انفلونزا الخنازير غزت بيتي !!!

السلام عليكم ورحمة الله وبركاته

...


دائما زي اي ام كنت ميته رعب وخايفه جدا من المرض ..

انفلونزا الخنازير من علامات الساعه الكبرى

انفلونزا الخنازير ونهاية العالم

انفلونزا الخنازير والوفيات الضخمه بسببه والنسبه تزيد يوم عن يوم ..

مصل انفلونزا الخنازير اخطر من المرض ...


كان كل همي اول ماافتح النت ادور على اخبار الناس واقرا عن العلاجات والتلقيح وووو ...

مارحت العيد عند اهلي بالمدينه عشان المعتمرين والزحمه .. خفت يجي شي لاطفالي ..

مااوديهم اماكن عامه ..

الملاهي من زمان عنها ..

المطاعم من زمان عنها ..

مااحب ان تجي وحده وتقول حرصتي زياده .. لاني فعلا حرصت زياده وخفت على اولادي جداااا ..

والله اني كنت خايفه امرض هالمرض مو عشان صحتي بقدر ماخفت اني انقل لهم المرض ..

وبدت الدراسه ..

ناس تنصح غيبيهم العمر مش بعزئه

وناس تقول لااااا .. حرام تروح سنه عليهم واطفالك ماعندهم امراض مزمنه ..

انا كنت حابه انهم يداومو ..

ماحبيت يغيبو مع كثر زنهم طفشنا .. ملينا .. نبغا مدرسه

زوجي قعد معايا وانا دموعي تنزل زي المطر ..

ودي يروحو بس محتاره وخايفه عليهم .. قاللي << بحكم انه طبيب ..

المرض خطير بس للي عندهم امراض مزمنه .. ربو .. المناعه الخفيفه ..

بس انتي عيالك ماشاءالله لاقوة الا بالله مناعتهم حلوة ومافيهم الا العافيه .. واحنا نحصنهم ونتوكل على الله

غيابهم عن المدرسه مو حل ..

استخرت الله وارتحت اني اوديهم المدرسه ..

مر اول اسبوع بسلام

اول مايصحو البسهم وعلى الريق اعطيهم ملعقه عسل اصلي مع 7 حبات بركه

واحط ايدي على راسهم واحصنهم واستودعهم الله ..

ومر الاسبوع الثاني بسلام الى يوم الثلاثاء ..

ومن هنا بدت القصه

انقل اخبار الغزو من قلب الحدث ...

من منزل شابورة .....


جو من المدرسه والقا الكبير ( صف ثالث ابتدائي ) يرجف ويبكي ..

مسكته الا جسمه زي النار .. ويقول حلقي يعوووورني وجسمي كنه في ساكين تغزز فيه ..

كلمت ابوه .. وقال جيبيه على الطواريئ انا بالمستشفى بقابلكم هناك ..

واروشه واخذه جري على المستشفى .. كشف عليه استشاري طوارئ اطفال

وقال عنده اشتباه انه مخنزر .. اقصد بانفلونزا الخنازير .. انا مت رعب ..

قعد الدكتور يطمني وارتحت لكلامه واعطاه تامفلو وقال يكثر من السوائل

بديت معه العلاج والعسل والعصيرات وطلباته اوامر وصار الكل يدلـله وابوه جاب له شريحة جوال .. << اشترى جوال من فلوس العيديه بنفسه

وكنا قايليلن له احفظ جدول الضرب كله زي اسمك نجيب الشريحه ..

بس زوجي جابها له لما مرض ..

مره فرح على الشريحه وطبعا انا قمت بالواجب وارسلت رقمه لاخواني واخواتي وامي ..

الكل كلمه على جواله يتطمن عليه وهو ماتشوفيه من الفرحه ..

يوم الاربعاء كان يوم شديد عليه .. الحراره ارتفعت جدا وماتنزل ..

لدرجة يوم الخميس كان طول اليوم عيونه حمرا زي الدم من قوة الحراره ..

والحمدلله الجمعه ماكان فيه اي شي واتعافى ..

طبعا انا كلمت المرشد الطلابي يوم الاربعاء وقلت له على السالفه وقال سلامته وانه يحتاج تقرير طبي يقول انه اتعافى من المرض ..

والمستشفى تقول لازم اسبوع يغيب حتى لو اتعافى

وانا غيبت ولدي بالتمهيدي زيادة حرص خفت انه يلقط الفايروس ويعدي الصغار ..

وبدينا من السبت نذاكر بالبيت لاني اكلم المدرسه يوميا اخذ الواجبات حقته ..

..

بالنسبه يوم الخميس بدا زوجي جسمه طايح وحراره وصداع وكحه والم في الحلق

الجمعه ماقدر يروح الصلاه من شده الحراره .. وصار ياخذ ابر فولتارين تخفف الالم عنه شوي ..

والمستشفى عطوه اجازه اسبوع

والسبت بدت بنتي 3 سنوات .. حراره وتعب ..

واليوم الحمدلله الكل متعافى مافيه شي ..

بس انا وولدي ابو 5 سنوات وولدي ابو 4 اشهر والشغاله والسواق ماجانا شي .. والله المستعان ..


واليوم طلعت نتيجة تحليل ولدي .. وطلعت النتيجه ايجابيه وكان مخنزر سوري اقصد انفلونزا الخنازير

والحمدلله على كل حال .. عدت الايام علينا عصيبه ولكن ارتحنا نوعا ما ..

زوجي قاللي تصدقي اني فرحان ان النتيجه ايجابيه ؟؟

لان المرض اعطانا مناعه وبنقدر الحين نروح ونجي بدون خوووووووووف ...

ملاهي .. مطاعم .. اسواق ....

صراحه يابنات انا من كثر مااقرا البلاوي قلت اكيد بيصير شي لنا ..

الموضوع ابسط من كذا كثيييير ...

هي انفلونزا عاديه لكن على اقوى شوي ..

وهذه نصيحه من تجربه ..

اللي اولادها مناعتهم جيده ومافيهم امراض مزمنه لاتقلللللللللق ان شاءالله ربي الحامي والحافظ

والتوكل مهم

والتحصين مهم

والعسل مهم

والله يكون في العون

وهذه تجربتي مع الخنزره :) ...



:26: