~~~ انفصااااااااال المشيمة ساعدوني ~~~

السلام عليكم حبوبات

مشكلتي الكبيره بدأات من شهر تقريبا كنت جالسه عند التلفزيون وفجأه وبدون مقدمات الا واحس بشي حاااار ينزل مني خفت اطالع الا وتقول صنبور فتحتيه من الدم اتمالك نفسي وامشي للحمام والله تقول ذبيحه كانت في البيت
رحت على طول الطواري وهناك سووا لي سونار قالوا الجنين تمام وفيه نبض لازم راحة ومثبتات نزيد لك الجرعه وتنويم وما عرفوا السبب
وجلست في المستشفى اكثر من عشر ايام طلعت بنص المده لمدة ليلة بس وزاد النزف ورجعت للمستشفى ثاني بس ما استفدت شي ابر وتحاميل وحبوب وكلها مثبته بدون فايده يخف يوم او يومين ويصير بني وبعدين يرجع مثل اول واغزر كمان كانه بس يتجمع

مابقيت مستشفى خاص كلهم او حكومي وحتى العسكري وكلهم قالوا مامعك الا الراحة والمثبتات وطبعا اجمعوا على انفصال مشيمه معد في جسمي مكان للابره حتى المغذي ما صار يمشي في يدي ينقوله مية مكان بدون فايدة
آخر مستشفى رحت له قالت لي المشيمه قاعده تتقطع وهي سبب القطع الكبيره الي تنزل منك

الحين لي شهر على ذالحال انا في آخر الشهر الثالث الحين وما في اي تحسن دم غزير جدا مع قطع قد الكف وبعدين يرجع بني يوم او يومين بعدين ترجع نفس الدم والقطع وتكررنفس الشي هاذا الحال من شهر كامل تعبت وانهد حيلي من النزيف وتدمرت نفسيتي وجهي صار شاحب وكني عجوز وعظامي تيبست من جلسة السرير بدون فايده
انا الحمد لله مؤمنه بقضاء الله وقدره وسبق اجهضت ثلاثه قبله بس مقد صار معي كذا والحمد لله على كل حال
حبيباتي من مرت بتجربتي وسمعت فيها لاني خلاص تعبت كيف تصرفت لاني احياننا اقول اترك المثبتات واخليه يثبت او ينزل بس اخاف اكون سبب في قتل نفس

دعوااااااتكم