معليش انا لي راي غير البنات
انتي بكلامك هذا اللي قلتيه طلعتي الرجال هو الغلطان وان الحق معك بس ماسألتي نفسك انتي مريحته والا لا ؟ انتي بأي اسلوب تطلبين منه يطلعك ويوديك؟
حبيبتي ترى رجال كثير ممكن يسوون مثل زوجك واكثر وهذا مو شي يكون سبب انك تفكرين بطلاق وانفصال وغيره
زوجك يصلي ؟
زوجك مايشرب ؟
زوجك مايسافر لوحده؟
اسألي نفسك اسألة كثيرة في اخلاق زوجك قبل تفكرين بتصرفاته
وبالنسبة لأنك ماتطلعين من الشقة شهر ومعك الشقيقة وعندك ولدين ترى فيه حريم كثييييير مثلك بس انتي عطيتي الموضوع اكبر من حجمه وماحاولتي تهدأين وتفكرين شكل عيالك صغار وماعندك شي يشغل بالك شوي
وزوجك لو طلع مع اصدقاه للاستراحة بيطلع في الليل يغير جو من ضغوط العمل والبيت مش عشان هو فاضي
حبيبتي لا تزعلين من كلامي بس والله العظيم قصدي نصيحتك باللي فيه مصلحتك
بيتك اهم
زوجك اهم
اولادك اهم
حياتك اهم
وهو مد يده عليك عشانك عصبتي فيه ويمكن زعلتيه لحد ماقدر يطيق نفسه وهو مضغوط
وانا ماراح اقولك ليش علمتي ابوك والمفروض ماتعلمين لا والله
انا اشوف انه بما أنه مد يده فالأولى انك قلتي لأبوك لكن رايي انكم المفروض ماخليتوها توصل لكذا
ترى الرجال ان مد يده مره سهلت عليه كل مره
والحين بما أنك دخلتي ابوك بالموضوع خلااااص لا تتنازلين بسهولة واتركيها بينهم لا تتدخلين
لأنه شاف انك كبرتي الموضوع ولو استصغرتيه الحين ممكن يفقد احترامه لأهلك
بس لما ترجعين بيتك حاولي تهدأين وتنسينه اللي صار كله ولاعاد تعصبين فيه دامك عرفتي طبعه
لأنه واضح انه من الرجال اللي لما يعصبون مايعرفون يضبطون أنفسهم
الله يوفقك ويكتبلك اللي فيه الخير
حاولي مهما صار بينكم من أمور أن الشي يموت بينكم لا تشكين إلا لله واحتسبي ولا تخبرين أهلك بشي إلا في حالة انك قررتي تنفصلين او تتطلقين وادعي له دايما بالهداية ولعيالك بعد
وتذكري دايماً ان المشاكل اذا طلعت من بينكم للأهل وتصالحتوا بعد كذا تنسونها انتم وتظل في بالهم هم ماينسون :(
احفظي بيتك حبيبتي ترى الدنيا ما تسوى وانظري للحياة نظرة تفاؤل شوي
الله يسعدك ويسهل لك امورك يارب

صعب نحكم على القصه وحنا مااستمعنا الا لطرف واحد
الله يكون بعونك عزيزتي يمكن انت اخطات بطريقتك بالحياه معه
يمكن اهملتيه وماحاولتي تتقربين منه وتفهمينه وتحتوينه
وترى الخروج من البيت والطلعات مو غنيمه والطلعه بدون نفسيه حلوه ماتنفع
وبعض طلعاتي ماانبسط كثر مااجلس ببيتي او اجلس على النت او انشغل باعمال
بالمطبخ يعني السعاده مو بكثره الطلعات صدقيني

احس انك ماعالجتي الموضوع من البدايه يعني مامسكتي هالامر وهو اهماله
لك وجلستي تناقشينه بهدوء
والطفلين فكري فيهم والله يرزقك الحياه المستقره ويشفيك ويعافيك ويصلح
زوجك وابناءك

الله يكون بعونك اختي استخيري اكثر من مره

جعل يدين كل رجال يضرب أهل بيته أو أي حرمة الشلل والكسر
أعوذ بالله ماعاد فيه رحمة
ولاصرنا شعب مايتفاهم إلا باليدين والرجلين

والله ياقلبي إنك سويتي الصح ومهما يصير ومهما سويتي ماله حق يضربك الضرب هذا وبالعقـــــال !!!!!وأبوك الله يطول في عمره يارب ماقصر معاك
ولاتسكتين عشان عيالك بكرة يتمادى أكثر وعيالك وقتها يصير عددهم الضعف
والعيال كل ماكثر كل ما الأم ضعفت وشالت همهم والرجال ماعليه منهم
المهم ترجعين لبيتك معززة مكرمة ولايعيدهـــا ترى مو بالسهل على عيالك يشوفون أمهم تنضرب قدام عينهم إلين مايكبرو
والله ينصرك على من ظلمك..