صباح الخير
ماشاء الله عليگم الى الامام
رجعت لبيتي يوم السبت بالليل حاولت انام وطار النوم
وقمت ونظفت سيب الحمام وحمام العايله والمغسله وغسلته بكلوركس وتايد ورحت لحمام الرجال ونظفته بديتول لانه من قبل مغسلته بفلاش وغسلة مغاسل الرجال وخلصت واتجهت لمجلس الرجال ومسحت الكنب وامسحت البلازما ة ومسحتها ورحت امسح غرفة النوم والمرايا وخلصت باقي اكنس البيت كله وانظف المطبخ لان بيجوني ضيوف بكره 😭😭😭 الله يعيني

ما شاء الله عليكم ،، الله يقويكم..اليوم الأحد....صحينا الفجر كالمعتاد،، صلينا وقلنا الأذكار ،،، فطور وتجهيز الأولاد للمدارس وأبوهم....... بعد ما راحوا سويت لي كوب كوفي وسندوتش ،،، فطرت ،،،، وتصفحت جوالي ،،،،، ،،، وبعدها قمت على حمام غرفة النوم نظفتو عميق ،، والسيب إلي برا الحمام فيه الغسالة والمجفف ،، زحفتهم ونظفت تحتهم بالصابون والكلور وجففت الأرضية ورجعت كل شي مكانه... ... رتبت غرفة المعيشة وغرفة الأطفال وغرفة النوم ،، كنست بالمكنسة الكهربائية ،، مشيت على جهاز السير نصف ساعة ،،، وبعدها اتحممت وصليت الضحى وقرأت كم صفحة من القرآن ،،،،،،، سويت للصغير وجبة ورجع نام ونمت معاه إلى الساعة 11 ونصف ،،، سويت الغدا........ جوا عيالي وأبوهم تغدينا ، ،،، غسلت المواعين ونظفت المطبخ ،،، وحممت ولدي الصغير ،،، ،،، بعد ما ارتاحوا الكبار شوي ،،، حلوا واجباتهم ،،،،، وقمنا نتجهز ونلبس ،،، أذن العصر ، وصلينا ورحنا لمركز التحفيظ ،،،، ،،،، رجعنا البيت على الساعة 6 المغرب ،،،،،،، لبسنا بجايمنا وصلينا المغرب ،،، وسويت عشاء خفايف ،،، تعشوا ،،، وجهزوا ملابسهم حق بكرة ،،، وصلوا العشاء وناموا ،،،، ونا الحين بقوم أصلي العشاء ،،، وأنظف المطبخ ،،، وأخلص كم شغلة ،،، وأنام على الساعة 9ونص أنا والصغيرون ،،، باذن الله..موفقين

صباحكم روقاااان 😙ورضا من رب العالمين مازبط معايا النوم بدري بس ماعليكم اهم شي انجزت تنظيفاتي بدات فيها بعد المغرب عندي توام بنوتات👭 ربي يحفظهم ليا عمرهم سنتين ونص اخذوا غفوه وزوجي عنده شغل برى مارح يرجع الا على 12 الليل وقمت حطيت زيت في شعري وحددت اطرافه بما اني ليا مده هاريته سراميك وشامبوهات ومازيته وقمت بدات بالسراميك مسحت قسمنا اما قسم الرجال نظيف ومقفل على طول ورحت غسلت المواعييين من قلب وغسلت المجلى بكلور ومسحت الفرن ونظفت الثلااااجه صارت تفتح النفس وخلصت المطبخ صار يبرق ورحت عالحمام وسويت فكرة وحده من الاخوات هنا الله يجزاها خير جبت علية كلور فاضيه وحطيت فيها مطهر وصابون وكلور ومويا وخليتها في الحمام مع مكنسه ونظفت الحمام وغسلت المغسله والسيب حق الحمام وحطيت مفارش بناتي في الغساله وخلصت ونشرتها وحطيت دفعة ملابس ثانيه ومسحت الطاولات والرفوف والركنيات وكنست كل البيت بالمكنسه الكهربائيه وماشيه على كلامكم اي شي في طريقي اشوفه مقربع او وسخان انظفه وارتبه نظفت تحت سرر بناتي وجمعت الملابس النظيفه في سله عشان اطبقها بكرا باذن الله وخلصت الملابس غسيل ونشرتها وخلصتتت والبيييت صار يلق وبناتي صحيوا صبعا من 8ونص واكلتهم ولبستهم ومشط شعراتهم الحلوين بما ان موعد جيت بابتهم قرب ورحت تروشت وصليت ولبست ومكيجت وسشورت وبخرت البيت وتبخرت انا وبناتي وجلست اريح على جوالي شويا عبال مايجي زوجي ونتعشى وانوم نوناتي واسهر انا والحب شويا 😉 وسلامتكم انا احيانا اهمل الترتيبات العميقه بس مو لدرجة يصير البيت مزبله لا يعني ارتب واغسل واكنس والبس واسوي جلسات كوفي وسويت حلوه الكركبه محد حاس فيها ومضايق منها غيري والله يقوينا على طاعته قبل كل شي وفرحااانه بانجازي اليوم وبكرا اعطيكم تطوراتي ❤

صباحكم خير وسعاده 🌸🌸
كيفكم ياحلوات ماشاء الله تبارك الله يعطيكم العافيه
غبت كم يوم الجمعه والسبت انشغلت خرجات وزيارات ومع الشغل فالبيت وامس مافضيت
ياهلا بكل الجدد معانا 😍ودي ارد على وحده وحده بس ماشاء الله كثير😂وانا مستعجله دخول سريع 😂😂😂😂😂😂
اشغالي اليوم رتبت غرفة النوم ومسحت الدواليب والتسريحه وذحين بغسل الحمام الله يكرمكم وبكوي ملابس الكتاكيت وياكرهي للكوي 😡المهم ماعلينا ووراي مشوار
البيت الحمد لله نظيف نظفته قبل النوم ولارجعت ان شاء الله عندي تطبيق ملابس غسلتها امس
اشوفكم على خير 🙋

يجعله فاتحه خير علينا انا معاكم في التجميع الله يقدرنا علي الانضباظ وماعندي غير ولد 3سنوات وكل شوي ارتب بعدو