حبيبتي احنا مابيدنا شي كل شي بيدك خليك شووووي قويه ولا تصيرين حساسه بزياده تخيلي حطي نفسك مكان زوجك بيقعد لك علي الوحده واقل كلمه تقوليها يقلبها عليك ويتخانق معاك اكيد بتكون الحياه جحيم والحياه تنازل مو كل كلمه يقولها الرجال تتحسسين منها كذا الحياه مابتمشي وزوجك بيهرب بيحس انه مقيد معاك ومايقدر يتكلم ويسولف ومع الوقت بتصير حياتكم بارده ماغير انتي تبكين علي حظك وهو يتهرب من جلستك وسوالفك وجلسه البيت ليييييييييييييييه كل هذا عشان شي سخيف وبيدك وتقدري تغيريه خليك قويه واستعيدي حياتك بنفسك

السلام عليكم ورحمة الله
حبيبتي ام اشواق :
السنة الاولى سنة تمهيديه ..تحتاجين ان تفهمي طريقة زوجك في الحياة ..كذلك هو في حاجة لفهم طريقتك الخاصه.. الامر لايحتمل ان يتقوقع الشخص على نفسه وان يبالغ في حمايتها من الاخر ..
تحتاجين لمساحة للتعبير عن نفسك ماتحبين هواياتك ..جميع اهتماماتك ..عبري عنها بشغف وحب وتفائل ..حتى لو كانت اشياء بسيطه ..كذلك اسمحي له ان يتفرد بوقت تكونين فيه مستمعه دون ان تقاطعيه كوني صبوره وستتعلمين كيف تتقنين ذلك..مع الوقت.
افخري بنفسك وقدراتك امام نفسك اولا ..تعلمي طبخة جديده ..اصنعي اجوائك الخاصه..مشيه خاصة ضحكة خاصه ..تذكره بك..اطبعي في مخيلته انك متفرده ..
اظهري حبك له..اندفعي بحرية مطلقه في ذلك ..وسأترك لخيالك رسم هذا الطريق 😊
ابتعدي عن ذكر اي موقف سيء جعلكم تختلفون..لاتتذكري خلافاتكم مطلقا خصوصا بعد ان تظهري رضاك ...الرجال يعدونه حقد ..وهي صفه لاتليق بأنثى رقيقه مثلك⚘
جامليه ..اذكري محاسنه في اوقات لايتخيلها ..باغتيه بصفة تحبينها به (لاتكذبي) او (لاتبالغي فقط 😎 هم ليسوا اطفال يستطيعون التمييز ..ولكن انتبهي لايعقب مديحك اي طلب نهائياً ..سوا مادي او معنوي
اظهري بشاشة ولطافه ..لن ابالغ لاقول كل يوم من الصعب على ايا يكن فعل ذلك ..حاولي بقدر مايمكن
اصنعي لنفسك وقت خاص بعيييييد عن وجوده ..لا تجعليه يعود ليجدك حزينه او مكتئبه..دللي نفسك بقهوه وشمعه وكتاب ❤
ارجوا من الله ان يكتب لك كل مافيه خير لدينك ودنياك واياي وجميع المسلمين (دعواتك لي بالذريه الصالحه ❤⚘

البارح كلمني وهو برى البيت قاللي خلاص انا باحجز وأسافر بروحي وانتِ برجع لك فلوسك
قلت له بكل برود اوك اللي تشوفه
ثاني شي صار له فترة يطلع من البيت من العصر الى الليل وانا في البيت بروحي
ماعاتبته ولا هاوشته وماحبيت افتح مشكلة تركته بكيفه قايمة بكل واجباته وحقوقه ويرجع انا مبتسمه وآخر شياكة الحمدلله والبيت نظيف وريحته بخور ومسوية نفسي انه عادي
الحمدلله استفدت من بعض الردود وقرأت في النت وطبقتها اليوم لاحظت اني وقت توبيخه لي الحمدلله ماتأثرت زي كل مرة ومادمعت عيوني كنت أردد بداخلي انا قويه انا ما ازعل وكنت طبيعيه وماتحسست زي كل مرة يارب لك الحمد والشكر
عندي سؤال لو غير رأيه وقال بنسافر مع بعض ان شاء الله وش ارد عليه؟؟؟؟
لانه تقريبا مع كل مشكله يهاوش ويقولي ماتسافري معي
أرجوكم تفاعلوا معي
وكيف أخليه يرجع لوضعه الطبيعي ويتعامل معي مثل السابق يسولف ويمزح
ومايطلع من البيت فترة طويلة؟؟؟؟؟
أرجوكم ارفعوا الموضوع

رفع

تبين تكسبين حبه وماتبينه يطلع من البيت خليك ايجابيه والعبوس واللتكشير انسيه خليك دايما مبتسمه وهلي ورحبي فيه اذادخل البيت وحاولي تكوني فرفوشه يعني خليك وسيعة صدر من سوالف وضحك ومزح قولي له مواقف مضحكه مرت لك او لاي احد شوفي النستقرام ابحثي فيه عن قصص ومواقف مضحكه وقوليها له وريه مقاطع توسع الصدر به هبال وضحك اخلقي جو من الوناسه العبي معه ايه لعبه حتى لو ماتقبل منك بالمره الاولى راح يتعود ويتقبل منك بالايام الجايه وهذا الي قلته كله يبي له صبر موبيوم ليله راح تنحل المساله لا طولي بالك وخليك قويه وصبوره وايجابيه العبوس والنكد والصياح راح يكرهه فيك ويمل منك بسرعه