اللهم سخرلي زوجي وحنن قلبه علي

ثعلبه
أختي طمنينا هل غيرتي اسلوبك معاه؟؟
هل طنشتي سلوكه و كلامه الجارح؟؟
هل بادرتيه بكلام حلو و ابتسامه مشرقه؟
جربي تغيري للأحسن و استمري عليه
مو تقولين يوم يومين بعدين تتراجعين
لا و الف لا الوحده تصبر و ربي ما يخيبها
و بشرينا بالنتايج على طول و اول بأول

الله يسخره لك ويسخرك له وانت حامل وعادي انت تعانين من ضغوووط الوحم والحياة الجديدة وهو جاهل بحكم انها اول تجربه لكم :)

اختي نصيحة

حاولي تتجنبين الهواش مع ريلج خلال فترة حملج لان البيبي يحس و يفهم باجر ان شاء الله يوم بتربين و بيكبر ولدج بيطلع اثر الهواش فية و تكون حالته النفسية غير عن باقي اليهال

من تجربة شخصية

jenan1010 والله يا اختي حاولت اسكت عن كل شي وابادله السيئه بالحسنه وكل ما يحاول يذكر شي يسبب مشكله اتجنب واوقوله حاضر وامرك واخر مره اعيدها هو طبعا يطلع اي شي يسبب مشكله

مثلا امس كلمت امه اسلم عليها وتقولي انه متصل فيها يسلم عليها وتسالني اتصل فيج يسال عنج وانا اجذب واقولها هيه وفي خاطري مضايقه اقول مثل ما لامه حق يسال عنها انا بعد لي حق يسال عني بس هو كل ما اطرش له مسج يقولي مشغول ويا شباب بس الصبح اتصل فيني اكثر من مره وانا كنت راقده وما حسيت
واو ما صحيت الظهر بعد اتصل فيني بس مكالمته شبهه مشكله فيها قالي ليش نايمه لين هالوقت ليش تسوين في نفسج جي قلتله عادي ما عندي شي اسويه صحيت الصبح تريقيت وكلت دواي ورجعت نمت وتم يحاسبني على اي شي وليش تجلسين على النت وليش سهرانه وليش وليش قتله اذا انا اهمك وما تحب اسلي نفسي باي شي لا تقصر في حقي اسال عني كلمني يوم تكون فاضي قالي خير ان شالله وسكر عني وسكرت موبايله والله طفرت

شبيه الريح2006 آميين يارب ادري ولا فاهم انه الحرمه الحامل يصيبها غثيان وكسل وكله تحب تنام كل يوم حشره على نومي :(

umm_7amoody :(:( ادري والله الله يسخرلي زوجي ويحنن قلبه علي ويبعد المشاكل عناا