انقذونى لا ليلى ليل ولا نهارى نهار !

صباح الخير ياخواتى العزيزات والله كل ماضاقت فيا طبيت على عالم حواء الله يسعدكم ماتقصرو معايا دائما من دعواتكم ونصايحكم واتمنى الكل يشورنى وهل الى احس فيه طبيعى الله يسعدكم من شهر رمضان وانا حالتى حاله فى الصباح لاجيت انام اضايق من غرفه نومى واحس انو راح اموت واتخيل نفسي مت واتكفنت وحطونى فى القبر وماغير افكر بالاخره والقبر والموت وخلقى يضيق وابكى كرهت كل شي مانى حاسه بطعم السعاده ولا صرت استمتع بيومى حتى سافرت لاهلى ماحسيت برمضان والعيد واعانى من التنمل وصداع وخوف وبروده فى الجسم والله كل ماناظرت بنتى بكيت واتخيل مت من يراعيها ويهتم فيها ويقوم فيها وزاد معايا بعد وفاه زميلتى واهلها فى حادث سياره صرت ليل ونهار ادعيلها وادعى لاهلها واتخيل انى مت واتحاسب وابكى صح افكر بالموت دائم بس زاد معايا ومن يوم مابدات الدراسه وبنتى ترووح الروضه وزوجى فى العمل صرت اخص والعن اشغل قران صوت عالى واشغل نفسي بالتسبيح والاستغفار والاذكار والادعيه بس والله احس بضيقه الخلق اكثر واقول يترى هو الى يموت يجيه ويحس ومجرد ماسمع احد اتوفى صرت اخذ واعطى بينى وبين نفسي واقول لازم ادعى للموتى لانى راح اموت من يدعيلى والله دحين اكتب وانا ابكى نوم مانمت من امس مواصله قبل مانام ادعى الاذكار وادعيه النوم وكل شويه اصحى واقول انا عايشه واضم بنتى حتى نوم مااتهنى بعد ماصحى احمد لله المصيبه انا متغربه ماعرف احد فى مكه يقولولى اختلطى مع الناس الى فيكى وسواس زميلتى تعبت معايا الله يسعدها وقفه معايا اقولها لا انا راح اموت اجلى قريب يناس والله تعبت ابغا استمتع بيومى زوجى مو حاس فيا قولولى هل الى احسه طبيعى اكتئاب او هدا احساس بقرب منيتى واجلى شورونى وادعولى الله يشفينى ويخليلى بنتى ويطول فى عمرى واربي بنتى الله يرضي عليكم اوقفو معايا وشورونى