اليوم بعد ما صليت الفجر ، وسويت الفطور، فطرنا وجهزت الأولاد للمدرسة، وراحوا في حفظ الله.بديت بغرف النوم ترتيب عل السريع ، نفضت مكتبة الكتب وأعدت ترتيبهاطلعت الملابس الزائدة للجمعية الخيرية.والكتب المدرسية حق السنة الماضية والدفاتر والأوراق الزائدة التي فيها ذكر الله ...جهزتها لزوجي ياخذها لصندوق الكتب في المسجدرتبت صالة المعيشة ، وصليت الضحى وقرأت قرآن ، مشيت على السير الكهربائي ، وغسلت حمام الاستعمال اليومي.والآن رايحة اسوي الغداء ، ثم أستحم

الله يقويكم جميعا .. وعلى اجر ان شاءالله
اناا حاليا رتبت جميغ الغرف بس باقي الكنس ومسح لارضيات
وياحلو الشغل اول باول .. وكل مكان تخلصينه قفليه .

مساء الورد الله يسعدكم على التجمع الرائع وكلنا محتاجين تشجيع مثل هذا وفيه شغلات كثيرا ماني راضيه عنها بعدل وضعي وباصحى بدري وانجز اشغالي وارجع لرياضتي واخبركم عن احوالي اول باول ومن جد قومت الصبحيه فيها بركه وتنجزين فيها شغلات ماتلحقين عليها باقي اليوم لكم حبي

انا كتبت لكم قبل امس
ولا تحركت
وشربت ريد بول وماش ماقمت و البيت كل ماله يزيد
انقرفت مررره
واخذت الجوال وقفلته وعطيت زوجي وقلت له لا تعطيني الا بكره الظهر الي هو اليوم


وبدون تخطيط
وبدون تفكير
وبدون عزيمه


بس طفشت وقمت تلقائي غسلت المغاسل كلها بالبيت منها حقت المطبخ بمواعينها وجلست
وطفشت وقمت غسلت الحمامات 3 و اخذت الزبايل كلها وعطيت بنتي ترميها
وحطيت اكياس جدد بالزبايل


بعدين رحت للطاولات حقت المطبخ و الفرن وغسلتهم
ونظفت الثلاجه و رتبتها و غسلت الارضيه و خلصت المطبخ وانا مو مصدقه اني خلصته بسرعه وماحسيت بتعب


رحت للغرف رتبتها و لميت الارض و كنستهم
غسلت الاسياب السراميك
غسلت كل الملابس و نشرتهم
و بخرت البيت وقعدت


ماتتخيلون كيف وقتي لي بدون جوال حسيت اني فاضيه
ودي ابكي على جوالي بس بنفس الوقت حسيت اني مرتاحه بدونه
قمت وقريت كتاب خلصت 92 صفحه وقبل مستحيل اسوي هالشغلات بيوم واحد


سويت قهوه و كيكه و قعدت مع زوجي و عيالي و نسولف حسيت من زمان عنهم ههههههههه
المهم ان ماجا الساعه 8 الليل الا وانا مخلصه البيت عشيتهم و
بعد مانامو عيالي الساعه 9 رحت رتبت ملابسهم كويت كل ملابس الطلعه من الفراغ و الفضاوه وعلقتهم
وملابس البيت كويتها وسفطتها بالدولاب
رتبت دولاب الصاله
نظفت المكنسه وكيسها ههههه
و خلصت ولسى فاضيه وطفشانه بس نفسيتي مرتاااااااااااااااحه
قمت وقطعت بصل و طماطم لغدا بكره وجهزت ملابس المدرسه


وحفيت شعر جسمي و تروشت و استشورت ونمت خخخخ
المهم اليوم من اجمل ايام حياتي


بصراحه جوالي فقدته مررره وحسيت انه نعمه انا اسات استخدامها
وقررت ان اكون مسؤوله اكثر و اتحكم بنفسي ومااجل شغلي واضيع وقتي بالقعده عالجوال


ادعووولي بس استمر واحافظ

آمين الله يثبتنا ان شاء الله كلنا صراحه الجوال والتلفزيون لهونا كثير.. مرات اقول لزوجي ابي شغاله تساعدني ومرات من اخلص شغل البيت يجلس البيت سبوع نظيف الا من ترتيب سطحي اقول ليش اجيب عله تقعد على قلبي مشاكلهم اكثر من فوائدهم...
المهم اليوم دور المطبخ قريت في هذا القسم كثير خطط وافكار راح امشي عليها..
وبتوفيق للجميع.