انقذوا ماتبقى من حياتي....تكفوووووووووون

الله يعينك ويفرج همك .
انت الحين في وضع صعب بالمره وانتي الي بقرر مو احنا اذا كنتي تبين تستمرين مع زوجك ولا لا.
هوني على نفسك ولازم تصبرين على ام زوجك ولاتردين عليها ولا تتمشكلين معاها ابد لان وضعك الحالي بينك وبين زوجك طلقه اخيره فاذا تبينه عليك انك تعاملين ام زوجك بالحسنى والصمت ومهما قالت عليك وسوت لك ابتسمي ولاتردين وتذكري في قراره نفسك ان الله يمهل ولايهمل وان الله بعوضك على صبرك اذا انتي مظلومه .
بالنسبه لزوجك حاولي انك ماتشتكين من اهله في هالفتره وحاولي اضفاء جو من الفرح بينك وبينه وشيلي عنك الحزن والدموع واكشخي له وقصي شعرك اذا ماقصيته من 3 -4 شهور خليك حلوه ومرحه ومتفائله . واذا زوجك ميسور عادي تدللي عليه وقولي له ودي اننا نتفرغ لبعض ونفرفش عن بعض ايش رايك تحجز لنا غرفه بفندق حلو .
وروحي ونفسي عن نفسك .
بعدين نصيحه مهما حبيتي زوجك وحباك لاتتلصقين فيه يعني اهلك لازم تزورينهم وترفهين عن نفسك عندهم والله يفرج همك ويجملك في عيون زوجك واهله ويبعد عنك كيدهم.

أليس بأستطاعتك تجاوز خلافاته ..وبدون أن يتدخل زوجك ..

أليس بأستطاعتك التقرب منهم ..ومحاولة قدر الامكان أستمالتهم اليك بدلا من هذا الجفاء

ليس بأستطاعتك العيش مع زوجك بسعاده وان لاتجعلي مشاكل أهله تدخل في حياتك ..

أختي الحبيبه
من المزعج ان تصل الامور الى هذا الحد
أنا لن أقول أن السبب هم أهله فقط .. فاني أعرف زوجة تعيش مع ام زوج تضربها والله
واستطاعت بفضل الله ثم بفضل هدؤها وصبرها وتحملها بعد عشرات السنين
الفوز بقلب تلك المراه المسنه ..فهذه العجوز لاتريد الا زوجة أبنها هذه الان لتقوم على رعايتها ..
الزوجة تلك صبرت ولم تحاول أن تدخل زوجها في مشاكلها مع ام زوجها
لأنها تعرف مدى تعلقه بامه ..وفي نفس الوقت ليس باستطاعتها فعل شئ

والله ان هذه القصه حقيقيه يا أختي يتيمه وبس
وأعرف هذه الزوجة جيدا واسأل الله أن يعوضها خيرا

حاولي أن تحلي الامر بشكل عقلاني بعيدا عن العواطف ..فقد لاتفيد أحيانا
حاولي التفريق بين علاقتك بزوجك وبين مشاكلك مع أهله


أياك أن تبني في نفسك جذورا من الالام بسبب شك ووهم وساوس لامبرر لها

من خلال قولك هذا
.اني عندما سالته عن حقيقه عزمه على الزواج انكر وقال انا لااعلم شيئا عن هذا الموضوع
والخوف يزداد بداخلي يوما بعد يوم................

أختي حاولي تعيشين حياتك بنوع من المرح ..اسعدي زوجك وتجاهلي المشاكل ..لاتحاولين تفتحين أي باب يعكر عليك سعادتك مع زوجك
لاتجعلي زوجك يمل الحياه فهنا وهناك شكاوي ...وبيت لايجد فيه أي راحة نفسيه ...

قفي عند هذا الحد أختي يتيمه ..لاتستسلمي بل
غيري النهج الذي تعيشين الان ...حاولي كسب رضا زوجك بكل الطرق الممكنه
دعي عنك القيل والقال ..وتجاوزي بل تجاهلي الاساءه وادفعيه بالحسنه
وان امكن حولي مرتبة هؤلاء الاهل الى مرتبة العامه (كيف تعاملين العامه ..عامليهم برسميات ..أذا ثبت فعلا أذيتهم ..))

عليك بالاجتهاد بالدعاء ..نعم الدعاء أختي يتيمه ..اكثري منه لنفسك ولزوجك وأهله ..

اسال الله أن يفرج همك ويبلغك سعادة الدنيا والاخرة

الله يجزاكم الف خير ياربي على الرد
وانا والله قاعده احاول اغير قد مااقدر لدرجه اني لما اختلف معاه اروح بعيد عنه لحد مايهدى واجي واعتذر منه حتى لو كان هو المخطي
اما اهله فوالله صعب التفاهم معاااااااااااااااااهم
اذا زعل احد منهم زعلوووووووووووووووا كلللللللللللللللهم
واذا رضى واحد رضوا كلللللهم
ياما رحت لهم وتسامحت معاهم وكنت السباقه الى الخير
بس مافيه فايده ابد
والله تعبانه
تعبانه
ماتتخيلون النار اللي انا فيها
الله يفرج همي يارب وينهي هالموضوع على خير
ويجزاكم خير يارب ويرحم والديكم على هالردود

ياختي البنات ماشاء الله عليهم كفو ووفو ,,بس احبيت اقولك وبدون زعل انك انت كمان تساعدي على زيادة المشاكل ,,قلت لااااااااااااااااااا تزعلين مني فانا ماحاجاملك ,,انت قلتي انها طردتك ما قلتي ايش صار بينك وبينها ,,قد تكونين رديتي عليها رد زعلها بدون ما تحسين ,,قلتي انه رضي يسكنك في بيت لوحدك ,,والله انه بن حلال وما يبغى المشاكل ويهمه راحتك ,,,قلتي انها زارتكم يعني اهه جاتك لحدك كان بامكانك تستقبليها احسن استقبال مووووووووووووو عشانها الا عشان زوجك اللي عزك ,,لكن ايش كان ردك مارضيتي تسلمي عليها ايش تتوقعي يكون رد زوجك وامه اللي وصاه عليها الله ورسوله تهان في بيته ,,والمسكين مامد يده عليك على طول لااااااااااااااااااااااا ,,الا خييرك معناه انه باقي عليك لكن انتي اللي عندتي والا ما كان حصل الطلاق,,انا مو متحامله عليك لكن اقلك خافي الله في زوجك اللي ما قدر على فراقك ورجع ردك مرة ثانيه ,,احترمي امه لوانها ماتستاهل, قدريها عامليها بالحسنه وارجع اقول مو عشاااااااااااااااااااااااااااااانها الا عشان زوجك اللي الى الان مقدرك ...بس اذا استمريتي ترا محد خسران الا انت ,,,اختي والله العظيم انا انصحك وكاني انصح اختي اللي يهمني سعادتها فاجلسي مع نفسك و راجعيها ,مافي شي في الدنيا يستحق العناد ..وصدقيني لااااااااا تخيريه بينك وبين امه لان امه رضاها يدخله الجنه اما انت فلااااااااااااااااااااااااااااا ...واخيرا اقلك ادهني السير يسييييييييييييييييييييييييييييييير

تبين نصيحتي مهما تعمل خالتك ام زوجك استحمليها وطنشي ولا تشتكين لزوجك
ترى ما محبة الا بعد عداوة و رح يجي اليوم اللي تعرف معدنك الاصيل وتندم