بنات ماجاوبتوني كيف اعرف انه نزل منى موويه؟

حبيبتي لبتونه
موية الجنين ماتقدرين تتحكمين فيها
وماتصير صافيه مثل المويه العاديه تصير متعكره شوي
انا اقصد ماتقدرين تتحكمين فيها يعني ماتقدرين
تمسكين نفسك مثل البول الله يكرمك

خلاص اجل .. مدامك سويتي اللي عليك ، اتكلي على الله أختي،
ومن توكل على الله فهو حسبه .. وحتى لو ولدتي قيصري وش المشكله؟
كثير يولودون والحمدلله مافيهم إلا العافيه.

أنتي بس انتبهي للمتابعة، وماراح يصير لك إلا اللي ربي كاتب لك.
وترى ضيقة الصدر تزيد من سوء نفسيتك وتأثر عليك.

والله يعينك ويوفقك ويسهّل أمرك ويسهل علينا ولايدنا وجميع المسلمات ياأرحم الراحمين.

صح هذا اللي حصلي من يومين الله يعزكم حسيت بظغط ورحت حمام وحسيت اني ابغي ابول بس ماقدرت اتحكم بنفسي والا اشووف ماي نزل شوي

أنا في بنتي الثانية الله يخليها حصل معاي جذي

والله انه شي ما أتمناه لحبيب!!

نزول الماي قبل الولادة مؤشر عالتعسر ! و الاخت اللي قالت ولادتها سهلة لازم كان معاها طلق قبل الماي عشان جذي ما طولت

أنا كنت نايمة و قمت الله يكرمكم الحمام و بس قمت من الفراش انفجرت الدنيا و سال الماي علي كله
طبعا على بالي اني تبولت أعزكم الله و الماي كان دافي و ما فيه ريحة البول
و عرفت ان الماي انفجر علي لما كل شوي ينزل ! لما سألت الدكتورة قالت هذا ماي البيبي يتجدد كل شوي و طبعا انتي الكيس انفتح فكل شوي ينزل عليكي

كانت الساعة 12 بالليل يوم عرفة و بكرة العيد وقلت لزوجي ودني الطبيب ! و هذي غلطة كبيرة كان لازم أنطر شوي

قعدت ما عندي طلق في المستشفى و ركبولي طلق صناعي والله لا يوريكم ! لو قاعدة بالبيت و شاربة قرفة والا متسبحة و ناطرة العوار يزيد كان أحسن

المهم ظليت بالطلق الصناعي 10 ساعات و الله اني ترجيتهم قيصري!

وولدت الساعة 10 الصبح يوم عيد الأضحى المبارك و بنتي الحين عمرها اربع سنوات :)

تجربة رهيبة بس سألت الدكتورة ممكن يصير جذي مرة ثانية قالت نعم اللي يصير لها ان الكيس ينفجر قبل بداية الطلق ممكن يتكرر معاها يعني النسبة أعلى عندها من الحريم اللي ماصار لهم جذي قبل

أوووووووف هذرت وايد :) بس فعلا انتي جيتي عالجرح