر لزوجها عن اغلاطها تكبر في عينه ولا شعورياً يصير هو يتغاضى عن هالاخطاء اذا تكررت لانه سبق وعرف انها ما تقصده وانه ممكن تصير في لحظة غضب.

زوجك طيب واهم شيء انه ما يسكر ولا يترك الصلاة ولا يخونك فليش نروح نحاسبه على الاشياء اللي يسويها في لحظة غضب. ما فيكم عين ولا فيكم شيء لا توسوسين توكم ما اخذتو كفايتكم لمعرفة طباع بعضكم بس مع الوقت انتي راح تعرفين (لا شعورياً) الاشياء اللي تخليه يضربك وبالتالي ما تسوينها وتبتعدين عنها بس حاولي قدر الامكان انك تحسسينه ان له كلمة وان عليك الطاعة اذا كان اللي يطلبه ما فيه عصيان للخالق وبس!

اتمنى من الله العلي القدير ان تنحل مشلكتك بأسرع وقت وترجعون زي اول واحسن وصدقيني مع الوقت علاقتكم راح تتحسن وتتذكرين كل هالمواقف وتضحكين عليها بعد!
بالتوفيق واتمنى إني افدتك :)

غاليتي ...
.ياعيوني

حبيبتي ...الضرب اعتقد انة مب مشكلة كبيرة تؤدي الى الانفصال ....لكن اثبات موقفك هو الاهم
يعني المراة مفروض من اول مرة اذا مد يدة زوجها عليها تعملها مبدى وتخلية يحسب الف حساب قبل لايعيدها لاقدر الله...
بعدين امكن زوجك من النوع العصبي او المزاجي فسايرية بدل ما..... تناطحية


اما بخصوص والدك (اللةيعطية العافيةو يطول بعمرة) فهو نسخة طبق الاصل من والدي( اللة يعطية العافية ويطول بعمرة )وهذا ترا من زود حبهم علينا ,,,,,وعلى مصلحتنا

حبيبتي انتي خليكي عند اهلك ولا ترجعين بمكالمة بل خلية يجي عند اهلك ويعتذر لك ....وانتي بعد فهميةا نو الي ما يقبلة على نفسة لايسوووية فيكي .....وبلاش من الشرووووط لان الرجل لايقبل ان تملى علية شرووووط
وسلامتكم

السلام عليكم
انا طبعا ما قريت الردود حق البنات لانه ما عندي وقت بس
لانك اختي بخبرك بصدق و ياريت ما تزعلي
زوجك عيبة بس عصبي وانتي الله يهداش تثيرين عصبيتة زيادة خذية بالسياسة بدومي معاة العمر كلة سعيدة
والله يعينك :26:
ارجعي البيت و صلي على النبي و لا تفرحي الشيطان بخراب البيوت
وحاولي لما تشوفينة معصب انك تبكي و ماتردي و هو سيدة بيحاول يراضيك صدقيني بس امسك نفسك و لاتخلية اثناء غضبة يخرج عن سيطرته ابدا

انا قريت مشكلتك كامله وفيه بنات الله يجزاهم خير ردوا رد طيب لكن فيه بعض الردود
اللي ممكن تزيد مشكلتك هي اللي خلتني ارد بصراحه لإن اللي يناسب غيرك مستحيل يناسبك
حبيبتي
في البداية اختي انت طلبتي نكون صريحين معك ونقول مين الغلطان كلكم غلطوا انت و زوجك
زوجك الغلط راكبه من راسه لرجوله لإنه يضربك بس كمان انت لك دور
يعني هو غلط عليك انت اسكتي لا تزيدين النار حطب
أكثر شيء يكرهه الرجال الحرمه المستقويه اللي تعاند و تصارخ لكن انتم الله يصلحكم
هو يقول كلمه و انتي تزيدين بكلمتين و كأنكم تدورون الهواش و الصراخ
ما ودي اتكلم في اللي راح كثير لكن فكري و فكري في كل اللي صار بينكم انت لك دور فيه
مو هو لوحده الغلطان و الله رحمت بنتكم و انتم تصارخون و سطها و هي تبكي
لازم تحسين بغلطك حتى ما تكررينه و حتى ما تكرهين زوجك و تحملينه كل شيء صار
لإنك لو رجعتي لزوجك لازم ترجعين بنفسيه طيبه و انت حابته و حابه الحياة معاه مو بس
عشان بنتك و لا عشان اللي في بطنك
في البدايه حبيبتي كلمي ابوك و حاولي تحننين قلبه عليك لإنه صعب يشرط على زوجك
وهو حاس انك انت الغلطانه
كلميه و اشرحي له موقفك وانك حتى لو غلطتي مفروض هو الرجال يتحكم في انفعالاته
وانت حامل و بنتك صغيرة مفروض يراعي حالتك النفسيه
و قولي له لو انت ما دافعت عني أروح لمين و مين اللي بيوقف معي ومن هالكلام
واذا طلب زوجك انه يردك خلي ابوك يشرط عليه انه ما يمده عليك لكن انت لا تتدخلين
خلي ابوك هو اللي يتكلم و يتفاهم معه
واذا رجعتوا لبيتكم حبيبتي حاولي ما تستفزينه اذا غلط عليك بكلمه اسكتي عنه و لا تردين
عليه بكلمه ثانيه حسسيه بضعفك و بحاجتك له
الرجال يحب يحس بحاجة زوجته له و بضعفها ما يحب الزوجه اللي ترادده في كل كلمه
صدقيني اذا غلط عليك راح يرجع يراضيك و يعتذر منك اذا تصرفتي صح
لإنه باين انه يحبك و حنون عليك وعلى بنتك