اخو زوجي مهايطي درجة اولى ومنافق لدرجة ما تتصورونها طبعا كان وقت ملكه وقاعد يظبط بغرفته علشان ما باقي شهر ويزف
ما بيني وبينه اي علاقه لي احترامي وله احترامه اتغطى عنه ولا اشوفه كثير
صارت لي مشكله مع اخته الصغيرة طبعا يارب لك الحمد قالت لي كلام قدام زوجي كلام عااادي
نزلت تحت عند امها واخوها وقالت كلام كبير واني كذابه واني قلت كذا وكذا طبعا كله كذب المشكله قدام اخوها الي هو زوجي وزوجي شوي ويشق ملابسه من القهر المهم راح وجاب المصحف وحلفت على المصحف كذب طبعا اخو زوجي المهايطي وامه يعرفون زوجي ما يكذب لكن قالو انت ما شفتها لكن صدقت زوجتك وزوجتك تكذب وقام يثبت رجولته قدام امه وخواته يعننه رجال وعلما زوجي اكبر منه
تخيلو الموقف ام زوجي انا ازود من بنتها واخوات زوجي كلهم يحبوني حب بس هذي البنت الله ابتلاها بالكذب والغيرة الحاصل جاء عندي فوق اخو زوجي وانجن يتكلم كلام بذيئ جدا وحاول يضربني بس اهله ما سكينه وزوجي ضربه وانا واقفه مذهوله لاني ما اعرف وش اللي جننه بالضبط غير كذا قامت ام زوجي قالت لا عد تجين عندنا ولا نبك تدخلين بيتنا قلت ابشري ما طلبتي شي ولا تكلمت بس انحرق قلبي من الظلم وقلت عساك ما تفرح وعسى مايتم عرسك وعساك ما تشوف ضناك والله من القهر وكل ما ابي ادعي عليه بالموت امسك نفسي اقول لا ياربي والله كنت ادعي من هول الصدمه وتاجل زواجه بسبب وفاة قريبه انا انصدمت ربي استجاب دعوتي وجلست استغفر وقلت الحمد لله ما دعيت عليه بالموت ويتأجل زواجه مرة ثانيه ويتأجل زواجه مرة ثالثه كل هالفترة وانا مقاطعتهم على طلبهم حتى العيد هم ما حسو بطعمه ليش لاني انا اعمل لهم اجواء واناشيد وهدايا ولا احد من سلفاتي يعمل شي لذلك فقدوني بقووووة وحاولو يرسلون سلفاتي يصلحن بيننا لكن رفضن معجبهن الوضع لانهم كلهم يحبوني ولقوها فرصه اني ابعد عن الاضواء واخذت سنه بس زوجي اجبرة كل جمعه يسلم على امه وكان يرفض ليقول جرحتني وهزت رجولتي لكن كان يروح هو وبناتي اما انا ما شافو وجهي بعدين حاولو يصلحون وجت اخته فوق وتترجاني ورجعت المياة لمجاريها وتم عرسه ولكن له ثلاث سنوات والله ما ارزقه باطفال لكن الظلم شين بغيت اموت من القهر والظلم تخيلو كل شي فجأة وبدون مقدمات وانا كنت بحالي لكن هي جتني ببيتي وكذبت كذبه قدام اخوها وسوت سالفه وبالخير كلهم وقفو معها اعوذ بالله علما امها تدري انها كذابه لكن ما تبي تشوه صورتها قدام اخوانها
طولت عليكم لكن فتحتي جرح اه اه الحين امورنا تمام بس كل ما تذكرته حزنت
يلزم عليك تسجيل الدخول أولًا لكتابة تعليق.
الظلم ظلمات يوم القيامة الحمد لله ان زوجك عارف وهذا اهم شي
النسيان صعب بالأخص اذا انظلمتي الله يكون بعونك
النسيان صعب بالأخص اذا انظلمتي الله يكون بعونك
فعلا يااختي دعوة المظلوم مستجابه ... وياليت تدعيلهم بالذريه الصالحه اذا مو عشانه عشان زوجته المسكينه مالها ذنب واكيد حلمها بطفل تفرح فيه ... وانتي الله يكفيك شرهم حاولي قد ماتقدرين ماتحتكين فيهم خليك رسميه احسن لك .. والله يألف مابين قلوب خلقه ..
حسبي الله ونعم الوكيل
يا كثر هالنوعيات من الي يكذبون قطيعه منهم مفرقين الجماعات انتي طيبه ولعبوا بحسبتك
واخو زوجك ماله حق ابد يتهجم عليك الي ما يستحي صدق معاد فيه رجال
ذولي ناس ما يستاهلون تتعبين عشانهم خليك رسميه معهم وزوريهم بين فتره وفتره وبس
وطنشيهم
واكثري من قول حسبي الله ونعم الوكيل على من ظلمني وعاداني
وربي يعينك عندنا وعندك خير
يا كثر هالنوعيات من الي يكذبون قطيعه منهم مفرقين الجماعات انتي طيبه ولعبوا بحسبتك
واخو زوجك ماله حق ابد يتهجم عليك الي ما يستحي صدق معاد فيه رجال
ذولي ناس ما يستاهلون تتعبين عشانهم خليك رسميه معهم وزوريهم بين فتره وفتره وبس
وطنشيهم
واكثري من قول حسبي الله ونعم الوكيل على من ظلمني وعاداني
وربي يعينك عندنا وعندك خير
الصفحة الأخيرة
اسالي شيخ وسامحيه من كل قلبك واستغفري
الله ييسر امرك