والله ما ادري صراحه
لكن بقولك عن تجربتي في مدرسه عالميه طبعا ماكنت مدرسه ولااداريه شغلها اقللل من هذي بكثير وعلى قولتهم الشغل موعيب
اللي اكتشفته انه يدخلون عمال يالتصليح حمام الله يكرمك يالتصليح ثلاجه المهم يصلحون او ينقلون شغله يدخلونهم وكانه مافيه احد يعني بالعربي مادري كيف اقولك
ثاني شي لما يسوون يوم مفتوح يدخلون ماكدونالدز وهالمطاعم والمهرجين على هالمسرح
وثالث شي المعلمات من كل الجنسيات العربيه ووالله العظيم ماشفت وحده قلبها على الثانيه كل وحده تجامل مادري كيف غير مريح وكل وحده لو يصير سرررقه شكت بالثانيه والمشكله تشوفينهم صديقات وجالسات مع بعضهم بس مجامله
طبعا كان فيه حركات من تحت لتحت لان الوحده سعوديه وماكانوا يبون سعوديات يبون يجيبون ربعهم بس المديره متسعوده ومجبوره تجيب سعوديات امر من الوزاره
طبعا انا تركتهم لاسباب خاصه فيني شفتها فيهم احتفظ فيها لنفسي
تبين نصيحتي روحي مكااان فيه ربعك منك وفيك من نفس جنسيتك مووالله اننا كاملين ماشالله علينا او ماعندنا ناس حقوده وحسوده لا موالمسالة كذا لكن ماراح تفهمين قصدي الين تجربين انا كانوا يقولولي هالكلام قلت بلا مبالغه لكن الواحد مايسمع الكلام الين يجررررب المدارس العالمية تلقين المديره متسعوده او متزوجة سعودي ولالها خلق لا للسعوديه ولا للاجنبيه لها خلق فقط تشوف شكاوي الطالبات تخاف يطلعون من المدرسه وينقص القسط عليها وهالشي مجررربته الله لايوريك لعانه ومن تحت لتحت
بالنسبة للاجتماع ماادري انا ماكنت معلمه ولاادري اذا احد دخل اولا لكن كل اللي شفتهم حريم وقليييييل ترى اكثرهم يسحبون على الاجتمااااااع لان اكثر اللي في المدرسه بنات وعيال المعلمه الاداريه المديره واقاربهم وهكذا
وبتحصلين ناس مفكرينك تشتغلين عند اللي جابوهم وامور مصدومه منها
الحمدلله اني تركتهم والله يسترعلى الجميع ويهدينا ويهديهم ويسامح الكل
ومبررروك الوظيفه مقدماااا وعقبالنا
الصفحة الأخيرة
لأن شخص يقرب لي كان شريك في احدى المدارس
المسألة مو بس اجتماع ممكن يدخل رجل بأي لحظة عندكم عشان يسأل عن طفله
في غير يوم الاجتماع
وممكن وانت تمشين بالمدرسة تتفاجئين برجال داخل يعني تكوني على اعصابك
طول الوقت وقريبتي توظفت في مدرسة عالمية والله انها تقول يدخلون المعلمين فجأة
من قسم الرجال على قسم النساء وانا اصرخ وامنعهم وهي وظيفتها كانت لمنع الاختلاط
ومراقبة هالشيء وطرحتها على راسها طوال الوقت ...
والاخت الي تقول المرأة السعودية للحين تخاف ؟؟؟
المسألة مو مسألة خوف من بشر يابنات ,, الواحدة تخاف من ربي قبل كل شيء
وان شاء الله ربي ييسر لك وظيفة ارقى من كذا خصوصا انك لغة بإذن الله بتلقين