رفع

الله يعينك حبيبتي ما عليك الا الدعاء ربي يفرج عليك

دعواتكم

هلا أختي..

الرجل عنده المقدرة المادية.. يعني المدرسين رواتبهم زينة.. ومدرس والمدرسين برضه ساعات عملهم قليلة.. يعني عنده وقت فراغ كثير كيف متحمل يعيش لحاله بعيد عنكم؟

وانتي متزوجة لك كم سنة وكثر خيرك صبرتي.. ومثل ما الكل قالوا لك من حقك تطلبين هالشئ..

من ناحية أمه.. الكلام مع أمه ما منه فايدة.. لأن لو أمه فيها خير -وعذراً يعني - كان ما رضت ولدها يعيش ببلد ومرته ببلد ثاني.. ما تخاف عليه من الفتنة؟ ما تقلق عليه مين يراعيه ومين يقوم بحاجاته؟

هي بكبرها كيف تقدر تعيش بعيد عنه وهو ولدها الوحيد..


يعني مو موظف زي حقين أرامكو اللي يشتغلون بمناطق نائية ما ينفع يجيبون عوائلهم لها ويكرفون طول اليوم.. ذولا معهم عذرهم..

لكن مدرس؟؟ وش عذره؟


ولو أمه قالت له أنقل كان نقل.. ولو قالت له خذ مرتك عندك كان أخذك عنده..

خلي عنك كلام الحريم إلا قالت أنا ما لي دخل بحياتهم.. إلا لها دخل ونص..

بالذات الأم لها دور كبير..

أنتي طلبتي شئ من أبسط حقوقك.. وكونه مو راضي يصرف على عياله هذا لؤم منه.. العيال ما لهم دخل بالخلاف بينك وبينه..

بس انتي أصلاً كان ما كلمتيه تطلبين مصروف.. فيه نوع من الرجال إلا حس إنك تبين الشئ حرمك منه..

خلاص أهلك جو وأخذوك انتي وعيالك ما هم عاجزين عنك وعنهم.. وهو لازم كان يفهم هالشئ..

أهلك ما يقدرون على مصاريفهم حطيهم عند جدتهم خليها تصاليهم..

الحق معك وما طلبتي شئ عظيم عشان يصير عليه كل هالأكشن.. أصلاً المفروض هو من نفسه من أول سنة يا نقلكم عنده يا نقل هو عندكم.. وكون أمه ساكتة وما قالت خذني معاك هذي أنانية منها ودليل إنه ما همها ولدها ولا أشكل عليها..

تبين حل.. والله ما أدري.. دام شخصيته ضعيفة وأمه كذا فـ ما أظن فيه حل إلا رحمة من ربي تنزل عليك من فوق سبع سماوات..

اقري سورة البقرة كل يوم واسألي الله الفرج..

لا تتكلمين معه كثير وخليه واصبري.. واسمعي كلام أبوك وأخوانك.. وادعي الله يختار لك الخيرة المباركة ما تدرين وين الخيرة فيه..

لا توصلينها للمحاكم ولا تخلينه يحس إن هذا خيار.. رجعك على عز ومعزة خير.. طلقك برضه خير.. ما طلق وبتلتي جالسة عند أهلك مبسوطة وعلى الأقل قاعدة عند أمك.. والحشرة هي الحشرة على الأقل واحدة تنحشر ببيت أهلها اللي يحبونها ولا عند أم رجلها

واللي ما عنده فلوس ينقلك بيصير عنده فلوس ياخذ الثانية؟ وبياخذ الثانية يحطها عند أمه بعد؟

معليش كل هالكلام لا ينبئ بخير.. الرجال بايع.. لكن انتي فوضي أمرك إلى رب العباد وهو أبخص بعباده..

الله يفرجها عليك.. ويعزك عن خلقه وينصرك بجند من عنده