Pasta @pasta
كبيرة محررات
انفــجار كـيس الجــنيــن
اخواتي حبيت اسألكم عن الكيس المحيط بالجنين .. متى ينفتح
او تنزل محتوياته ...
وهل في سبب معين لانفجار الكيس قبل حدوث اتقباضات الولاده ... او توسع الرحم ..
لان اغلب الي سمعته ان الكيس يتم فتحه اثناء الولاده وفي المراحل الاخيره حتى يسهل انزلاق الجنين ...
فهل يوجد سبب لانفتاح الكيس او تسرب محتوياته في الاشهر الثلاثه الاخيره وخاصه التاسع
لاني اعاني من انفجار كيس الجنين في بدايه الشهر التاسع يعني بس اعّدي اسبوعين
بعدها وفجأه وبدون اي مقدمات ينفجر الكيس واروح المستشفى وطبعا يكون 1 سم بس ويظرون يحجزوني ...
واتعب تعب غير طبيعي من كثر ما ولادتي متعسره ..لدرجه في حملي الاول جربت الطبيعي وبعد نفاذ المحاولات حولوني للقيصيريه ( من الساعه 11 مساء لين ماولدت الساعه 4 عصرا اليوم الثاني قيصيريه كل هذا بغرفه الولاده )
...وفي ولدي ...ااااه مابي اتذكر والله لدرجه ان الممرضه الانجليزيه تبكي بعد ولاتي قلت لها ليش تقولي من زمان اشتغل ميد وايف يعني ( قابله ) بس بحياتي ماشفت ولاده متعسره كذا ...وانا من الصدمه مب عارفه شاسوي بس كنت احمد لله ...
طبعا ولادتي الثانيه نفس الحاله انفجر الكيس الفجر ورحت المستشفى وطبعا منعوني اني اخرج لان يخافون الماي ينزل ويخلص ..وماولدت الا الساعه 12 في اللليل بعد طلق صناعي ..وطبعا تم شفط الراس وطلع البيبي بس ماطلعت كتوفه ..وشوفوا الحووسه الي صارت وكان موجود استشاري كبير بريطاني استدعوه وحاول ولاقدر ان البيبي يطلع لين ماجات قابله صينيه عجوز طلعت البيبي بس كان شبه ميت لانه جاه اختناق 8 دقايق يمكن
والكل مش مصدق وش صاار معاي في الغرفه حتى اذكر ان كل الممرضات الي في المستشفى موجودين في الغرفه :11:
وبعد ماحطوا للبيبي تنفس صناعي الحمد لله رجع له النبض والتنفس صار طبيعي
الحمد لله يارب على كل حال .... يحيي العظام وهي رميم ..
وكانوا خايفين يكون عنده تلف في المخ بسبب الاختناق لكن الحمد لله ما تأثر بس جاته اصابه في كتفه ( shoulder dystocia ) بس الحمد لله رب العالمين
:) من كم يوم مر على ولاته خمس سنوات بالضبط ...والحمد لله مافيه الا العافيه ... ويده تحسنت لان من اول اسبوع بدينا معاه علاج طبيعي ...
طبعا هذي ولادتي الثانيه ... وماذكرت لكم ولادتي الاولى القيصريه ... لانها سالفه ثانيه
وطويله ومتعبه ...:44:
طبعا بتقولون هذي وش تبي الحين جات تقولنا سالفتها ...
<<<<< قالت قصه حياتها :01:
السالفه ياخواتي ان بعد ولاتي بطفلي الثاني الدكتور كتب لي تقرير اني صعب اولد مره ثانيه طبيعي ..لان ولادتين كانوا متعسرات .. بدون معرفه الاسباب ...
ولادتي الاولى في بلادي والثانيه في لندن ...بحكم دراسه زوجي ذاك الوقت ...
واذكر قبل الولاده الدكتور قالي حوضك يتسع لبيبي وزنه 4 كيلو بس هم مش عارفين ليش ما ينزل البيبي ..يعني يتوسع الرحم عندي في الولادتين ل 9 و10 سم بس ما يطلع البيبي
يظهر راسه بس او الاصح يبين شعره وتقولي الممرضه اضغطي عشان يطلع ..
والله اني اموت وانا ادفع ومافي اي فايده ... والله مو دلع بالعكس انا صبوره
والزيده الحين .. انا حامل ..وطبعا عندي خوف لاني بولد في بلادي وقلت للطبيبه عن التقرير عشان تقراه بس شكلها طنشت لي قالت لي يصير خير لنهايه الحمل ...
وانا ميته خوووووووووووووف :06::06::06: مستحيل اجرب اولد طبيعي
خاصه اني جربت مرتين وشفت العذاب :( :( :(
وخايفه يصيد شي الجنين ... لان في الطفله الاولى قيصريه وكانت نازله في الحوض
يعني عميله مستعجله وزين ان بنتي ما راحت فيها ...
وطبعا طفلي الثاني كان بيروح فيها بس الله سلمه ورحمه ...
فــّريحوني يابنات .... مادري وش سبب تعسر ولاداتي هل هو انفجار الكيس قبل الولاده بيوم ؟ وشنو اقدر اسوي عشان اقنع طبيبتي ...
22
36K
يلزم عليك تسجيل الدخول أولًا لكتابة تعليق.
Pasta
•
اشكرك اختي mishmish على الاهتمام والقراءه ...
ومثل ما قلتي لكل ولاده حاله تختلف عن الثانيه .. بس مابي اخاطر مره ثانيه
لان ولادتي صعبه جدا :( والله العالم بها وبحالتي في ذيج اللحظــه
Pasta
•
home2004 اختي هذا الي انا ناويه عليه والله يستر
مابي احااااااااول بالطبيعي :(
اخاف يصيد البيبي شي ... لان بعد الولادتين الدكتور قالي زين ان الطفل ماراح فيها :(
الصفحة الأخيرة
انا فى ولادتى الاولى ولدت طبيعى ومات البيبى ولا احد يعرف السبب او بمعنى اصح ان السبب اللى عندى لا يؤدى لموت البيبى لان كان ضغطى عالى ولكن ليس عالى جدا وجانى طلق وولدت طبيعى ..ومات ابنى ...فى حملى الثانى اصريت على القيصرى برغم ان طبيبى كان بيقول سنحاول طبيعى لان البيبى نازل فى الحوض والحوض واسع ولكن سنعطيك طلق صناعى ولكنى رفضت خوفا على حياة طفلى
ولااعتقد ان نزول الماء هو سبب تعسر ولادتك لان اعرف ناس كثير نزل ماء البيبى وولدوا بسهولة
ربنا يقومك بالسلامة:26: :26: :26: