انطفا الكهرب الساعة 12 بالليل وانا وشغالتي لحالنا شوفوا ايش قالت لي !!

السلام عليكم ورحمة الله وبركاته

عزيزاتي اليوم باحكي لكم حكاية صارت لي مع شغالتي الاندنوسية قبل شهرين

انا كنت حامل في بداية التاسع وزوجي كان مسافر واهل زوجي معانا في نفس العمارة

كنا جالسين انا وبنتي عمرها سنتين والشغالة نسولف في الصالة وكنت احس بالم في ضهري زي الطلق

وكنت خاايفة اولد وزوجي مو عندي

هي شافتني وانا اتألم وعرفت اني خايفة ما ابغى اولد

والله كنت تعبانه وقرفاااااااااااااانة من عمري وهموم الدنيا على راسي

وشوي الا ينطفي الكهرب :icon33::icon33:

على فكرة انا من النوع الخواااااااااااااااااف جدا جدا لو ايش يصير ما اقعدفي البيت لحالي

حتى لو في النور لازم احد كبر معايه بس هالمرة انجبرت اقعد مع تقيلة الطية شغالتي

وبعدين بنتي يا عمري عليها جلست تبكي وانا طفشانه والشغالة راااااااااايقة تسولف وتضحك ما شاء الله

المهم شوي خوات زوجي الصغار الله يجزاهم خير دقوا الباب واخذوا بنتي عندهم يلعبونها

بقيت لحالي مع الشغالة والبيت ظلام ما فيه غير نور الشمعه والالم والقرف والخوف يزيد علي

المهم الشغالة حست اني خايفة بعدين شوي قالت لي

مدام ترا عندنا في اندونيسيا شيطان ياكل الحرمة الحامل لما تكون في الشهر التاسع

انا سكت عرفت انها تبي تخوفني سويت نفسي ما اهتميت

وانا من جوا قلبي يقرقع من الخوف

بعدين شوي تطالع في وجهي وقالت مدام هذا الشيطان يعيش فوق الشجر

ولما يشوف حرمة حامل ينزل عليها ويمص دمها حتى تموت

انا اتخيلها هي تتحول شيطان وتفترسني وشوي اتخيل شيطان ينط علي من الشباك

انا ما تفاعلت مر ة معاها واحاولت ابين قدامها اني شجاعة وطنشت ما ابغاها تحس بخوفي

بعدين قامت تطالع في وجهي مرة ثانية وقالت مدام هذا الشيطان لونه اسوووووووووووووود وثيابه بيضااااااااا

وانيابه طويلة نازلة حتى رجوله يدخل انيابه في رقبة الحرمة ويمص دمها حتى تموت

انا هنا ما عاد قدرت اتحمل وقمت على طول قلتلها ادخلي جيبي عباتي

قالت وبكل براءة ولا كأنها سوت شي ليش مدام تبغي عباية فين بتروحي ؟

انا برضوا مكابرة ولا ابغاها تحس بخوفي قلتلها ابغى اطلع فوق هنا حر يمكن فوق الجو حلو

المهم راحت جابت عباتي وانا طيرااااااااااااااااااان عند اهل زوجي

والله يا بنات كنت ارتجف من الخوف

ولما حكيت اهل زوجي عليها قالوا اكيد كذابة بس تبغى تخوفك

المهم جلست معالبنات حتى الساعة 3 الفجر وبعدين نزلوا معايه الا نلقاها صاحية من الحر

بس ما قالت شي يمكن عشان البنات فيه

بعدين رحنا مجلس الرجال فيه شوي نور من الشارع فتحنا الشباك ودخل شوي هوا

عشان بنتي تنام وتعذبت معاها الله يصلحها ما صدقت انها نامت

لما نامت خوات زوجي طلعوا عشان ينامون وبقينا انا والشغالة لحالنا مرة ثانية

بس هالمرة على طول حطيت راسي وغمضت عيوني عشان تحسبني نايمة وفعلا حسبتني نايمة ولا قالت شي

يمكن تحسبني نايمة ويمكن مالها خلق تتكلم من الحر والطفش

المهم وانا امثل اني نااااااااااااااااااايمة نمت فعلا وما صحيت الا الساعة 8 الصباح على صوت المكيف يشتغل

تخيلوا الكهرب ما اشتغل الا في الصباح

وعلى الساعة 9 تقريبا رجع زوجي من السفر وحكيته على اللي صار جلس يضحك علي

والله انها كانت ليلة رعب مارح انساها