مهما صار مستحيل ادعي عليه

لو يجيه شي انا اللي باموت حسرة وندم

بسم الله عليه

ادعيله بالهدايه والصلاح

لان بالاخير انا المستفيده لو انصلح حاله اما لو دعيت عليه باموت بحسرتي ..

بقولكم موقف اختي كان اخوي ساكن عندها في منطقه ثانيه غير منطقة اهلي وزوجها سلبي يعني اي مشكله من اهله مايدافع عنها ابدا حتى لو مظلومه المهم اهل زوج اخي صاروا يحرضون اخوهم الثاني ويقولون شف فلان احسن منك يقصدون اخوي يدرس وناجح وغيره المهم زعل ولدهم الثاني وراح وكسر سيارة اخوي عند بابهم وطرد اخوي من بيت اختي وزوجها شبه راضي وطلع اخوي من بيتهم وزعل وراح ياعيني عليه طالب وماعنده اجار شقه المهم اختي صارت تدعي عليهم كلهم موقف قوي مره اخوها ينطرد من بيتها من دون سبب فقط غيره منه وبسبب ظلمهم لها وله قالت ابي اطلع من بيتكم رفض ابوزوجها جلست مغبونه معهم المهم بعدها باسبوع يزعل اخوهم هذا الي موصاحي ويكسر سياره زوج اختي كلها ويجي تعيين اختي في منطقه ثانيه وينصرها ربي عليهم الظلام وتطلع من بيتهموترى قصص اختي معهم خياليه ربي ينصرها عليهم دايما زوجها ماياخذبحقها ابدا

الله يحفظ زوجي والله اني احيانا ادعي عسى ربي مايستجيبها

ويسخرني له ..

مستحيييييل ادعي على زوجي مهما صار مهمى يكون هذا حبيبي وابو عيالي وشلون اتمنى له الشر مصيرنا نتراضى والحياه تمشي الله يخليه لي ولعياله..
وبعض الحريم تدعي على زوجها على اتفه سبب حتى لومارضى يوديها مشوار موضروري ياختي اذا ماتبينه عياله يبونه اهله يبونه ليتها تتعوذ من ابليس وتسكت..

مايطاوعني قلبي ادعي عليه حتى لو قهرني ....................................ياعيني على الرومنصية
بس مرت فترة في زواجنا كان لاقل سبب يرفع يدة وضرب وتجريح وكنا ذيك الفترةفي غربه وانا عمري كله ما حد ضربني وابوي الله يحفظه على عصبيته عمري ما شفته يضرب امي وما اقدر اصارح اهلي لو ابوي او اخواني يدرون اتوقع بيكسرون عظامه
ومن حر مافي قلبي قلت جعل يدك الكسر بس كلمة قلتها وماتمنيت انه يصيبه شي وقلتها من ورا قلبي بس من وجع الضرب
وسبحان الله تنكسر يده والله شلته في عيوني وقلبي الله يخليه لي