انقذوني من زوجي

بسم الله الرحمن الرحيم
قصة حياتي قصه ولا كل القصص
ولا اعرف من اين ابدا
تزوجت قريبي وعمري 15 سنه
طبعا برضاي وكان شاب خريج وسيم وكل الصفات الحلوه فيه
مر على زواجنا 6 سنوات وهو جميل لا يخلو لكن كان من احلا ايام العمر انجبت فيها 3 ابناء
بعد طفلى الثالث هبت علينا العواصف من كل جانب
وانا في الاربعين دخل على قال انا ترى بتزوج بعد شهر
صدمت وصعقت رفضت لكن كتب الله ولا تزوج برغبته وانتهى الموضوع مممم اسف ماانتهى بدا
سافرت لاروبا معه لاكمال دراسته وطلع لنا الانترنت وكان غير موجود بالسعوديه ومنه وجد زوجي ظالته
الشات والعلاقات الاكترونيه واصبح ادمان النت 24 ساعه ومكالمات التلفونات الدوليه والمحليه
رجعنا السعوديه وهمنا معانا ودخل لنت السعوديه ورجعت ريمه لحالتها القديمه
المهم كثرت المشاكل حول النت والغزل وهو اصبح اب ل 4 اطفال
فوجد طريقه تريحه منى مواقع الزواج في النت اصبح فيها ليل نهار
يخطب هاذي وذيك
مليت منه ومن كلامه واذا ناقشته قال انتي حتى الحلال تبين تمنعني منه
اصبح عنده نوته للخطابات
يكلمهم بالساعات
ومره وانا كنت ادرس اخر سنه بالجامعه في رمضان لم اغراضه وقال انا بروح عند اهلي اجازه
طيب احنا لوحدنا وانا باقي ادرس وبنته الكبيره في المدرسه ماعطلنا
قال معليش غيبو وامشوا اوديكم عند اهلك ( اهلي في مدينه ثانيه غير مدينه اهله )
قلت لا مااقدر باقي اسبوع للدراسه قام طنشني واخذ اغراضه ونادي بنتي اعطاها فلوس وراح طبعا راح واحنا متخاصمين واختفي يابنات من نص رمضان 5 ايام
كلمت امه قالت مر علينا يوم وراح ولا حبيت ابين لهم شي وسكت
بعد 5 ايام اتصل قال عطلتو قلت ايه وجاء بعدها بيومين يدور وش يراضيني
جايب هدايا الدنيا لعياله وامرو بس
وقلت لا انا ماابي شي بس ابي انقل من هاالبيت ضيق علينا وكنت اوحم وانا مو داريه وتعبانه بس لاحظت الاهتمام الزايد وطار وجاب لنا بيت ايجار طبعا واثث بحوالي 100 الف ريال وكل عفشنا القديم باعه والله انبسطت بس كنت مو مرتاحه لتصرفه وعرفت ان وراه بلا
المهم رحت في العيد لاهلنا وعيدنا تاني يوم بالعيد اختفى ولا رجع الا صبح اليوم الثالث وسالته وش عندك مختفي انفجر في وجهي مالك دخل المهم بعد مانام فتشت جيوبه الاقي ايصال فتدق في مدينه ثاتيه جنبنا واتصلت عليهم وقال لي اللي رد ايوه فلان كان بايت البارح عندنا هو وزوجته وغادرو الفجر
انصعقت بكيت بكاء مرير بس ماقلت له اي شي ولا لاهلي ولا اهله ورجعنا بيتنا وصار كل اسبوعين ثلاثه يختفي يوم انا اعرف بس سويت نفسي مش ملاحظه
وكان هو يتعذر مره عزيمه عند مزرعه مره دوام اضافي المهم مادققت عليه
ابد بعد يمكن 4 شهور لاحظت انه انقطع عن هاالزيارات نهائي ( من خلال فهمي انه زواج مسيار وكان يروح يوم كل اسبوع او اسبوعين )
وبعد ماانقطع عنها نهائي كمان فهمت انه يمكن طلقها
وعشت معه يمكن سنه وهو انسان رائع ترك مراهقاته وحركاته وانبسطت قلت يمكن كانت نزوه وجرب ويوم ماناسبه الوضع انتهى والحمد لله
وخلفت وجبت بنت صغنونه انهبل عليها وبعد السنه يابنات رجع عليه حركات تنرفزني التلفون الجوال انشغال احيان المكالمه تصل الى 65 دقيقه يليها مكالمه اطول منها
المهم قلت لنفسي انا ماراح اسمح للي صار يتكرر
وبدينا في مشاكل كل يوم وهلم جر لاهو راضي ولا انا قادره اتحمل
وكل رقم امسكه اتصل عليه ترد حرمه ولا اعرف وش اسالها عنه المشكله مافيه رقم محدد
اكثر من 20 رقم
المهم اخير صار مركز على رقم معين اتصالات حتى 4 الفجر واتصلت على البنت وهددتها وسويت فلم هندي وقلت له المهم قال حياتي الخاصه لا تتدخلين فيها
وفتره وفمت الساعه 3 الفجر لقيته يكلم برا في السياره ونفس الرقم يوم دخل على انفجرت في وجهه ويامراهق ويا ويا وقام ضربني وقال هذي خطيبتي وطلع ورقه زواجه منها ( ملكه بدون دخول ) وانا شفتها قلت الحين توديني بيت اهلي
طلعت بثوبي اللي على مجروحه الخاطر مضروبه حالتي حاله
ووصلني باب اهلي وطلع
جلست عند اهلي اسبوعين وانا ماشفت حتى بنتي الصغيره طبعا كل العالم وقفوا معاي او على الاقل 90% منهم كيف ؟ وليش ؟ وش ناقصك ؟
حتى ابوه خاصمه
وصارت فوضى عامه في الاسره وتدخل الناس وتدخل ناس من جماعتنا وصار فلم هندي ابوعين وانا وهو في حلق من هب ودب الزبده بعد اسبوعين اتصل على الفجر الساعه 5 وانا كنت نايمه وقال انا بمرك بعد الظهر
جاء بعد الظهر قلت له وش عندك خلاص انا مليت ماعاد اقدر اتحمل اكثر قال انا احبك وانتي وانتي ,,,,,,,,,,,,,,,,,,,, الخ قلت له انتهى هاالموضوع لاعاد تناقشني فيه قال خلاص ارجعى لبيتك وعيالك ترا انا خلاص بطلق البنت هذي وانا جالس ادور على سبب علشان اتخلص منها قدام اهلها بس لانها هي ماسوت شي واهلها ناس محترمين وهي محترمه بس انا خلاص ماعاد ابيها
واتفقنا على كذا وفعلا شهرين وطلقها ولا علمني وكل ماسالته قال باقي لحد مااكتشفت بالصدفه انه طلقها من زمان
كان هذا الكلام من 9 شهور يقريبا
ومت يوم طلقها وحتى قبل يوم كان خاطبها وقبل لا يخطبها وهو راجع للنت والتلفونات والعلاقات اشكال والوان بعد ماتركها زاد الطين بله
ولا يكلم عندي طبعا برا البيت واحيان مكالماته بالساعات
المهم الان له حوالى شهرين وهو كل اسبوع يختفي يوم او يومين طبعا قدامي بعذر بس اما شاكه في تصرفاته واهتمامه في نفسه قبل مايطلع
وقبل لا يختفي يلبي كل الطلبات علشان ماتحتاجه
ويحط حتى فلوس اضافيه في مكان واذا اتصلت عليه قلت نبي او شي قال شوفي مثلا في الدرج الفلامي مبلغ كذا خذيه المهم ياخذ حذره لكل شي
حاولت استدرجه مانفع معاه كتوم وكل شي سر
لقيت في السياره معاه مخالفه قسيمه مروريه بتاريخ اليوم اللي اختفى فيه من مدينه ثانيه تبعد عنا 100 كيلو
سالته عنها قال لا مو انا اخوي اخذ السياره وراح لاصحابه ومسكوه الشرطه
الخميس اللي راح شفت في ثوبه خط عنابي اشبه مايكون بخط روج ولما سالته عنه قال انتي مريضه وساوسك بتجننك هذا قلم سايل مسحته وصار كذا
المهم قال كلمه قبل يومين ممممممممممممم ماينفع معك انتي واهلك واهلي الا السرقه لا ازعل احد ولا احد يزعلني
مع الملاحظه انها خفت مكالماته وحركاته بس احس ان قلبه متعلق بنهايه الاسبوع متى تجي علشان يروح من نص الاسبوع وهو يجهز ملابسه ويشتري عطور ويحلق ويتروش ويتبخر كله استعداد لنهايه الاسبوع واذا سالته قال عادي صيانه على قوله
الحين بموت من الالم لاني متاكده 99% ان عنده حرمه وانا لاحظت هاالشي حتى في الفراش لي مجامله
انا وش الحل
اسكت ؟ اتظاهر بالغباء ؟
ادور وراه واكيد بلاقي خيط واواجهه؟
اعلم اهلي ياخذون حقي منه؟
اشهر به واعلم التاس ؟
دورو لي عن حل راسي بينفجرر منه
وهو رافض التصريح باي شي ومتكتم على كل شي
احسه معاي بس شكلا لكن قلبه وهمه في مكان ثاني بالمره حتى عياله مايسال وينهم
افكر اخذ اولادي وانقل بيت خاص لنا لوحدناااااا وانساه لانه ماجاني منه الا الاكتئاب
احس انه يعاملني مثل امه اي خدمه اي اوامر بس يبي ارضى واسكت وانا قطعه ديكور في البيت
والله يابتات حتى ( القبله ) صارت على راسي من فوق بس
ماعدت اطيق هالنعامله وتشتت ذهني
وضاعت بي السبل سلعدوني وادعوا لي
ملاحظه ( زوجي محافظ على صلوته )