انتي بنعمه عظيمه كثير يتمنوها لكن انتي جاحدتها
واللي يجحد النعمه تزول من عنده

زوجك عاقل وراكد ورزين وانتي تبينه مثلك عصبي وحمقي وكل يوم والثاني رافع صوته عليك على مشكلة والا من غير مشكله وزعلان عليك ولا يعتذر وانتي اللي تعتذرين وهو الغلطان !!

احمدي ربك وقبلي راس زوجك والله انه عملة نادرة في هالزمن اللي صار فيه كل عصبي ويدور المشاكل
ولا تحطين مشكله من لا شيء

ادري انك متضايقه لانه ما يتناقش معك بس هذا مو لانه جبان
هذا لان عقله كبير ويشوف نفسه اكبر من هالتفاهات

فالحل انك تتقبلينه كما هو وتحمدين الله عليه وتشوفين اللي ازواجهم عصبيين عشان تعرفين قدر النعمه اللي عندك ولا تجحدينها

والله مدري هالحريم وش يبون بالضبط *_*
خلاص اعتذر مره وش تبينه يسوي ياقلبي؟؟
يعني مو معقوله يجلس يعتذر طول اليوم ويذل نفسه عشان ترضين
احمدي ربك على نعمه التي لا تحصى
وخلي اكبر همك الآخره << الهدف اللي خلقنا الله له
مو كل تفكيرك كيف اخلي زوجي يجلس يراضيني كل شوي الين يشبع غروري وارضى
لا تزعلين مني يا عسل ترى ابي مصلحتك
وترى كنت مثلك بداية زواجي
بس تعلمت ان الحياه ما تنعاش كذا
لا تخلين زوجك ينفر منك بتصرفاتك
خلاص اعتذر تغاضي تغاضي تغاضي وخلي المركب يسير
يعني بالله وش هالشي الكبير اللي ما يكفي معاه الاعتذار عشان ترضين؟؟؟ خانك؟؟؟ زنى ؟؟؟ شرب خمر ؟؟؟
ضربك ؟؟؟؟ هذي اللي اقول لك ممكن انك صعب ترضي بسرعه
اما غير كذا ما اشوف في شي يستحق انك ما تتركين العصبيه ع جنب وتتأقلمين ع طبع زوجك الجميل اللي مو عاجبك
موفقه حبيبتي

احلى شئ انه مايكبر الامور لان لو الاثنين عصبتو بتكبر المشاكل



انتي في نعمه احمدي ربك عليها

زوجك فاهم وعاقل
وعقله كبير
تبينه يناقشك ويرفع صوته ويسبك ويكدر عليك ؟
عدلي أسلوبك وطريقتك معه
تراك تصارخين وتفرغين زعلك كله أما هو يظل ساكت ويجمع لك لين ينفجر عليك مرة وحدة
هو ماشي معك بأسلوب التجاهل ليبعد المشاكل
ترفعين صوتك ويعتذر لك وين الاحترام !!
صراحة هو اللي محتاج النصيحة بالصبر والتحمل
الله يصلح فيما بينكم ويوفقكم ..

سبحان الله لوكان يقومك ويجلسك بالضرب والاهانات ايش كان بتسوين ..قولي الحمد لله بس شوفي اخواتك بالمنتدى اللي يشتكون من ازواجهم وتعرفي ا لنعمه اللي انتي فيها