انقذوني مما أنا فيه000

بسم اللهالرحمن الرحيم
السم عليكم ورحمة الله وبركاته
حبيت استشيركم لأ ني احبتي أعتبركم مثل أخواتي يعلم الله وأكثر
مشكلتي زوجي العزيز
عندي زواج أختي بالصيفيه الله يتمملها في الجنوب وولدعمي في جده حلو زوجي الموقر اقوله نسافر بالطياره عشان
انا حامل وراح اكون بالصيفيه بالشهر السابع وماأقدر اسافر بالسياره أهلي بيروحون بالسياره يقول روحي معهم المشكله
ان ماشاء الله ان السياره زحمه مرره وين بنسدح والا اصلا أقعد انا وولدي في البدايه اقتنع يوديني لجده بس واروح الجنوب وارجع الشرقيه مع اهلي تمام
اليوم جاني يقولي باخذ اجازه اسبوعين وبوديك جده والجنوب بس بشرط بالسياره قلت انا وبشرط بعد قال وشو قلت لحالنا لأن أهله بالقويعيه وبيمر عليهم قال موعلى كيفك قلت له بالعقل انا كرشتي قدامي وولدي معي وامك وشغالتها وبناتها وين تكفي السياره اذا بروح بالسياره ابي اخذ راحتي وافرد السيت وامد ارجولي واذا جو راح اندعس ورا وبينكسر ظهري قال مومشكله تعالي قدام قلت وش اللي يجبرني اصلا انابروح ابي اتمشى وانبسط واشوف اعمامي وعماتي وجدتي (لي 8 سنين ماشفتهم) وانت تبي تحكرني بأهلك وبعدين هما من النوع الزعول يعني اذا رحت زياره
وماخذتهم بيزعلون خاصة خالتي وانا بعد اتفشل اجرجرهم وراي بكل مكان من دون ماحديعزمهم وزوجي من النوع اللي
انواع النحاسه مع اهله ويفشلني قدامهم ويسبني ويتهاوش مع اخته 24ساعه ويحط الحره فيني يعني الزبده مابي نكد
قام يقول مساكين محبوسين طول الصيفيه وماقد تمشواويمكن نروح ابها نتمشى؟؟؟ أنا عاد ماقدرت اتحمل
قلت اي محبوسين وهم كل صيفيه وكل اجازه وهم عندنا من اولها لأخرها واحيانا يجمع اهله كلهم عند خواته ببزارينهم واخوانه واخوه وعياله ومتحملين والله اني انحرم من الزواجات من الجارات من حتى أهلي ماأشوفهم الا بالنادر ونص ساعه بس والاساعه وهذا غير انهم ماخلوا سوق بالرياض مشاء الله وكل شوي طلعات وياليت يثمر فيهم مايروحون الا خالتي اللخ يصلحها تسوي مشكله معي انا وزوجي ومره اخته يعني الكل يدخل بحياتنا ومتحملين عشانه وقبل شوي قلتله
هذي وجهة نظري وانت حرواذا عشان ابها وخايف يزعلون مولازم تقولهم قول انا في بيشه قام وعصب وقال ان شاء الله بتشوفينها بعيالك قلت ليه عشان شي من حقي خلاص تبي تسفرهم ودهمبرمضان جده عند اخوانك وخواتك وانا ابي السفره هاذي لي ماكفرت انت ليش خايف من امك قال طبعا اخاف تزعل مني قلت وانا يعني لين متى وهذي حياتي معاك كل شي اهلك وبعدين ماقلنا شي بر في أمك مامنعتك بس الله ماذكر لافي القران ولا السنه اي اخدمهم واضيفهم كل شهرين 3اسابيع وش هالعيشه
بعد مادوجت روسكم هل هو معه حق والا معي ويعلم الله ن اهله ماخذين حقهم وزياده من ترفيه من مصروف من سفريات وكل شي
وان شاء الله بعدين انزلكم قصة مأساتي بالتفصيل

لااله الاانت سبحانك اني كنت من الظالمين